العربية بتحدف يمين والحرارة بتعلى

السلام عليكم ورحمة الله وبركاته ...

انا عندى المشاكل التالية:
1- الدريكسيون كاسر شمال شوية ولو حاولت اعدلة العربية بتغير اتجاها ناحية اليمين
(يعنى العربية علشان تمشى عدل لازم الدريكسيون يبقى كاسر شمال بشكل ملحوظ)

2- العربية بعد 100 بالظبط الدريكسيون بيتهز اهتزار جامد جدا.

3- درجة الحرارة عادية جدا من غير تكيف صبح وليل(بعد الشرطه الاولى بحاجة بسيطة) ,
و بتعدى الشرطه التانية فى حالتين 1) مشغل التكييف والجو حر شوية 2) لو جريت اكتر من 100 بتكييف وبدون.


انا مش عارف اعمل اية فى المشاكل دة وهل 1 و 2 حلهم ظبط زوايا وترصيص؟
و3 مشكلة اصلا ولا عادى؟

متابع

الحرارة دى مبهدلة الكل ليه

اقتباس:

---

المشاركة الأصلية كتبت بواسطة mostafaismail

السلام عليكم ورحمة الله وبركاته ...

انا عندى المشاكل التالية:
1- الدريكسيون كاسر شمال شوية ولو حاولت اعدلة العربية بتغير اتجاها ناحية اليمين
(يعنى العربية علشان تمشى عدل لازم الدريكسيون يبقى كاسر شمال بشكل ملحوظ)
عادى جدا ربط العفشة و خلى العفشجى يظبطلك الطارة على العدل
2- العربية بعد 100 بالظبط الدريكسيون بيتهز اهتزار جامد جدا.
ترصيص عجل - اعمل شغل بالمرة - طلع الاربع جنوط ظبطهم على مكبس و بعد كدة ركبهم و رصص الاربع فرد مع الاخذ فى الاعتبار ان الكاوتش كويس
3- درجة الحرارة عادية جدا من غير تكيف صبح وليل(بعد الشرطه الاولى بحاجة بسيطة) ,
و بتعدى الشرطه التانية فى حالتين 1) مشغل التكييف والجو حر شوية 2) لو جريت اكتر من 100 بتكييف وبدون.
ممكن تكون تسليك الردياتير و نضافة مش اكتر - جرب و شوف الاخبار و اوعى تغيير ترموستات الكوعه دلوقتى - امشى خطوة خطوة

انا مش عارف اعمل اية فى المشاكل دة وهل 1 و 2 حلهم ظبط زوايا وترصيص؟
و3 مشكلة اصلا ولا عادى؟

---

الف شكر يا دكتور.

1- دى سهلة انا جمبى عفشجى مش بطال هخلية يبص عليها.

2- الاربع فرد تقريبا لسة جداد هعمل موضوع الترصيص دة واشوف, مفيش حد كويس ومضمون ترشحهولى؟

3- ثرموثتات الكوعة متغير على 80 الف, هشوف موضوع تسلسك الردياتير ان شاء الله.

زى ما هلالى قال
1. بتاع زوايا خش عليه قله يظبط كسرات
لو عايز حد كويس
روح لحسن اللى فى بنزينه موبيل اللى جنب مسرح الزعيم قله من طرف محمد طنانى المحاسب بتاعكم اللى معاه الأوبل الحمرا
هيظبط العربية
2. برضوا هترصص عند حسن و هو عنده جهاز كويس قوى
3. ريادتير او شكمان
او ترموستات الكوعه ده مفتوح على طول او مش قافل كويس
الرياددتير فى واحد اسمه عمر الفولى فى الجيزة
قدام بنك التنمية و الأئتمان الزراعى - ام المصريين قبل شارع المحطه
قله برضوا طنانى
و لو عايز بتاع شكمانات قولى

