مواضيع فادى مجمعه(جوان وش الأسبراتير-جوان وش التاكيهات-تنظيف البوابة-ترموستات الكوعه)

السلام عليكم ورحمه الله ..حبيت اعمل الموضوع ده للافاده العامه . يارب يعجبكم وسامحوني لاني كنت باشتغل بالليل والاضاءه ضعيفه
الاسبراتير:::
مكانه اعلي الموتورعلي بيت الكامه من ناحيه اليمين . ووظيفته توزيع الكهرباء القادمه من الموبينه (12000فولت)علي كابلات البوجيهات عن طريق شاكوش الاسبراتير اللي بياخد حركته من عمود الكامات
http://img103.herosh.com/2009/09/28/902433167.jpghttp://www.nileup.com/uploads/13501686221.jpg

http://www.nileup.com/uploads/13501691161.jpg
http://img103.herosh.com/2009/09/28/573240561.jpg


اعراض تلف الاولسيه:::
ملاحظه وجود زيت موتور اسفل الاسبراتير ومسيل علي الموتور من الجنب
الادوات المطلوبه:::
-مفتاح لقمه مقاس 6 مللي اوبنسه كلابه
-طقم الانكيه هنحتاج منه مقاس صغير مش فاكر كام
-مفك عاده
-بنزين وبطانه للنظافه
-شويه شجاعه
اولا افصل الكابل اللي جاي من الموبينه وداخل علي الاسبراتير
ثانيا هتفك مسامير وش الاسبراتير وعددهم 3 مسامير وماتخافش المسامير مش هتقع لانهم متثبتين من الطرف في الوش

http://img102.herosh.com/2009/09/28/469026967.jpghttp://www.nileup.com/uploads/13501693071.jpg

-بعد ما تفك المسامير خرجه لبره بالراحه ولاحظ ان فيه غطاء بلاستيك كده شبه الترس راكب علي الوش من جوه زي ماهو باين في الصوره
http://www.nileup.com/uploads/13501693072.jpg
http://img103.herosh.com/2009/09/28/214861599.jpg
-ظهر قدامك الشاكوش وحواليه هتلاحظ وجود الاولسيه اللي هنغيره
http://www.nileup.com/uploads/13501693073.jpg
http://img102.herosh.com/2009/09/28/237999179.jpg
-فك المسمارين اللي ماسكين الشاكوش بالانكيه الصغير واحفظ اتجاه راس الشاكوش علشان لما تركبه تاني

http://www.nileup.com/uploads/13501695181.jpg
http://img103.herosh.com/2009/09/28/167352355.jpg
-بعد ما تفك الشاكوش وتخرجه لبره هتلاقيه كان راكب علي قاعده اسطوانيه نحاس .شدها لبره بالراحه ودلوقتي ظهر قدامك الاولسيه القديم .خرجه لبره ببوز المفك
http://www.nileup.com/uploads/13501695182.jpg
http://img103.herosh.com/2009/09/28/984598840.jpg
-نظف المكان بالبنزين والفوطه اللي معاك وركب الاولسيه الجديد ولاحظ ان الاولسيه اما انك تشتريه من متخصص قطع غيار اوبل (خاص بالموديل) او من عند متخصص اولسيهات(خد القديم وقيسه بالبوكليز)


http://img103.herosh.com/2009/09/28/921711818.jpghttp://www.nileup.com/uploads/13501695193.jpg
-ركب الاولسيه وبيته في مكانه مضبوط وبعدين ركب الاجزاء اللي فكناها قبل كده من ورا لقدام ابتداء من قاعده الشاكوش ثم الشاكوش واربط مساميره وبعدين الغطا البلاستيك واخيرا وش الاسبراتير وماتنساش تشبك كابل البوبينه اللي فصلته في الاول
-ممكن قبل ما نقفل شغلنا نسنفر راس الشاكوش ولوامس الكابلات النحاس اللي جوه الوش بسنفره ناعمه علشان نشيل الاكسده لتحسين عمليه الدواره

........* يارب الموضوع يكون عجبكم ومستني رايكم ........*

بسم الله الرحمن الرحيم ..


