الموضوع: اركب الفلتر الاول ولا انضف الاول !!؟؟

هو ممكن ياجماعة اللى مبيجبش معاة نتيجة الدنيا عندة سالكة والرشاشات تما فا مش بيحس بفرق ,
وممكن حد تانى الرشاشات عايزة تتنظف وبالتالى بيحس بالفرق .
انا عن نفسى جربتة فى عربيتة محستش بحاجة وابن خالى جربة بردو حس ان العربية كانت فيها خنقة بسيطة وفكت . اللى عايز ينظف رشاش عالية بالالترا سونيك هيجيب من الاخر .
الاوكتان بوستر بيقوم بوظيفة تانية على العموم الرك على النوع اللى بتجيبة فى حاجات نظيفة وحاجات ولا ليها لازمة وكا منتجات زى فلاش اويل ومنظف دورة كاملة ومش عارف فى منتجااااات كتييييييييييييييييييييير فى السوق هتلاقى اللى شغال فيهم صح حوالى ربع المنتجات والباقى فطشة .
بالزات الفلاش اويل ولا لية اى لازمة وكترة غلط اساسا
وعندك فية زيت او سائل بيملى الفراغات داخل غلاف الحريق بردو فاطشة يعنى لو الشميز معتب عمرة ما هيشيل التعتيبة دى طبعا ولا حتى لو فية اى خرابيش مش بيعمل حاجة من تجربة فى مكنة كانت الشمايز فيها خربشة من شنبر اتكسر واتلحق مبهدلش الدنيا او اتلحق جربناة عملنا تجربة وغيرنا الشنبر المكسور وقفلنا وحطينا الزيت طبعا ولا عمل الهوا والمكنة طبعا خفيفة ولما حل تانى ولا كأن كان فية حاجة وعلى فكرة دة كان تحدى ورهان مع صاحب العربية والميكانيكى وهو اللى كسب التحدى التانى كان عايز يغير الشنبر ويقضيها الزيت دة لحد ما كل الفراغات اتملت هههههه الله يمسية بالخير بقى .
من الخر فى حاجات مفيدة وفية حاجات ملهاش لازمة ومش هتعرف دة من دة غير لما تجرب بنفسك زى مرة جبت من كارفور مزيل خدوش ولا بيعمل تأثير بنسبة واحد فى المية ومنتج تانى جبتة مكنش بيخلى خربوش سطحى فى البوية بس محتاج مجهود شوية بس التجربة احسن من الف دليل