موضوع الحراره ده متقلقش منه نهائي انا كمان عندي كده وواحد صاحبي كمان
العربيه عندنا المروحه بتاعتها بتشتغل بدري يعني مبتعديش الشرطه التانيه غير في حلات بسيطه سيبك من موضوع الحراره ده ولاتنضف ردياتير ولا غيره ده طبيعي في الاسترا نظام التبريد بتاعها احسن من الفيكترا والكورسا بكتيير لدرجة ان العربيه عندي بتبقى واخده هوا والمايه قليله ومبتجيش ناحية ال90 اساسا

بالنسبه للعفشه زي ماهلالي وطناني قالولك اظبط عالعدل وبعدين رصص
ودمتم
ويجعله عامر

ماشى يا عماد
ولا تصبح و لا تمسى
مكنشى عيش و ملح ده

ابويا الحاج محمد ابو الطناني

احنا عايشين في المنتدى ده على حسك ياكبيرنا

وحياة صيامي ياشيخ انت اكتر واحد هنا خدمت المنتدى كله

الله وكيل بحبك في الله

تسلم يا ابو عمده

بالنسبه للمشكله رقم 1..
ده عيب كاوتش اسكاترا حتتين كاوتش مصمطين بيركبوا علي دراعات الاسكاترا تمنهم 40ج لما بيتاكلوا بيخلوا الطاره مش مظبوطه مع اتجاه العجل انا مغيرهم من سنه ..

اقتباس:

---

المشاركة الأصلية كتبت بواسطة tananybasha

زى ما هلالى قال
1. بتاع زوايا خش عليه قله يظبط كسرات
لو عايز حد كويس
روح لحسن اللى فى بنزينه موبيل اللى جنب مسرح الزعيم قله من طرف محمد طنانى المحاسب بتاعكم اللى معاه الأوبل الحمرا
هيظبط العربية
2. برضوا هترصص عند حسن و هو عنده جهاز كويس قوى
3. ريادتير او شكمان
او ترموستات الكوعه ده مفتوح على طول او مش قافل كويس
الرياددتير فى واحد اسمه عمر الفولى فى الجيزة
قدام بنك التنمية و الأئتمان الزراعى - ام المصريين قبل شارع المحطه
قله برضوا طنانى
و لو عايز بتاع شكمانات قولى

---

متشكر قوى ياطنانى على ردك انا هروح ان شاء الله بنزينة موبيل يوم الجمعة وهشوف ... هيا التكلفة فى حدود كام؟

بالنسبة للحرارة, اية المشكلة اللى ممكن تكون موجودة فى الشكمان تعلى الحرارة؟

اقتباس:

---

المشاركة الأصلية كتبت بواسطة hellboy

بالنسبه للمشكله رقم 1..
ده عيب كاوتش اسكاترا حتتين كاوتش مصمطين بيركبوا علي دراعات الاسكاترا تمنهم 40ج لما بيتاكلوا بيخلوا الطاره مش مظبوطه مع اتجاه العجل انا مغيرهم من سنه ..

---

انا كدة كدة كنت هربط عفشة واشوف موضوع الترصيص. هعمل كدة ولو مظبطتش هشوف موضع الاسكاترا.

هو بالمناسبة ايه هيا الاسكاترا دى :M_yes[1]:

ان شاء الله الحكاية تتحل باقل التكاليف و بدون ما تغلب نفسك و تعرف العيب على طول

اقتباس:

---

المشاركة الأصلية كتبت بواسطة cayman69300

ان شاء الله الحكاية تتحل باقل التكاليف و بدون ما تغلب نفسك و تعرف العيب على طول

---

دعواتك ...

هى عملية ظبط الدريكسيون وترصيص العجل تاخد وقت اد اية؟ انا عايز اروح يوم الجمعة ان شاء الله, اورح قبل الفطار ولا بعدة؟

اقتباس:

---

المشاركة الأصلية كتبت بواسطة mostafaismail

دعواتك ...