بلف الايديال كونترول؛؛

هو بديل للشفاط في السيارات القديمه وهو عباره عن اسطوانه داخلها موتور كهربي بيرفع صوباع معدني عبر بوابه لدخول الهوا للمانفول ووظيفته رفع السلانسيه لتسخين الموتور لبضع ثواني والموتور بارد - ايضا بيرفع قيمه الار بي ام اثناء تشغيل التكييف علشان الموتور يحتفظ بقوته .
اعراض تلفه؛؛

ملاحظه ان الار بي ام مش مضبوط يعني بيعلي ويوطي (القيمه الطبيعيه للار بي ام هي 900 لفه/د)

الادوات المطلوبه لتنظيفه؛؛

مفتاح الانكيه نجمه-علبه wd-40 -بطانه نظيفه-فرشه اسنان قديمه-شويه صبر

http://www.nileup.com/uploads/13501699981.jpg
http://img103.herosh.com/2010/03/07/428260310.jpg


الايديال كونترول مكانه تحت العمه علي المانفول كما هو موضح بالصوره
بالضبط في المكان د


http://www.nileup.com/uploads/13501702122.jpg
http://img102.herosh.com/2010/03/07/824188687.jpg

هنبدا باسم الله نفرش البطانه تحت مكان شغلنا علشان مفيش حاجه تقع او تضيع وبعدين نفك الفيشه بتاعته عن طريق الشد برفق لتحت بعد شد الكلبس لبره ونفك مساميره بالانكيه وهما عباره عن مسمارين متقابلين كما بالصوره
http://www.nileup.com/uploads/13501699993.jpg

http://img101.herosh.com/2010/03/07/758519591.jpg

دلوقتي بعد ما فكينا المسمارين شد الايديال لبره ماتخافش .

http://www.nileup.com/uploads/13501702121.jpg


http://img103.herosh.com/2010/03/07/851017742.jpg
وده شكله بعد ماخرج وهتلاحظ وجود هباب او اوساخ علي الصباع المعدني ودي اللي بننظفها بالwd-40 وفرشه الاسنان ,رش جواه لغايه ماتلاقي المنظف نازل لونه نظيف .وكمان رش رشه جريئه كده جوه الفتحه اللي بيركب فيها
http://www.nileup.com/uploads/13501702133.jpg


http://img102.herosh.com/2010/03/07/106681123.jpg

http://img103.herosh.com/2010/03/07/612972634.jpg

خلي بالك في جوان رفيع راكب عليه اوعي يضيع شكله كده

http://www.nileup.com/uploads/13501703931.jpg
http://img102.herosh.com/2010/03/07/669696715.jpg

بعد مانظفنا الايديال نركبه زي مافكيناه وبفكرك تاني بالجوان اوعي تنساه وبعدين ركب الفيشه بالضغط لاعلي ويبقي مش فاضل الا نعمل حاجه اسمها ايديال ليرن وده علشان نعرف الكونترول يونت بمكان صباع الايديال من فتحه الهوا .

خطوات الايديال ليرن؛؛

نفتح الكونتاكت فقط من غير ماندور الموتور 3 مرات زمن كل مره 5 ثواني وبعد كده ندور الموتور ونستني 3 دقايق ونشغل التكييف دقيقتين وبعدين نقفل التكييف ونبطل الموتور وبكده يبقي كله تمام :verygood:.
-علي فكره ..لو ماشيلتش فيشه الايديال وانت بتنظفه مش هتحتاج تعمل الايديال ليرن .
××النتيجه غير ان الايديال هيتظبط هتلاقي صوت الموتور انعم من الغسيل بداوني وهدي كتير ,وستني ردودكم وارائكم ..
.

