نريد تقييم أصحاب الجين 2 فقط

**M.Nabil** · 11-02-2009 12:03 PM

انا دلوقتي راضي 100%.
مرضتش اقول رايي قبل ماكون عالاقل علمت اول 1000.
عربية محترمة جدا جدا جدا وسعرها مميز.

**wessampacha** · 17-03-2009 12:01 PM

after 46.000 km, the car is really worth paying for, comparing to others in the same price and may be more

**MuhammedSoliman** · 19-03-2009 01:23 PM

سيارة ممتاز مع الأخذ بالاعتبار بعض التقفيل السيئ فلإصدارت الأولي بالإضافه طبعا إلى وكيلها السيئ

مالك جين تو 2006

تحياتي

**lolo2010** · 15-05-2009 11:41 PM

انا الحمد لله معايا جين2 و عامل بيها 5000km وزى الفل الحمد لله
1- الثبات تحفه
2-الكماليات تجنن
3-عوامل الأمان حكايه
4-الشكل كارثه
5-عيوب التقفيل مفيش الحمد لله غير المالتى فانكشن و غيروهولى فى صيانه ال1000
5-السعر (رخيييييييييييييييييييييي� �ييص على كل ده)

**mohamed289** · 18-10-2009 12:24 AM

انا اخترت انا راضى و العربية ممتازة مع العلم انها قصرت معايا مرة و للأسف كنت مسافر بيها لكن للحق ان العيب مس من العربية ده كان من التوكيل يعنى هم كانو السبب فى العطل اللى حصل
و شكرا

**gold_777** · 18-10-2009 01:07 AM

السلام عليكم ورحمة الله وبركاته
انا الحمد لله راضى اكثر من 100 % انا والحمد لله وبلا حسد وكل اللى يقرا يقول بسم الله ما شاء الله تبارك الله ولاحولا ولاقوة الا بالله
لانى امتلك جين تو 2007 والحمد لله ملقتش الغيوب اللى الناس بتتكلم فيها بالرغم من انى شاريها مستغمله وكانت عامله 55 الف ولما سالت كده فى مره ناس فاهميين راحوا بصو ا على الغربيه وقالولى انها تقفيل خليجى ةان مالكها الاصلى كان تقريبا حايبها استيراد
فالحمد لله

**m.3abdel3al** · 18-10-2009 11:03 AM

المشاركة الأصلية كتبت بواسطة gold_777

السلام عليكم ورحمة الله وبركاته
انا الحمد لله راضى اكثر من 100 % انا والحمد لله وبلا حسد وكل اللى يقرا يقول بسم الله ما شاء الله تبارك الله ولاحولا ولاقوة الا بالله
لانى امتلك جين تو 2007 والحمد لله ملقتش الغيوب اللى الناس بتتكلم فيها بالرغم من انى شاريها مستغمله وكانت عامله 55 الف ولما سالت كده فى مره ناس فاهميين راحوا بصو ا على الغربيه وقالولى انها تقفيل خليجى ةان مالكها الاصلى كان تقريبا حايبها استيراد
فالحمد لله

كل الجين 2 في العالم تقفيل واحد مافيش جين تقفيل مصري و لا ماليزي ولا خليجي كله واخد

