يا جماعة انا اشتريت لانسر 1300 اول امبارح. ومكشفتش عليها ز روحت اكشف عليها انهارده طلعت مخبوطه فى الشنطه والخبطه مسمعه فى الشاسيه و مش عارف اعمل ايه !!!!!!!
يا جماعة انا اشتريت لانسر 1300 اول امبارح. ومكشفتش عليها ز روحت اكشف عليها انهارده طلعت مخبوطه فى الشنطه والخبطه مسمعه فى الشاسيه و مش عارف اعمل ايه !!!!!!!
معلش هتعمل ايه يعني؟
قدر الله و ما شاء فعل
مش هقولك كان المفروض تكشف عليها قبل متدفع فيها فلوس لان فات الاوان علي الكلام ده
عامه حاول تتقبل الامر
واتكلم مع الراجل اللي باعهالك محدش عارف ايه ممكن تكون نتيجه المفاوضات
لو مش ماثره في حاجه في المشي خلاص انسي ولو مضايقاك ممكن تبيعها وتستعوض ربنا في الفرق
وكلنا بنغلط وياما بنغلط في حاجات اهم من كده بكتير احيانا حاجات لا تقدر بمال
ده شويه حديد والفلوس دي شويه ورق بيروح وييجي
الغلطة .... مكشفتش على العربية قبل ما تشترى ..
الحل ... لو مش ماثرة فى الامان او الثبا او العربية مجملا ... يبقى استخدمها عادى ومتحطش فى دماغك ...
لو العربية تعبانة فى المشى وحاسس ان فيها مشكلة ... بيعها واستعوض ربنا فى الفلوس... والحمد لله
انت شاريها بكام
الحمد لله
هى مش مأثره فى المشى بس فى البنزينه قالى هتأثر فى البيع جامد وانا الحمد لله امين فى البيع فعمرى ما هبيع غير لما اقول الشاسيه مخبوط ز فرغم انو قالى مش ماثره على حاجه بس مش هتتباع !!!!!!!!!!!!!!!!!
الحمد لله تانى . قدر الله وماشاء فعل . انا فعل غلطت انى مكشفتش عليها .
انا اشتريتها ب 63000 . وعايزه سيور و فلاتر وظبط تكيف وصيانه بحوالى 2000
ربنا يعوض عليك انت اكيد شاريها من السوق واكيد تاجر اللى باعهالك هما اللى بيعملوا الحركات دى ربنا يعوض عليك بس لو فى المشى مش ماثرة يبقى توكل على الله احمد ربنا ان هية مش نصين كانت هاتبقى كارثة الحمد لله
توكل على الله
بدال مفيهاش مشاكل سيبها وخلاص وكبر دماغك
وربنا يعوض عليك
ابدا والله انا شاريها من زوجة واحد مشهور ومشفتهاش . كل تعاملى كان مع السواق والراجل ده ماضى على العقد الابتدائى بس يعنى لسه ما فيش عقد نهائى
انا فى مفاوضات معاهم دلقتى وطلبينى منى ريبورت من الرواس
ان شاء الله اروح بكره الرواس اعمله. بس طمنونى يا جماعه طالما البنزينه قالى مشيسه وورينى الخبطه بعنيه يبقى لازم فى التوكيل يطلع نفس الكلام صح؟ يعنى ما ينفعش يظبطو حد هناك يضحك عليا ويقالولى العربيه علب وما فيهش شاسيهع والكلام ده ؟؟؟؟؟؟؟؟؟
لو لسة عقد ابتدائي اطلب انك ترجعها و خلاص