الموضوع: محتاج رأيكم فى عرض السفر ده

المشاركة الأصلية كتبت بواسطة ahmedfathi

السعوديه - قطر - الكويت - الامارات

الكويت معرفش

بالنسبة للباقى......الإمارات أغلاهم
البنزين أغلى
الركن فى الشوارع بفلوس و لو مدفعتش غرامة 150 إلى 200 درهم.
السكن غالى.....أغلى من قطر و أقلهم السعودية.

يعنى مرتب 6000 ممكن يبقى قليل فى الإمارات و معقول فى قطر و أحسن شوية فى السعودية.
و كلهم المدارس الخاصة فيهم غالية.
اسعار الأكل تقريباً واحدة بس يمكن السعودية أقل شوية بس مش متأكد.
التليفونات فى الإمارات غالية ( ميغركش إتصالات و العروض اللى عاملينها فى مصر.....هنا $%^*%^$^&*$ درجة أولى.........لا مؤاخذة يا بوكمال )

و على فكرة.........اللى عارض عليك الشغل ممكن تفاصل معاه فى المرتب على قد ما تقدر.

حصلت مع واحد أعرفه كويس........أتعرض عليه مرتب كويس و هو وافق بيه و لما أشتغل لقى الناس اللى زيه على درجات وظيفية أعلى و مرتب أعلى منه بحوالى من 30 الى 50% :)

كلمه و قوله أنا علشان أقبل بالشغلانة دى ما خدش أقل من 9000 مثلاً......و هو بعد كده هيرجع للشركة اللى طالبه الوظيفة و يفاصل معاهم و ممكن تلاقيهم وافقو على 9 أو 8 مثلاً.