**emadhamdy** · 18-10-2009 01:11 PM

المشاركة الأصلية كتبت بواسطة amir

الاخ الكريم توت.....
انا متابع اخبار الجن 2 كل يوم تقريبا علي قد ما بقدر نظرا لأنها داخله دماغي, بس ليا تعليق
تقريبا انت الوحيد من الملاك ليها اللي بتتكلم عن العربيه باستحسان علي طول الخط سواء من ناحيه الاداء او استهلاك البنزين(محدش استفاض في موضوع التكييف خصوصا في الحر ده!!) باقي الملاك اللي معانا في المنتدي قالو كلمتين علماشي و فيهم ناس مش مبسوطين زيك كده بأمتلاكها...
احمد صيام جايب الاوتومتك و مش مبسوط من ادائها خالص و مفيش اراء ناس تانيه الواحد يعتمد عليها في تقييم الاوتوماتك في الجين2 فهل ده معناه اللي بيفكر يشتري جن2 ينسي الاوتوماتك نهائي؟!!
و بعدين بالنظر الي مشكله احمد صيام......
هو فعلا ممكن يكون حظه استثنائي بس الواحد مش عايز يغامر بمبلغ كبير كده, خاصه ان موضوعه ده من اسوء علاقه ممكن تكون بين توكيل و عميل و كلام احمد صيام بصراحه كده ميطمنش و الناس هناك شكلها بتستهبل, انا مش بتاع مشاكل و خناقات بس الموضوع اللي حصله ده انا ممكن اتهور جامد لو كنت مكانه و اللي يحصل يحصل و ساعتها بس ابقي هادي و رزين زيه كده و مش فارقه معايا العربيه..
الاخ توت
لو انت فعلا دايب في غرام العربيه دي روح للناس دول مع احمد صيام و ادخل علي المنتدي من هناك خليهم يشوفو اللي الناس بتتكلم فيه و بلغهم ان لو عايزين نسب مبيعات كبيره و انتشار اكبر من الحالي من غير صرف مهول في الدعايه التقليديه يبقي يتعاملو باحترافيه اعلي من كده مع عملائهم خاصه اصحاب الكوارث زي احمد صيام, لأن مش معقوله العربيه لا تزال مجهوله علي المستوي الشعبي و البهوات بيتعاملو و كأنهم مش ملاحقين مبيعات, و يجيبو كومبيوتر بشاشه بألف و لا الف و نص و اشتراك دي اس ال و يقعدو اي بني ادم محترم عندهم بأكونت هنا في قسم البروتون يهتم بالاسئله و استفسارات الناس و يتابع الشكاوي, لأن بجد و من غير اي حساسيات بالمنظر ده يبقي قرار شراء العربيه ده قرار غير صحيح , لو استلمت العربيه و اللي حصله حصلي هبقي اشتريت اغلي عربيه زيرو في مصر مش عشان حاجه سوي انها راشه خوارج و مفككه و متبهدله و التوكيل ارجعله بيها بعيب اروح باتنين و في تاكسي!!!!!!!!!
الكلام ده مش انتقاد ده اقتراحات و انا عارف انك هتفهم انا قصدي ايه لأني زيك معجب بالعربيه لاكن عندي شكوكي

مش اخي توت بس هو اللي معجب
وبيحب عربيته
انا كمان بعشق العربيه دي قبل ما اشتريها وبعد ما جبتها
ولعلم الجميع انا معايا موديل 2007 يعني جينتاوي قديم مش مستجد
وعايز اقول حاجه مهمه جدا لكل واحد يدخل يكتب كلام يسؤء سمعه العربيه
اللي اثبتت انها عربيه تستحق الاحترام
موتور قوي
ثبات خارق وانا عارف بقول ايه
وكماليات كتيره بتخلي مالك العربيه حاسس بالثقه الكبيره جدا
انا بس اللي مستغربله ان الاستاذ توت
قال شي
ومعرفش ليه محترمش كلامه بعض الاعضاء
قال وبالنص التقييم لملاك الجين .2 وياريت الملاك فقط
لاكن مع احترامي الشديد لكل الموجودين ملاك الجين.2 او لا
انتوا محترمتوش كلام الراجل ولا ملاك الجين لتدخلكوا في التقييم
معرفش ده ليه؟
وهرجع اقول ياريت بجد محدش يدخل ولا يتكلم علي العربيه الا ملاكها
في مواضيع كتير مفتوحه للمناقشه
لاكن الموضوع ده وبقولها تاني
لملاك الجين .2 فقط
لا حول ولا قوه الا بالله

جينتاوي وافتخر