مساعدة لجمع فلوس عملية كسر فى العمود الفقرى

**Mahmoud Nagieb** · 23-08-2011 04:23 PM

السلام عليكم يا شباب

للأسف اليومين اللى فاتوا كانوا عذاب بالنسبالى لان جوز عمتى حصلتله حادثة رهيبة .... كان راكب ميكروباص والميكروباص وقع من على الكوبرى وللاسف جوز عمتى حصله كسر فى العمود الفقرى وهو دلوقتى فاقد الاحساس برجله ومش بيحركهم

فانا كنت عاوز اعرف سكة العلاج على نفقة الدولة او لو فيه جهات ممكن تبحث الحالة وتساعد فى تكاليف العملية والعلاج لان هو شغله كان سيكيورتى وده كان مورد رزقه الوحيد

فياريت يا جماعة لو حد يعرف اى سكة الواحد ممكن يساعد الراجل بيها ياريت ميتأخرش علما بأنه دلوقتى راقد على السرير ومستنى انه يعمل العملية فى اقرب فرصة لان الوضع خطير

وشكرا

**mr_vampire** · 23-08-2011 04:42 PM

ربنا يشفيه. اسال فالشوون الاجتماعية او فالتامين الصحي

**Medo007** · 23-08-2011 06:15 PM

اللهم اشفيه عاجلا وليس اجلا انك على كل شيء قدير

**MOUSTAFA_SAAD** · 23-08-2011 07:07 PM

اللهم اشفى كل مريض
ححاول اسالك ان شاء الله

**Ashraf_Ibrahim** · 23-08-2011 11:38 PM

لا حول ولا قوة إلا بالله
شفاه الله وعافاه
هحاول اسألك في قصة العلاج على نفقة الدولة دي -بس دي سكة طويلة ومتعبة-

**sharpen** · 24-08-2011 02:50 AM

دكتور يكون متابع الحالة وهايدلك على الورق والميعاد المطلوب فى مستشفلى حكومى للعرض على لجنة طبية فى المستشفى ( يفضل ان الدكتور اللى متابع يكون عضو فيها )
اللجنة تدى بتحدد المريض دة محتاج علاج او عملية بمبلغ س وترفع التقرير للادارة العامة
سيادتك بعد كدة بتابع الموافقة من الادارة ويفضل تاخد صورة منها
بعد كدة الدكتور فى المستشفى ملزم يصرفلك علاج او عملية ( بس فى المستشفى الحكومى او واحدة تابعة ليها )
بقيمة المبلغ س اللى واخد بية الموافقة وطبعا مش لازم يصرفلك بقيمة المبلغ س كلة مرة واحدة
دلوقت انت فكر فى مستشفى حكومى وشوف دكتور كبير فيها ( لازم )وتابع معاة برة وجوة ووضحلة كل اللى انت عايز تسال علية علطول - يفضل فى العيادة علشان يهتم -

**dode2002** · 24-08-2011 03:21 AM

اتصل بمعهد ناصر واسال عن مواعيد استشاريين جراحه المخ والاعصاب في العياده الخارجيه
وانا باكد استشاريين مش اخصائيين
وروح اكشف عليه وهما هيدوك ورق تطلع بيه علي وزارة الصحه وتجيب موافقه بالعلاج وتقريبا هتاخد 3 او 4 ايام
بعدين تاخد الموافقه وتطلع علي المعهد وهما هيتولوا اجراء كل شئ

**sharpen** · 24-08-2011 04:07 AM

المشاركة الأصلية كتبت بواسطة dode2002

اتصل بمعهد ناصر واسال عن مواعيد استشاريين جراحه المخ والاعصاب في العياده الخارجيه
وانا باكد استشاريين مش اخصائيين
وروح اكشف عليه وهما هيدوك ورق تطلع بيه علي وزارة الصحه وتجيب موافقه بالعلاج وتقريبا هتاخد 3 او 4 ايام
بعدين تاخد الموافقه وتطلع علي المعهد وهما هيتولوا اجراء كل شئ

كلام جميل
بس حاول تاخد الورق تودية انت بايدك وتابعة علشان مايتركنش
ياريت برضة تكون مع واحد منهم برة علشان يبقى متابع معاك الامور مش بس علشان نفقة الدولة والفلوس لا لان الحالة المفروض يكون فية دكتور واحد متابعها اول باول
اللى بيحصل فى المستشفى النهاردة دكتور س وبكرة ص هيكمل والمستشفى مش مطالبة تختارلك الدكتور اللى انت عايزة

**Mahmoud Nagieb** · 26-08-2011 12:16 AM

الحمد لله من قبل ومن بعد .... للأسف يا جماعة امر الله نفذ وهو فى المستشفى قبل ما يعمل العملية وتوفى

ربنا يسكنه فسيح جناته ان شاء الله .... وياريت يا جماعة تدعوله بالرحمة

-

الموضوع: مساعدة لجمع فلوس عملية كسر فى العمود الفقرى

LinkBack

أدوات الموضوع

عرض

مساعدة لجمع فلوس عملية كسر فى العمود الفقرى - انشر الموضوع فى :

-

-

-

-

-

المواضيع المتشابهه

استشارة عاجلة فى العمود الفقرى

صديرى لحماية الظهر و العمود الفقرى لراكبى الموتسيكلات

للبيع سديرى لحماية الظهر و العمود الفقرى

الكلمات الدلالية لهذا الموضوع

المفضلات

المفضلات

ضوابط المشاركة