السلام عليكم ورحمه الله ....
- اول حاجه هوريكم منظر السقف عندي كان عامل ازاي ودي انظف حته فيه واللي عنده عيال صغيره هيعرف معني كلامي :8954[1]:
http://www9.0zz0.com/2010/04/21/10/923236602.jpg

-هنقول باسم الله ونفك الشماسات اللي قدامك ليها جزئين جزء ماسك الشماسه نفسها بمسمارين والاخر اللي بتركب عليه الشماسه وراكب بمسمار من تحت كده زي الصوره, مد ايدك ورا لمبه الصالون هتلاقيها راكب فيها فيشتين رفيعين يمين وشمال اسحبهم وفكهم ولما ينزل السقف فك الشاشه المضيئه وقاعده اللمبه والفرام الصاج بتاعها هتلاقي الموضوع سهل جدا.
http://www8.0zz0.com/2010/04/21/10/277655847.jpg

-بعد كده هنفك المقابض اللي في السقف (المساكات) كل مقبض ليه مسمارين اتخن شويه من مسامير الشماسات ,خلي بالك ان المسامير مختبئه تحت بلستكه كده هنرفعها ببوز المفك هتلاقي المسمار واضح فكه بالجي ام وبص ع الصور ياباشا
http://www8.0zz0.com/2010/04/21/10/835736268.jpg

-لو بصيت ورا خالص هتلاقي السقف متثبت ب3كلبسات ضغط هتطلعهم بره ببوز المفك بالراحه علشان ترجع تستخدمهم تاني .
http://www8.0zz0.com/2010/04/21/10/621067714.jpg

-دلوقتي السقف متعلق فقط علي ال6 قوايم الفبر ,فك ال2 اللي قدام خالص وال4 التانيين هويهم بس علشان نسحب السقف من تحتهم ,القوايم الفبر متثبتين في جسم العربيه بفيشرات (كلبسات) ماعليك الا انك تشد الفبره لبره علشان تخلص الكلبس من مكانه وترجعه تاني بالضغط عليه
http://www8.0zz0.com/2010/04/21/11/229157480.jpg

http://www8.0zz0.com/2010/04/21/11/650220328.jpg
-هتخرج السقف ازاي بره العربيه؟؟ هيخرج من بابك هتلفه 90 درجه ناحيه الشمال وانت بتشد لبره هيخرج معاك .
- هتشيل القماش القديم وتنظف مكان الاسفنج اللي هتلاقيه ناشف كويس قوي ,لو فركته بايدك هيقع .. نسيت اتكلم عن القماش .. هو اسمه (استوفه) عباره عن الطبقه اللي انت بتشوفها دي ولازق فيها اسفنج سمك 3 ملي انا جبت متر ونصف سعر المتر 30ج من عند اللي بيبيع حاجه السروجيه بس اتاكد انه نفس اللون بالضبط ,الفرش عندنا لونه ترابي مش رمادي خلي بالك وتجيب فرشه دهان 2 بوصه وعلبتين لزق اسفنج احنا بنسميه (اجو) ماتجيبش غير نوع مصري اسمه الشعله الذهبيه والعلبه لونها ذهبي ب8ج ده احسن حاجه ..
- نيجي لاهم حاجه اولا بعد ما نظفنا السقف هنلاحظ انه مصنوع من الورق المقوي وبداخله نسيج فيبر جلاس علشان كده هنديله وش بالاجو علشان نسد مسام الورق ولما نيجي نلزق بعد كده ما يشربش اللجو والقماش يفك .تقريبا السقف هياخد اول علبه .ماشي سيبهه ينشف براحته وبعد كده هنبدا نفرد الاجو ونسيبه دقيقه ونلزقه .خلي بالك من الاتي ..
*ابدا اللصق من منتصف السقف وبعدين اتجه للاطراف
*هتفرد الاجو علي شكل سطور عرضيه بعرض 20 سم تقريبا وبعد ماتنشف نعمل اللي بعدها
*ماتزودش الاجو علشان القماش ما ينقعش ويبقع
*وانت ماشي شد القماش كويس براحه ايدك علشان تخرج الهوا
....ممكن تقص حته قماش فاضله وتدرب نفسك في لزقها علي ظهر السقف قبل ما تشتغل علي وشه وتشمشي ايدك علشان ماتغلطش .
*بعد ماينشف خالص سيب دايرمايدور 2سم واتنيهم لوره علي السقف
.http://www8.0zz0.com/2010/04/21/13/648861879.jpg
-كده كله تمام قوي ركب لمبه الصالون تاني ودخل السقف داخل العربيه زي ماطلعناه واسنده بس علي الفبرتين اللي ورا خالص علي بال ماتركب الشماسات وهكذا..نسيت حاجه كمان:brn: ...قبل مااركب السقف اشتريت عازل حراري زي الفوم كده بالمتر سمكه 5 ملي وقصيته وحطيته قبل مااركب السقف علشان الحراره ماتوصلش للسقف وتظبطنا في الحر .

