نريد تقييم أصحاب الجين 2 فقط

**khpopo** · 26-06-2008 10:47 PM

السلام عليكم
اول مرة اخش المنتدى رغم انى اسمع عنة كثيرااا بسبب ضيق الوقت لكن بعد سنتين من ونزول جين2 مع كمية الكلام المتفاوت عن العربية كان لازم اشترك
الحمدللة اول مالك ليها فى مصر الحبيبة لكن كنت زعلان وانا باشتريها خوفا عليها من شوارعنا ومن عيون الناس لكن قلت يمكن يقولو صينى تعبانة لكن برضة مانفعش الحمللة على كل حال.
انا جربتها قبل ماتنزل بشهرين وفضلت مستنيها شهرين لما استلمت والحمدللة لم تيخيب حدسى مع خبرتى 25 سنة سواقة واكثر من 20 عربية غير التجارب انا اول ماسوقتها فى التجربة لم اتردد فى الحجز .
التوكيل مش بطال مقارنة بامثالة العمالقة.
التقفيل على قد الفلوس العربية بها امكانيات تفوق سعرها ..لكن الضمان بيغطى المشاكل وايضا يوجد جودة فى حاجات كتير مثل الصاج والدهان التحفة والامان العالى بعد ربنا سبحان وتعالى ....
قطع غيار متوفرة وسعرها معقول واقل من اليابانى واعلى حاجة بسيطة عن الكورى
مقصورة رحبة مساحة تحميل عالية دة من اول اختيارتى لتكون سيارة عائلية
كل الكلام الى قريتة عنها وعن نشاتها وبعد سنة ركبو فيها الكامبرو لم يكن دعاية تصورت ذلك ولكن مع تجربتها فى ابورواش بالتحديد قبل نزولها لقيتة حقيقى
ياجماعة العربية اسطورة وكل الى بيتكلم بدون مايكون متحيز ارجوكم لاينسى الفكر الرياضى الذى اصبح يحتزية شركات كثيرة من بعد نزولها يحعلنا نشجع صناعة الماليزين وندعو لهم ربنا ان يشدد من ازرهم حتى يرفعو راية الاسلام دائما وندعو لبلدنا الحبيب ان نرها فى يوم يصنع سيارة بالكامل ولايجمع سيارات حتى لو كانت مرسيدس
ارجو انل لا اكون اطالت لكن الكلام لة باقى كثير
سبحان الذى سخر لنا هذا وماكنا لة مقرنين وانا الى ربنا لمنقلبون
والسلام عليكم
:embarrassed2:

**magedomran** · 26-08-2008 10:55 AM

المشاركة الأصلية كتبت بواسطة khpopo

السلام عليكم

نشجع صناعة الماليزين وندعو لهم ربنا ان يشدد من ازرهم حتى يرفعو راية الاسلام دائما وندعو لبلدنا الحبيب ان نرها فى يوم يصنع سيارة بالكامل ولايجمع سيارات حتى لو كانت مرسيدس

:embarrassed2:

انت جبت الاخر لازم نشجع الصناعه الاسلاميه
ربنا يباركلك ويباركلنا يارب

**NExt** · 26-08-2008 10:56 PM

انا فعلا حتجنن ... طيب ازاي
جين 2 تخطف عين وعقل اي عاشق للسيارات الرياضية علي الاقل في المنافسة السعرية فأمكانيتها علي قد سعرها و في الحقيقة ان تقريبا 90 % من اصحاب العربية بيشكروا فيها جدا , حتي العيوب فهي عيوب اي عربية , يعني مثلا عيوب التقفيل ممكن تشوفها حتي في بعض العربيات الياباني الكوري , حتي عملاق الصناعة الالمانية BMW بدأت في جمع بعض الموديلات من امريكا ليعوب في صناعة الوسائد الهوائية ,فمافيش حاجة مفهياش عيب.

طيب الغريب في الموضوع ان بالرغم ان العربية تعتبر مناسبة لسعرها وامكانيها الا ان كل مواقع التقييم العالمي لم تتواجز * * من خمسة نجوم :
WhatCar: 1
Top Gear 2
Fifth Gear 1

طيب هل ده تقييم عنصري علشان البلد مش جاية علي هواهم ولا ده فعلا نقص في العربية واحنا بس اللي مش قادرين نشوفة