هى عملية ظبط الدريكسيون وترصيص العجل تاخد وقت اد اية؟ انا عايز اروح يوم الجمعة ان شاء الله, اورح قبل الفطار ولا بعدة؟

---

شوف يا باشا بداية موضوع الترصيص بيكون حوالى 10 جنيه للفردة الواحدة ومتنساش ترصص الاستبن كمان .

ثانيا موضوع الدريكسيون أنا بقول الأفضل إن كهربائى يضبط الدريكسيون ليك لو مفيهوش أى مشكلة فى موضوع كاوتشة الاسكاترا ... وهو هيفك الطارة بمسمارين من على الجنبين ومسمار من النص ..... ويسحب الطارة لبرة ويرجعة على الظبطة الصح لاتجاه الدريكسيون ..... وبكده متخليش بتاع عفشه يلعب في الغفير اللى جنب الدوارسة الفرامل ..... علشان شوفت عفشجى حماااااااار لعب فيها ولف الطارة حوالى 10 مرات فى اتجاه واحد قطعت الريبون اللى بين الطارة والتابلوه ففصل الكلاكس والاير باج ..... وربط عفشة ..... وبالمرة اعمل اتزان للعربية بحوالى 25 جنيه ..... وموضوع قبل الفطار ولا بعده ...... خليك بعد الفطااااااااااااااار ..... يا رب أكون أفدتك

محمد باشا
منور والله
بس يا عم مصطفى
عايز تروح قبل الفطار يبقى احسن عشان الزحمة
التكلفه متقلقشى منها
4 فرد ب 40 جنيه
زوايا و اتزان 20 جنيه
تربيط عفشة 10 جنيه فى ايد حسن
و لما تروح بس ابقى كلمنى

فردة اية يا عم الحجاج دى اللى بترصص بـ 10 جندى
هى اخرها 5 جنية و كمان يديك حتة رصاص على البيعة فى ايدك
اية الاسعار الغريبة دى !!!

انت فاكر نفسك فى اسيوط
الأسعار عندنا سياحى
خاصه للفرد الأسبور
الكلام ده للفرد السودا العادية ب 5 جنيه

اقتباس:

---

المشاركة الأصلية كتبت بواسطة tananybasha

محمد باشا
منور والله
بس يا عم مصطفى
عايز تروح قبل الفطار يبقى احسن عشان الزحمة
التكلفه متقلقشى منها
4 فرد ب 40 جنيه
زوايا و اتزان 20 جنيه
تربيط عفشة 10 جنيه فى ايد حسن
و لما تروح بس ابقى كلمنى

---

يا باشا منتحرمش منك يارب. انا هروح قبل الفطار ان شاء الله وهكلمك.

بس انا معرفش رقم موبايلك كام؟

اقتباس:

---

المشاركة الأصلية كتبت بواسطة NeeMoo

شوف يا باشا بداية موضوع الترصيص بيكون حوالى 10 جنيه للفردة الواحدة ومتنساش ترصص الاستبن كمان .

ثانيا موضوع الدريكسيون أنا بقول الأفضل إن كهربائى يضبط الدريكسيون ليك لو مفيهوش أى مشكلة فى موضوع كاوتشة الاسكاترا ... وهو هيفك الطارة بمسمارين من على الجنبين ومسمار من النص ..... ويسحب الطارة لبرة ويرجعة على الظبطة الصح لاتجاه الدريكسيون ..... وبكده متخليش بتاع عفشه يلعب في الغفير اللى جنب الدوارسة الفرامل ..... علشان شوفت عفشجى حماااااااار لعب فيها ولف الطارة حوالى 10 مرات فى اتجاه واحد قطعت الريبون اللى بين الطارة والتابلوه ففصل الكلاكس والاير باج ..... وربط عفشة ..... وبالمرة اعمل اتزان للعربية بحوالى 25 جنيه ..... وموضوع قبل الفطار ولا بعده ...... خليك بعد الفطااااااااااااااار ..... يا رب أكون أفدتك