....*المحصله النهائيه ان الحمد لله السقف طالع زي المصنع بالظبط ونفس الخامه واللون والجلاله هتاخدني وفي اقرب فرصه هغير فرش الابواب برده بنفس الطريقه :colsmil:ودي صوره السقف بعد العمليه ..
http://www8.0zz0.com/2010/04/21/13/218092271.jpg
الموضوع سهل جدا بس عاوز بال رايق وصبر وحس فني .ربنا يوفق الجميع وعاوز اعرف رايكم ؟:11:

السلام عليكم ورحمه الله وبركاته ..

الموضوع ده مش تكنيكال قد ماهو فنتازيا بس لذيذه ,كان مضايقني ان مكان حامل الكبايات في التابلوه مش مضيء ففكرت انوره مع باقي التابلوه , اول حاجه خلعت الجزء الخاص بالكبايات والطفايه(حته واحده) في الجنبين تحت خالص فبرتين علي شكل مثلث احداهما في وسطها الولاعه انطرهم لبره ببوز مفك عاده هما داخلين كبس وبعدين هتلاقي مسمارين جي ام فكهم وشد لبره هيطلع الجزء كله معاك -جبت لمبه سفايه 12 فولت بالقاعده بتاعتها ولقيت فتحه في النص اعلي الحامل سقطت منها اللمبه وثبتها كويس بالديفيكون وبعدين طلعت السلك ومشيته علي الجنب لغايه ماراح للولاعه علشان اخد من كهربتها كوبري للمبه والنتيجه ماشاء الله فتحه الكبايات منوره علي شكلها اضاءه خافته جميله جدا وشيك ,يمكن الموضوع بسيط انما في الاخر النتيجه مرضيه واسيبكم مع الصور ويارب يعجبكم الموضوع :ask:

http://www4.0zz0.com/2010/05/18/10/540304096.jpg

http://www6.0zz0.com/2010/05/18/10/698130121.jpg

http://www9.0zz0.com/2010/05/18/09/539148022.jpg


http://www12.0zz0.com/2010/05/18/10/609920149.jpg


http://www3.0zz0.com/2010/05/18/09/445045498.jpg

عذرا باقي الصور حجمها كبير مااترفعتش :120146b

تم تعديل الصور بواسطتى

190510
4:16a.m

مشرف القسم
11ب

بسم الله الرحمن الرحيم ...

من علامات تلف الجوان ملاحظه وجود زيت موتور علي بيت الكامه اسفل وش التاكيهات واحيانا بيبقي لونه اسود لانه بيلم تراب بسرعه ,وده مكان الجوان ولاحظ وجود الزيت علي خفيف .

http://www5.0zz0.com/2010/09/17/22/714545705.jpg

اول حاجه نسم الله :ask:ونبدا نفك الخرطوم اللي بياخد بخار الزيت من الوش للعمه عن طريق فك الافيز بتاعه كده

http://www5.0zz0.com/2010/09/17/22/510159429.jpg

ونفك برده افيز الخرطوم اللي علي اليمين ده ولاحظ انه عاوز بنسه قفاشه مش مجرد بنسه

http://www5.0zz0.com/2010/09/17/22/629149120.jpg

بعد كده فك ال8 مسامير اللي ماسكين وش التاكيهات بمفتاح بيبه او بلدي 10

http://www%D9%905.0zz%D9%900.com/201.../124884725.jpg

وبكده يبقي الوش طلع بكل سهوله معانا بالشكل ده :Ta_clap[1]:

