بالصور أول تقرير عن هوندا سيفيك 2012

**medo_msmsa** · 23-08-2011 10:33 PM

طرح وكيل سيارات هوندا بالسعودية الطراز الجديد كلياً من هوندا سيفيك 2012 وطبعا مقدرتش اقاوم وكنت عندهم عشان اصورها واعمل التقرير المبسط ده
التغيير ثوري وكامل من قدام بقت تقريبا زي السيتي لكن من وار كانت المفاجأة تقريبا هي بقت زي الكامري موديل 2004.
الصالون كويس وسعة كويسة من جوة لكن مش واو شخصياً كنت اتوقعها تبقى افضل من كده خاصة ان الشكل اللي قبله يعتبر من وجهة نظري أفضل + ان الخامات برضة تطورت للأسوء مش للافضل
النقطة اللي بجد هتخرج العربية دي برة المنافسة تماما هي السعر اللي تقريبا بقى اغلى من العربيات الاكبر ليها
البيس لاين ب 76.000 ريال (نفس سعر البيس لاين دودج تشارجر والكامري والألتيما واغلى من السوناتا)
الفل اوبشن ب 84.000 ريال (أغلى من اختها الكبيرة الأكورد بنفس سعر تويوتا الأوريون وقريبة جدا من الأفالون واغلى نيسان مكسيما)
الهاي لاين ب 95.000 (غير متوفر حالياً) لا تعليق لان السعر ده تقريبا يجيب اي عربية سيدان في السعودية بعيداً عن البي ام والمرسيدس والاودي
طبعا العربية نزلة هنا بماتور 1.8 بقدرة 140 حصان حسب المعلن
ملحوظة: دي وجه نظر ليه فياريت افراد العصابة يتقبلوا وجهة نظري بصدر رحب على فكر انا برضة اول حد نزل تقرير عن الكورولا الشكل الجديد وهجمتها جامد وقلت ان الفيتيس ده زبالة وتقريبا مفيش حد رد عليه الا ولازم يهاجم ووصل الموضوع للاتهام باني مجنون ومع الوقت فعلا طلع ان العربية فيها مشاكل كتير خاصة في الثبات والفتيس

والآن مع الصور

Uploaded with ImageShack.us

**adel1414** · 23-08-2011 10:58 PM

شكرااااا جزيلااا لحضرتك عالمجهود

**Yones** · 23-08-2011 11:48 PM

شكرا على الصور وفعلا اعتقد ان المفروض تبقى اقوى من كده واعتقد ان التابلوه بتاعها متغيرش كتير عن الموديل اللى قبله

**mohamedbook** · 23-08-2011 11:59 PM

الفونيس والاكصدام الامامي شبة الجولف 2010

**mahmoud_afifi** · 24-08-2011 12:10 AM

مشكور على التقرير

انا في رأيي الأكورد برقبتها ومفيش وجه للمقارنه بينهم. مش فاهم ازاي السفيك اغلى منها !!

**medo_msmsa** · 24-08-2011 12:21 AM

العفو يا جماعة والله انا اول لما عرفت انها وصلت قلت اروح اشوفها وانزل تقرير في المنتدى عشان نبقى update على طول
على فكرة انا اقصد بالاسعار اللي هنا في السعودية بس برضة في ظل سعرها هنا هتكون في مصر ب 180 الف البيس لاين يعني كتير جدا وكده الهاي لاين هيعدي ال 220 الف وده طبعا سعر فلكي على السيفيك
على فكرة تفسيرهم للسعر ان السبب هو موضوع تسوسونامي اليابان خاصة ان العربية ياباني 100% بس برضة زيادة اوي على فكر معظم العربيات الياباني 100% زادت في السعر انا عربيني مازدا 3 زاد سعرها 6 الف ريال

**mahmoud_afifi** · 24-08-2011 12:23 AM

المشاركة الأصلية كتبت بواسطة yones

الاكورد فعلا افضل منها بس الاكورد مش ارخص منها خالص بالعكس الاكورد موديل 2011 سعرها فى مصر 440000 جنيه وبالتالى بسعر 3 عربيات سيفيك تقريبا

انا قصدي في السعوديه ارخص :)

**mahmoud_afifi** · 24-08-2011 12:26 AM

المشاركة الأصلية كتبت بواسطة medo_msmsa

العفو يا جماعة والله انا اول لما عرفت انها وصلت قلت اروح اشوفها وانزل تقرير في المنتدى عشان نبقى update على طول
على فكرة انا اقصد بالاسعار اللي هنا في السعودية بس برضة في ظل سعرها هنا هتكون في مصر ب 180 الف البيس لاين يعني كتير جدا وكده الهاي لاين هيعدي ال 220 الف وده طبعا سعر فلكي على السيفيك
على فكرة تفسيرهم للسعر ان السبب هو موضوع تسوسونامي اليابان خاصة ان العربية ياباني 100% بس برضة زيادة اوي على فكر معظم العربيات الياباني 100% زادت في السعر انا عربيني مازدا 3 زاد سعرها 6 الف ريال

في مصر سعر الياباني زاد قوي.
الكورولا الهاي لاين ياباني 100% ب165 الف تقريبا !

انا نفسي ارجع السعوديه تاني :(((