الموضوع: عندى مشكلة فى الصنى موديل 2011

المشاركة الأصلية كتبت بواسطة beshomilan

معقول الارقام دى؟؟؟
انا الاكسيل96 عندى بتعمل 12.5 كيلو فى اللتر فى الطوالى..يعنى الصفيحة بتعمل 250 كيلو..يبقى الصنى اللى افضل واحدث من عربيتى فكل حاجة تعمل 9.5 لتر فى طريق السفر؟؟؟
دانا بحب الصنى اوى معقول هغير فكرتى عنها بسبب شكوى استهلاك البنزين المتكرر كتير ده؟؟

انا معايا 2010 مانيوال بتعمل نفس الاستهلاك 250-270 فى الصفيحة
وطبعا بيزيد لو مشغل تكييف اغلب الوقت او ماشى كتير ع الاول والتانى
لا تقلق

المشاركة الأصلية كتبت بواسطة Dr.M.Mowafy

انا عندي التانك كله مبيعملشي اكتر من 300 كيلو
اقصد من بدايه التفويل لحد ما اللمبه الصفره تنور

لا المفروض يعمل من 420-450-480 كم حسب السرعات والتكييف وخلافه
وبعد اللمبة ما تنور بيبقى فاضل حوالى 13 لتر بنزين يعنى عندك كمان 130 كم تقريبا
والتانك كله 50 لتر المفروض يكفوا ل600 كم لو مش مزود عن 100-110 كم وبدون تكييف وطرق سريعة بس

المشكلة ان محدش بيقيس الاستهلاك بالطريقة الصحيحة .. وكل واحد راكب العربية وبيجرى بيها على 100 او اكتر بيقول انها بتاكل بنزين .. ما هى لازم حتاكل بنزبن

وكمان اللى بيسوق فى الزحمة وبيقف كتيررر ويقولك اصلها بتسحب .. ما لازم تسحب

او حد لسه ما عملش صيانة الالف ويوقلك بتسحب .. ما ممكن تسحب بردوا عشان العربية عاوزة تتظبط على الكمبيوتر وبالاخص الحساسات وحساس الtps

بصوا يا جماعة

الاول اعملوا قراءات الtps صح على 48 وبعد كدا اظبطوا ضغط الكاوتش .. وبعد كدا فولو العربية .. وامشوا مسافة 200 كيلو .. والسرعة متعديش عن 90 مش 100 كمان .. لان هو ده المفروض نحسب عليه .. يعنى مش 100 ولا حتى 110 ولا 120 .. انا بقول سرعة 90

وشوفوا الاستهلاك بقا كما .. ويستحسن اللى حيعمل الطلعة دى وعربيته معدية ال10 كيلو ينظف فلتر الهواء .. بايده .. وعندنا فيديوهات فى القسم بتبين ده

المهم ... ها حد حيعمل كدا .. ولا حنفضل نتكلم وخلاص .. ونقول ارقام وخلاص .. وكل واحد ليه سواقة عجب وبطريقته !!