http://www5.0zz0.com/2010/09/17/22/397108728.jpg

هنشيل الوش القديم ولاحظ انك هتلاقيه ناشف من الحراره وننظف الوش بفرشه وشويه جاز ابيض او بنزين وبعد ما ينشف هنركب الوش الجديد (انا اشتريته ب40ج ماركه توبران الماني) ونبدا نمشي عكس الخطوات اللي فاتت

http://www5.0zz0.com/2010/09/17/22/810234212.jpg

اه نسيت حاجه ..ماتحرقش علي مساميرالوش ال8 علشان دول بيربطوا في المونيوم وممكن ينعموا مكانهم ,واخيرا ده المنظر بعد الشغل اللي عملناه .ويارب يكون الموضوع عجبكم .
http://www5.0zz0.com/2010/09/17/22/772950503.jpg

بسم الله الرحمن الرحيم .
الموضوع ده خاص بموتور الفيكترا ايه وبي نظرا للتشابه الشديد بينهم :F_eyeb1[1]: موتور الفيكترا ايه ال2000 سي سي ومواتير الايكوتك بتتم بنفس الكيفيه ولكن من الجنب وليس من اعلي لان المانفول فيهم منبطح .
وبنعمله كل 50000كم لتخليص الموتور من الكربون والصمغ الناتج عن عمليه الحرق واللي بياثر علي السحب واستهلاك البنزين .ودي صوره الموتور اللي هنشتغل عليه فيكترا بي .

http://www14.0zz0.com/2010/12/26/14/378080965.jpg
الادوات المطلوبه
مفك نجمه او عاده
بطانه نظيفه
علبه منظف كربراتير اي نوع بس يكون امريكي وده صوره اللي استخدمته
http://www13.0zz0.com/2010/12/26/14/639255233.jpg

ببدا بفك العمه بالمفك وكل شيء متصل بها سواء خرطوم بخار الزيت او خرطوم الهوا ولا يكون الا والموتور بارد تماما .
http://www3.0zz0.com/2010/12/26/14/969527684.jpg


دلوقتي ظهر قدامنا الرشاش ,هندور الموتور ونرش الاسبراي داخل المانفولد من جنب الرشاش ,هنلاحظ ان الموتور عاوز يطفي نتيجه زياده نسبه المواد القابله للاشتعال(البنزين+المنظف)عن نسبه الهوا ,ماتقلقش ,زود بنزين بايدك من الاكسراتير علشان الموتور ما يطفيش .اه ,نبص بالمره علي الرشاش لو بيرش رزاز يبقي تمام ولو لقيناه بيسيل يبقي عاوز يتغير .
http://www3.0zz0.com/2010/12/26/14/374527763.jpgعمليه الرش بتبقي بشكل متقطع وبتستخدم نص العبوه تقريبا ل

ملاحظات عامه
-موضوع النظافه ده يبقي قبل ميعاد تغيير الزيت والبوجيهات لانهم بيتاثروا بالكربون الخارج من عمليه التنظيف
-عمليه الرش بتتم بشكل متقطع وبتستخدم نص العبوه فقط للمره الواحده .
-هتلاحظ ان دفعات العادم الخارج من السياره اسود نتيجه طرد الهباب والكربون من المانفولد والبوابه ورؤوس الصبابات
-بعد مانخلص سيب الموتعور شغال لغايه ما يسخن واطلع مشوار طوالي وحرق ع الغيارات (انقل علي 3.5 ار بي ام)
-لما ترجع بالسلامه فك البوجيهات وغيرها وفلتر البنزين لو قديم غيره ولو جديد انفخه بالهوا .
-يا سلام بقي لو تنظف الايديال كونترول بالطريقه السابق ذكرها في التوقيع بتاعي علشان تستمتع بصوت الموتور .
-ركب كل حاجه ومبروك عليك الموتور الجديد:colsmil:
-هتلاحظ ان صوت الموتور بقي انعم من النعامه والسحب ممتاز كذلك استهلاك البنزين وده في حاله ان الموتور اصلا صحته جيده .
الموضوع خاص بنايل موتورز وغير مسموح بالنقل او النسخ

بسم الله الرحمن الرحيم ..

