المدن الجديدة ايهما افضل للشقق

السلام عليكم

يا جماعة انا عارف انه المواضيع دى قتلت بحثا بس هنعمل إيه الواحد مش عارف راسه من رجله :rolleyes: عاوز اسأل على الشقق فى المدن الجديدة وياريت الناس اللى عندها خبرة او ساكنة هناك يفيدونا لأنى مش عارف ادور ازاى يعنى لو عاوز شقة فى حدود 120 متر مثلا والميزانية فى حدود 300 الف هل ممكن الاقى حاجة كويسة فى الشيخ زايد او العبور او التجمعات بالأسعار دى وتكون مستواها كويس ويا سلام لو تبقا فى كومباوند او لو اى مدينة تانية راقية شوية

هل ممكن الاقى حاجة كدا ولا بحلم :B4_556:
انا روحت 6 اكتوبر واتصدمت الصراحة لما لقيت تكاتك وكمان فى عمارات حسيت انها شعبية شوية

وادور فين وازاى عشان ما يتنصبش عليا من شركات السمسرة والذى منه منتظر ردودكم :rolleyes:

طب لية مابتفكرش فى الشروق ؟
المبلغ اللى معاك يجيب لك شقة كويسة أوى هناك وبالتقسيط كمان ....

الشيخ زايد و التجمع الخامس بالترتيب

ولو عرفت تشوف كومبوند في الشيخ زايد يبقى كده ريحت دماغك


ولا هيجيلك تكاتك و لا محلات زباله و لا جار يبوظ شكل العماره

تعالى زايد ولف

اي مدينة جديدة رحمة عن القاهرة..ده انا ببقي حاسس بغربة اول ما اخرج من العبور بحس اني خرجت من بلد ورايح بلد تانية.

اقتباس:

---

المشاركة الأصلية كتبت بواسطة محمد محمد

اي مدينة جديدة رحمة عن القاهرة..ده انا ببقي حاسس بغربة اول ما اخرج من العبور بحس اني خرجت من بلد ورايح بلد تانية.

---

فعلا العبور ليها احساس تاني, انا كنت ساكن فيها زمان.
كنت لما بنزل على القاهره بحس بقرف والجو مش نضيف انما لما برجع العبور كان بيبقى احساس تاني. بس دلوقتي حاسس انها بقت زحمه.

وبعدين نقلت على اكتوبر قعدت فيها حوالي 3 سنين. برضه كانت حلوه في الاول وبعدين حسيت انها ابتدت تزحم. برضه جوها حلو قوي خاصة بالليل بتبقى تحفه.

وحاليا ساكن في التجمع الخامس. الحمدلله لغاية دلوقتي تعتبر فاضيه وجوها جميل, بس مستوى المعيشه غالي قوي للأسف انما كمكان للسكن مفيش اهدى ولا اجمل من كده وليها مستقبل ان شاء الله.

اقتباس:

---

المشاركة الأصلية كتبت بواسطة mahmoud_afifi

فعلا العبور ليها احساس تاني, انا كنت ساكن فيها زمان.
كنت لما بنزل على القاهره بحس بقرف والجو مش نضيف انما لما برجع العبور كان بيبقى احساس تاني. بس دلوقتي حاسس انها بقت زحمه.

وبعدين نقلت على اكتوبر قعدت فيها حوالي 3 سنين. برضه كانت حلوه في الاول وبعدين حسيت انها ابتدت تزحم. برضه جوها حلو قوي خاصة بالليل بتبقى تحفه.

وحاليا ساكن في التجمع الخامس. الحمدلله لغاية دلوقتي تعتبر فاضيه وجوها جميل, بس مستوى المعيشه غالي قوي للأسف انما كمكان للسكن مفيش اهدى ولا اجمل من كده وليها مستقبل ان شاء الله.

---

ماشاء الله ده انت محترف في المدن الجديدة بقي.

اقتباس:

---

المشاركة الأصلية كتبت بواسطة محمد محمد

ماشاء الله ده انت محترف في المدن الجديدة بقي.

---

هههههههههههههههههه , يعني حاجه زي كده
اصل احنا بنحب الاماكن الهاديه بعيد عن دوشة وسط البلد :)

اقتباس:

---

المشاركة الأصلية كتبت بواسطة Ghosts

طب لية مابتفكرش فى الشروق ؟
المبلغ اللى معاك يجيب لك شقة كويسة أوى هناك وبالتقسيط كمان ....