---

والله انا كنت هنسى موضع الاستبن دة :S_thum1[1]:

هو بس انا عندى سؤال ... اية اللى يخلى الطارة تكسر شمال كدة لوحدها؟ ولا ممكن يكون فى سبب؟

اسباب كتير
متفكرشى فيها
عشان متتخضشى

اقتباس:

---

المشاركة الأصلية كتبت بواسطة cayman69300

فردة اية يا عم الحجاج دى اللى بترصص بـ 10 جندى
هى اخرها 5 جنية و كمان يديك حتة رصاص على البيعة فى ايدك
اية الاسعار الغريبة دى !!!

---

د / هلالى حبيبى والله
يا دكتور والله ده سعرها فى القاهرة أنا لسه مرصرص العجل كله من حوالى شهر ..... ولو عندك فى أسيوك بـ 5 جنيه .... اعزمنى على الغدا وأنا آجى فريره ...... بس انت تعزم .


وده نورك يا عم طنانى

أنا رصصت فى طنطا ب25 وظبط زوايا 25 وللأسف خسرت 50 وعشان الناس ما تغلطش زيي ما حدش يروح ل شفيق اللى فى ميدان أسكندرية هو مشهور قوى بس شغل زبالة خدت العربية أسوأ ما راحت عنده

متقلقش من حوار الحراره دا خالص العربيه دي حتي لو مفيهاش مايه مش هتسخن انا كنت بامشي والريداتير مخروم ومفيهوش نقطه مايه بس حوار التكيف دا غندي العكس لما بشغلوا بينزل الحراره مش يرفعها

medo111
هى عربيتك ايه معلشى
احسن مكتوب
اوندو ( مش هى دى الكورسا بره مصر و لا دى عربية تانى )
و التانية تمبرا
لأحسن الزهايمر ضيع دماغ الواحد خالص

اقتباس:

---

المشاركة الأصلية كتبت بواسطة mera11

أنا رصصت فى طنطا ب25 وظبط زوايا 25 وللأسف خسرت 50 وعشان الناس ما تغلطش زيي ما حدش يروح ل شفيق اللى فى ميدان أسكندرية هو مشهور قوى بس شغل زبالة خدت العربية أسوأ ما راحت عنده

---

هو قاس و قالك ايه الأخبار
و لسه مشوفتشى حل

اقتباس:

---

المشاركة الأصلية كتبت بواسطة tananybasha

medo111
هى عربيتك ايه معلشى
احسن مكتوب
اوندو ( مش هى دى الكورسا بره مصر و لا دى عربية تانى )
و التانية تمبرا
لأحسن الزهايمر ضيع دماغ الواحد خالص

---

لا مكتوب استرا 2004 سلمتك يا معلم من الزهايمر:tumb:

ربنا يكرمك
اصل الواحد شك فى نفسه خلاص

اقتباس:

---

المشاركة الأصلية كتبت بواسطة cayman69300

فردة اية يا عم الحجاج دى اللى بترصص بـ 10 جندى
هى اخرها 5 جنية و كمان يديك حتة رصاص على البيعة فى ايدك
اية الاسعار الغريبة دى !!!

---

واحد صاحبى بيرصص ب12 جنية الأربعة

اقتباس:

---

المشاركة الأصلية كتبت بواسطة medo111

متقلقش من حوار الحراره دا خالص العربيه دي حتي لو مفيهاش مايه مش هتسخن انا كنت بامشي والريداتير مخروم ومفيهوش نقطه مايه بس حوار التكيف دا غندي العكس لما بشغلوا بينزل الحراره مش يرفعها

---

كلام سليم 100 100 التكييف يشتغل الحراره تنزل عملي وطبيعي عشان المروحتين بيشتغلوا في وقت واحد

طيب انا عندى بيشتغلوا مع بعض
و بتعلى
انا وكل اللى اعرف ان معاهم فيكترا 2000 سى سى

اخر الاخبار:

1- مقدرتش اروح يوم الجمعة للراجل بتاع موبيل بس بالصدفة رصصت عند محل فى مدينة نصر :) والحمد لله العربية تمام التمام وجربتها لحد 150 مفيش هزة.

