عايز اجيب شوية حاجات للعربية دايو رايسر اروح القاهرة ولا بورسعيد ؟

**mody100** · 23-08-2011 04:28 PM

السلام عليكم كنت عايز اجيب شوية حاجات للعربية هى دايو رايسر تنصحونى اروح القاهرة ولا بورسعيد مع العلم انا من الاسكندرية و شكرا .

**mody100** · 25-08-2011 02:48 AM

اية يا جماعة هو السؤال صعب ولا اية

**elpasha1** · 25-08-2011 04:26 AM

القاهرة (الحرفيين) زى بورسعيد

**a_aboelseoud** · 25-08-2011 11:00 AM

المشاركة الأصلية كتبت بواسطة mody100

السلام عليكم كنت عايز اجيب شوية حاجات للعربية هى دايو رايسر تنصحونى اروح القاهرة ولا بورسعيد مع العلم انا من الاسكندرية و شكرا .

طيب ما تيجى نحسبها
- اولا بالنسبة للمسافة : بعد الطريق الدولى الساحلى و اللى بيربط بين (اسكندرية - بورسعيد ) اصبحت تقريبا المسافة واحدة .
- الرايسر و السيلو و الاسبيرو 3 عربيات منتشرة فى بورسعيد طبعا اكتر من أى مكان تانى و ده معناه تجار قطع غيار اكتر بيشتغلوا فيها عن القاهرة طبعا و طبعا فى السعر هيكون ارخص لانك هيكون عندك اكتر من تاجر و الارخص هتشترى من عنده .
- بالنسبة لنظافة البضاعة طبعا بورسعيد لانى نزلت مرتين اشترى حاجات لعربيتى الاسبيرو و كانت حاجتهم نظيفة جدا و سعر اقل بكتير من القاهرة.
بس انت ليه عايز تروح بورسعيد او القاهرة ؟؟؟
فيه زميل لينا هنا فى المنتدى من اسكندرية برده و معاه اسبيرو (تاجر قطع الغيار بتاع ال3 عربيات واحد تقريبا) و يعرف تجار قطع غيار كتير و مش بيلاقى مشكلة فى الموضوع ده .
هو اسمة دكتور محمود بدر ممكن تساله على اماكن قطع الغيار و تشوف يمكن تلاقى طلبك فى اسكندرية.
و بعدين برده انت مقولتش انت محتاج ايه لعربيتك ؟؟؟

**mody100** · 25-08-2011 02:33 PM

المشاركة الأصلية كتبت بواسطة a_aboelseoud

طيب ما تيجى نحسبها
- اولا بالنسبة للمسافة : بعد الطريق الدولى الساحلى و اللى بيربط بين (اسكندرية - بورسعيد ) اصبحت تقريبا المسافة واحدة .
- الرايسر و السيلو و الاسبيرو 3 عربيات منتشرة فى بورسعيد طبعا اكتر من أى مكان تانى و ده معناه تجار قطع غيار اكتر بيشتغلوا فيها عن القاهرة طبعا و طبعا فى السعر هيكون ارخص لانك هيكون عندك اكتر من تاجر و الارخص هتشترى من عنده .
- بالنسبة لنظافة البضاعة طبعا بورسعيد لانى نزلت مرتين اشترى حاجات لعربيتى الاسبيرو و كانت حاجتهم نظيفة جدا و سعر اقل بكتير من القاهرة.
بس انت ليه عايز تروح بورسعيد او القاهرة ؟؟؟
فيه زميل لينا هنا فى المنتدى من اسكندرية برده و معاه اسبيرو (تاجر قطع الغيار بتاع ال3 عربيات واحد تقريبا) و يعرف تجار قطع غيار كتير و مش بيلاقى مشكلة فى الموضوع ده .
هو اسمة دكتور محمود بدر ممكن تساله على اماكن قطع الغيار و تشوف يمكن تلاقى طلبك فى اسكندرية.
و بعدين برده انت مقولتش انت محتاج ايه لعربيتك ؟؟؟

محتاج مراية شمال و فانوس شمال قدام و مساعدين و بطاحات بس ياريت رقم دكتور احمد يمكن يكون عنده الحاجات اللى انا عايزها

**a_aboelseoud** · 28-08-2011 10:46 AM

المشاركة الأصلية كتبت بواسطة mody100

محتاج مراية شمال و فانوس شمال قدام و مساعدين و بطاحات بس ياريت رقم دكتور احمد يمكن يكون عنده الحاجات اللى انا عايزها

على فكرة انا شايف ان الحاجات اللى انت عايزها بسيطة مش مستاهلة المشوار و ممكن تلاقيها فى اسكندرية .
- فيه ملحوظة بسيطة لما تيجى تشترى قطع الغيار و خصوصا الاستيراد بالنسبة لعربيتك بالذات
متحاولش تتعب نفسك فى انك تجيب حاجات رفايع لعربيتك خصوصا لو قادر تجيب الحاجة كلها على بعضها بمعنى لو هتجيب بطاحة و مساعد يبقى تريح نفسك و تشترى جنب بحاله للاسباب الاتية :
- اللى هيبيعلك البطاحة و المساعد لوحدهم هيبيع و يشترى فيك و هيغلى عليك و لو حسبت الفرق هتلاقيه بسيط جدا بس قصاده هيكون عندك ركبة و المساعد بالسوستة و طمبورة و تيل فرامل و بلية عجل اكيد مش خشنة يعنى على سبيل المثال البطاحة ب 60 جنيه و انا جبت الجنب الشمال بالكامل ب 240 جنيه .
- طبعا يكون عندك الحاجة احتياطى عشان متتعبش لما تيجى تدور عليهم تانى.
- هتوفر فى اجرة الصنايعى و توفر شويه فى موضوع جودة التركيب و تقفيل الحاجة لكن مع الجنب ببساطة هينزل الجنب و يركب واحد تانى و دمتم.