---

كنت بفكر فيها برضو بس سمعت انها بقالها زمن مش بتطور والأهتمام بيها مبقاش زى زمان :rolleyes:

اقتباس:

---

المشاركة الأصلية كتبت بواسطة cheetos_892005

الشيخ زايد و التجمع الخامس بالترتيب

ولو عرفت تشوف كومبوند في الشيخ زايد يبقى كده ريحت دماغك


ولا هيجيلك تكاتك و لا محلات زباله و لا جار يبوظ شكل العماره

تعالى زايد ولف

---

تمام إن شاء الله اروح ابص عليها كدا ويارب الاقى حاجة كويسة

اقتباس:

---

المشاركة الأصلية كتبت بواسطة محمد محمد

اي مدينة جديدة رحمة عن القاهرة..ده انا ببقي حاسس بغربة اول ما اخرج من العبور بحس اني خرجت من بلد ورايح بلد تانية.

---

ايوة فعلا وهو دا السبب الرئيسى اللى مخلينى ادور بعيدا عن القاهرة بتلوثها وزحمتها وعشوائيتها :fun_broken:
بس إيه رأى حضرتك فى العبور بما انك ساكن هناك هل بقا فيها مناطق شعبية وكدا والخدمات فيها كويسة ولا إيه نظامها

اقتباس:

---

المشاركة الأصلية كتبت بواسطة mahmoud_afifi

فعلا العبور ليها احساس تاني, انا كنت ساكن فيها زمان.
كنت لما بنزل على القاهره بحس بقرف والجو مش نضيف انما لما برجع العبور كان بيبقى احساس تاني. بس دلوقتي حاسس انها بقت زحمه.

وبعدين نقلت على اكتوبر قعدت فيها حوالي 3 سنين. برضه كانت حلوه في الاول وبعدين حسيت انها ابتدت تزحم. برضه جوها حلو قوي خاصة بالليل بتبقى تحفه.

وحاليا ساكن في التجمع الخامس. الحمدلله لغاية دلوقتي تعتبر فاضيه وجوها جميل, بس مستوى المعيشه غالي قوي للأسف انما كمكان للسكن مفيش اهدى ولا اجمل من كده وليها مستقبل ان شاء الله.

---

بسم الله ما شاء الله طيب بعيدا عن التجمع حضرتك شايف المستقبل فى انهى افضل العبور ولا اكتوبر

اقتباس:

---

المشاركة الأصلية كتبت بواسطة airforces

بسم الله ما شاء الله طيب بعيدا عن التجمع حضرتك شايف المستقبل فى انهى افضل العبور ولا اكتوبر

---

الاتنين حلوين بس ميزة اكتوبر ان فيها عرب كتير وبالتالي في خدمات كتير جدا بالاضافه للمولات وهايبر وان و مول العرب الجديد. اكتوبر ليها مستقبل حلو قوي بس ربنا يستر من الزحمه. ممكن تروح في يوم اكتوبر تلف فيها وتشوفها على الطبيعه.
ربنا يوفقك ان شاء الله

اقتباس:

---

المشاركة الأصلية كتبت بواسطة mahmoud_afifi

الاتنين حلوين بس ميزة اكتوبر ان فيها عرب كتير وبالتالي في خدمات كتير جدا بالاضافه للمولات وهايبر وان و مول العرب الجديد. اكتوبر ليها مستقبل حلو قوي بس ربنا يستر من الزحمه. ممكن تروح في يوم اكتوبر تلف فيها وتشوفها على الطبيعه.
ربنا يوفقك ان شاء الله

---

الف شكر يا باشا هنزل إن شاء الله بعد العيد الفلف فى اكتوبر والشيخ زايد :)

اقتباس:

---

المشاركة الأصلية كتبت بواسطة airforces

ايوة فعلا وهو دا السبب الرئيسى اللى مخلينى ادور بعيدا عن القاهرة بتلوثها وزحمتها وعشوائيتها :fun_broken:
بس إيه رأى حضرتك فى العبور بما انك ساكن هناك هل بقا فيها مناطق شعبية وكدا والخدمات فيها كويسة ولا إيه نظامها

---

العبور فيها جميع المستويات والخدمات فيها جيدة وكل يوم المدينة بتتغير يعني اللى جه من شهر مثلا وجه النهاردة هيلاحظ التغيير.

اقتباس:

---

المشاركة الأصلية كتبت بواسطة محمد محمد

العبور فيها جميع المستويات والخدمات فيها جيدة وكل يوم المدينة بتتغير يعني اللى جه من شهر مثلا وجه النهاردة هيلاحظ التغيير.

---

إن شاء الله اروح ابص عليها ناس كتير اعرفها برضو بتشكر فيها تسلم يا باشا :)

اقتباس:

---

المشاركة الأصلية كتبت بواسطة mahmoud_afifi

هههههههههههههههههه , يعني حاجه زي كده
اصل احنا بنحب الاماكن الهاديه بعيد عن دوشة وسط البلد :)

---

بما إن حضرتك سكنت فى العبور وأكتوبر .

فى رأيك العبور الجديدة أفضل أم حدائق أكتوبر وشكرا .