اسلوب تعامل الناس في بيع المستعمل بقي مش تمام....ليه؟؟؟؟
بقي اسلوب الناس في بيع اي حاجه ...بقي كتير منه رخم جدا
يعني تلاقي واحد عارض عربيه وكاتب فابريقه بالكامل ...وحاله شاذه
وكلام كتير من ده...
ولما باجي اروح اشوف الحاجه بعد مشوار يقرف....
بلاقي العربيه حالتها ذي الزفت.....مرشوشه دواخل ...وحاله تعبانه بالكامل ...
برجع من المشوار ده ببقي مش طايق نفسي من الناس....من تعب المشوار و من اسلوب البايع
طيب ما تقصر علي نفسك المشوار و تقول حالتها......
يعني والله نزلت كتير جدا في شرا عربيات لناس قريبي و طلع عيني ......و كلها حالات ذي الزفت
و يقولوا في التليفون حاله ممتازه....
ولما تيجي بقي تعرف ان بقي اسلوب الفهلوه سائد في الشرا
الواحد بقي يسأل البايع للتاكيد و الاطمانان علي الحاله...
يروح الراجل يضايق اوي من السوءال اني مش واخد كلامه ثقه....هو انا يعني هعرف منين انه صادق
ويديلي وش خشب ويقول مش بايع ...بقله زوق ...علشان بتأكد من الحاجه قبل ما اروح اشتري
يعني مثلا الواحد من كتر النزول للشرا و رؤيه العربيات السيئه.....
بقي اول ما يكلم البايع في التليفون يقوله ...من الاخر مرشوشه جوه ولا لأ...علشان ماضربش المشوار علي الفاضي
دلوقتي بقي عايز اعرف ازاي الواحد يشتري حاجه مستعمله في عصر الفهلوه...
يعني ولا نافع اخد كلام البايع ثقه ....ولا نافع انك تسئله عن حالتها بالكامل و استخدام مثلا مده قده ايه....الخ
واليتلسع من الشوربه ينفخ في الزبادي
واسف علي الاطاله
