انا عربيتى لانسر 99 مانيوال و عندى الخازنة بتاعت الزيت بتاعت ماستر الدبرياج الأمامى فيها الزيت اسود قوى زي زيت المتور كدة لما يبوظ.....مش عارف دة اية و هل دة طبيعى ولا لآ؟
انا عربيتى لانسر 99 مانيوال و عندى الخازنة بتاعت الزيت بتاعت ماستر الدبرياج الأمامى فيها الزيت اسود قوى زي زيت المتور كدة لما يبوظ.....مش عارف دة اية و هل دة طبيعى ولا لآ؟
استاذ kemo_nagy اهلا بيك
انا سألت مدير الكنترول في مركز الخدمة الرئيسي في التوكيل وقال ان زيت خزنة الفرامل وزيت خزنة الفتيس من نفس النوعية ويجب أن يكون لونه ذهبي وهو جديد.
كما يجب أن يتم تغييره كل سنتين أو 100 ألف كيلو متر حتى يتم الاداء السليم للفرامل وحركة تشغيل ماستر الدبرياج
لذلك من الأفضل تغيير الزيت في مركز خدمة علشان ينظف دورة الزيت كلها والمواسير من اي رواسب ويتحط زيت جديد ذهبي
اولا الف الف الف الف الف شكر يا باشمهندس على سرعة الأستجابة ...انا ساعات بتحصل عندى زعيق فى المارشدير كدة و واحد قالى غير الخزنة اللى قدام دى بتاعت الماستر الدبرياج العلوى عشان الزيت الأسود معناة ان الكاوتش او حاجة كدة مش فاكر قالى انها تأكلت..تفتكر لون الزيت دة فعلا يكون هو السبب؟والحل انى اغير الخزنة بحاجتها كلها اللى فوق وأحط زيت جديد ولا أكتفى بتغير الزيت بس وعمل التنظيف اللى حضرتك قلت علية؟ وبجد بجد بجد بجد فعلا عاجزين عن الشكر يا باشمهندس طارق و ربنا يخليك لينا
هو الزعقة في المارشدير دي غالبا بتكون طقم الدبرياج عايز يتغير (ديسك واسطوانه وبليه) وده بيكون واضح اكتر لو حصل حاجتين : اولا عدم سحب العربية ثانيا : صوت الموتور يعلى دون ان يحدث تسارع حقيقي للعربية نتيجة دوسة البنزين
اما اذا كان سحب العربية كويس ودوس البنزين بيحقق سحب العربية دون تعلية صوت الموتور يعني طقم الدبرياج سليم يبقى ممكن فعلا يكون ماستر الدبرياج عايز يتغير انما ده يبان اكتر بالكشف عليها عند حد كويس
وشكرا لذوقك