2- بالصدفة برضوا ببص على قربة المية لقيتها ناقصة شوية, زودتها مية من التكييف بس لسة الحرارة بتعلى زى ماهيا. تقريبا هو دة الطبيعى فى الصيف بقى. انا هاكبر دماغى لحد الصيانة الجاية.

3- رحت لكهربائى جمبى عدلى الطارة والدنيا بقيت تمام.

شكرا لتعبكم معايا.

سؤال جديد: وانا ببص كدة على الموتور والحركات اللى جمبة كالعادة وانا مش فاهم حاجة برضوا كالعادة لقيت تسريب زيت واضح من خرطوم طالع من الردياتير من تحت وكمان منشع شوية زيت على المصفحة ... الكهربائى بص عليها وقالى دى عايزة ميكانيكى لان دة خرصوم تبريد زيت الفتيس!!!!

هل دة خطر ولا عادى ممكن امشى بيها لحد الصيانة القادمة, علما ان ميعاد الصيانة القادم بعد 6الآف كيلو يعنى حوالى 3 شهور على حسب معدل استهلاكى :)

وكل سنة وانتم طيبين وعيد سعيد ان شاء الله على الكل.

اقتباس:

---

المشاركة الأصلية كتبت بواسطة mostafaismail

اخر الاخبار:

1- مقدرتش اروح يوم الجمعة للراجل بتاع موبيل بس بالصدفة رصصت عند محل فى مدينة نصر :) والحمد لله العربية تمام التمام وجربتها لحد 150 مفيش هزة.

2- بالصدفة برضوا ببص على قربة المية لقيتها ناقصة شوية, زودتها مية من التكييف بس لسة الحرارة بتعلى زى ماهيا. تقريبا هو دة الطبيعى فى الصيف بقى. انا هاكبر دماغى لحد الصيانة الجاية.

3- رحت لكهربائى جمبى عدلى الطارة والدنيا بقيت تمام.

شكرا لتعبكم معايا.

سؤال جديد: وانا ببص كدة على الموتور والحركات اللى جمبة كالعادة وانا مش فاهم حاجة برضوا كالعادة لقيت تسريب زيت واضح من خرطوم طالع من الردياتير من تحت وكمان منشع شوية زيت على المصفحة ... الكهربائى بص عليها وقالى دى عايزة ميكانيكى لان دة خرصوم تبريد زيت الفتيس!!!!

هل دة خطر ولا عادى ممكن امشى بيها لحد الصيانة القادمة, علما ان ميعاد الصيانة القادم بعد 6الآف كيلو يعنى حوالى 3 شهور على حسب معدل استهلاكى :)

وكل سنة وانتم طيبين وعيد سعيد ان شاء الله على الكل.

---

لا لازم تروح تبص عليه ضروري اول حاجه تعملها لما تصحي من النوم :N_no[1]:
وهي الحراره عندك بتبقي علي انهي شرطه؟؟؟

تابع المية لونقصت تانى يبقى دا سبب علو الحرارة فى خرم فى الدورة و بيدخل هوا و الدورة بتاخد هوا

اقتباس:

---

المشاركة الأصلية كتبت بواسطة tananybasha

طيب انا عندى بيشتغلوا مع بعض
و بتعلى
انا وكل اللى اعرف ان معاهم فيكترا 2000 سى سى

---

مش عارف ياطناني بس انا لازم الحراره تنزل اول ما اشغل التكييف في كل الاسترا تقريبا