الترموستات..
هي عباره عن شكل مخروطي من النحاس(لانه يكتسب الحراره بسرعه ويفقدها ببطيء) وله بوابتين للفتح والغلق(التحكم في معدل سريان مياه التبريد) وتحت كل بوابه سوسته لارجاع البوابه مكانها وفق درجات حراره الموتوركما هو مبين بالشكل .

http://www5.0zz0.com/2010/12/29/10/149465676.jpg

مكانها..
ناحيه الشمال هتلاقي كوع انتيمون وراكب عليه خرطوم تخين يربط بين المانفولد والرادياتير ,الترموستات داخل هذا الكوع

وظيفتها..
وظيفتها الاساسيه تسخين الموتور صباحا والمحافظه علي درجه حراره التشغيل الطبيعيه.
اليه عملها..
هي طبعا فكره عبقريه في انها تقفل علي الميه السخنه اللي داخل الموتور للحفاظ علي درجه حراره التشغيل ,وفي نفس الوقت تسمح للجزء الاخر من مياه التبريد واللي موجود في مواسير الرادياتير انه يبرد من خلال مواجهته للهوا المصطدم بالسياره الي ان تصل درجه حراره الموتور ل 82د(مكتوب علي الترموستات) تبدا بوابتين الترموستات يتحركوا في مواجهه بعض علشان يسمحوا للميه اللي بردت انها تحل محل الميه السخنه اللي كانت جوه الموتور في عمليه ريبلاسمنت او ازاحه وهلما جره للحفاظ علي الحراره في معدل التشغيل المناسب .
كيف تعمل؟؟
لما الميه بتسخن وتوصل لدرجه الحراره المطلوبه في بنز في نهايه الترموستات بيتمدد رافعا البوابه الكبيره لاعلي وخافضا البوابه الصغيره لاسفل وبكده يسمحوا للميه انها تتدفق ولما درجه الحراره بتقل بينكمش البنز غالقا البوابتين لحبس الميه وهكذا وطبعا السوستتين هما اللي بيساعدوا البوابات انها ترجع مكانها .
تجربه عمليه..
عملت تجربه في البيت علشان اوريكم ازاي البوابه بتفتح وتقفل ..
اولا ...دي صوره الترموستات وهتلاحظم ان البوابه الكبيره قافله تماما(تحت سن القلم)

http://www5.0zz0.com/2010/12/29/10/904793022.jpg
ثانيا...حطيت اناء علي النار فيه ميه بتغلي ونزلت فيه الترموستات وطلعتها بعد دقايق ..هتلاحظ ان البوابه اللي كانت قافله لتحت فتحت لفوق (سن القلم نزل تحتها) ولما بردت الترمو.رجعت البوابه لمكانها

http://www5.0zz0.com/2010/12/29/10/387763977.jpg
اضرار عدم وجودها ..
بعض الميكانيكيه (العباقره) بيعتقدوا ان وجود الترمو.بيسخن الموتور وبيشيلوها وده غلط طبعا لان بكده مياه التبريد بتكون اما كلها سخنه جدا (اثناء السير في الزحمه او الصيف) او بارده جدا(في السير الطوالي والشتاء) وبكده هتلاقي الموتور بينتش وسحبه ضعيف الصبح لانه مابيسخنش ويستهلك بنزين اكتر +في ضرر علي وش السلندر نتيجه تعرضه لحراره عاليه ثم بروده اثناء السير .عن تجربه شخصيه اثناء تحضير الموضوع ده ,سافرت بدون ترموستات (شيلتها علشان اصورها) امبير الحراره كان علي الازرق واستهلاك البنزين زاد بنسبه 13% ولما رجعتها مكانها حسيت بالفرق .يارب الموضوع يعجبكم وماتنسونيش في الدعاء .

خاص بنايل موتورز وممنوع النقل او الاقتباس

انا حبيت اجمع مواضيع فادى فى موضوع واحد

يارب يعجبكم
و لو مش عاجبكم نرجع الوضع كما كان

http://www.nilemotors.net/Nile/20794...post3873362767