السلام عليكم يا شباب
انا عايز اعرف الرموز زي مثلا e46 دا انهي موديل انا اعرف بلسنين موديل 90 يختلف عن 91 ياريت اعرف كل الرموز والسنة بتاعتها
معلش بئا الجهل وحش:0002014a:
عرض للطباعة
السلام عليكم يا شباب
انا عايز اعرف الرموز زي مثلا e46 دا انهي موديل انا اعرف بلسنين موديل 90 يختلف عن 91 ياريت اعرف كل الرموز والسنة بتاعتها
معلش بئا الجهل وحش:0002014a:
1970s
- BMW 3 Series
- BMW E21 1975–1983
- BMW 5 Series
- BMW E12 1972–1981
- BMW 6 Series
- BMW E24 1976–1989
- BMW 7 Series
- BMW E23 1977–1986
[] 1980s
- BMW 3 Series
- BMW E30 1982–1994
- BMW 6 Series
- BMW E24 1976-1989
- BMW 7 Series
- BMW E32 1986–1994
- BMW Z Series
- BMW Z1 1989-1991
[] 1990s
- BMW 8 Series
- BMW E31 1989–1999
- BMW Compact
- BMW E36/5 1993–2000
- BMW 5 Series
- BMW E39 1995–2004
- BMW 7 Series
- BMW E38 1994–2001
[] 2000s
- BMW 7 Series
- BMW E65/E66/E67/E68 2002–2008
- BMW F01/F02/F03/F04 2008-
- BMW Sports Activity Series
- BMW E84 2009-
- BMW E83 2004-
- BMW E70 2006-
- BMW E71/E72 2008-
الله ينور علي رجاله المعادي
تسام ايدك يا كبير مجهود رائع
شكرا للتوضيح بس الكلام ده أنا جايبه من على ال ويكي معملتش فيه أي تعديلاقتباس:
١٠٠ ١٠٠ يا برنس بس تعديل بسيط e30 لحد ١٩٨٨ و اما بخصوص ١٩٨٩ و ١٩٩٠ بعد تعديل الموتور بيتسمي m40
سؤال لولبي بقى : m40 ده اسم الموتور ولا اسم الموديل الرسمي والا اسم الموديل في السوق يعني عشان أنا مقابلتش الاسم ده خالص اللا كلام الأعضاء فالمنتدى؟
ومش ال m40 ده injection برده ؟
وهو اللي قبله كان كاربراتير؟
ال m فئه رياضيه للموتور و العفشه و الشكل الخارجي بيكون فيه تعديل بسيط او كبير بيكون لخدمه الاداء و المظهر الرياضي e30 and m40 e36 and m3
e39 and m5
M40 ده إسم الموتور وهو موتور عادي جدا ولا رياضي ولا حاجه. في مصر يقصد به أن شكل العربيه الE30 معدل لأن الموديلات الأخيره منها نزلت بالموتور ده (تم إستبدال الموتور M10بM40 وفوانيسها الخلفيه متغيره و بعض الإختلافات البسيطه االأخرى). فلما يقولك M40 يقصد أواخر الشكل في جيل الE30 نسبة لإسم الموتور اللي إتغير.
مع أن حتى الM40 ده تم إستبداله لاحقا بموتور أحدث وهو M42 و هو نفس الموتور اللي نزل في الدبانه في أوائل موديلاتها بس تلاقي الناس عندنا يقولك M40 M40 M40 حتى لو العربيه موديل 1984 كله يغير الفوانيس و الجرايد وأهو كله M40.
و الM اللي في اسم الموتور (M40, M54) لا علاقه لها بالM/// المعبره عن الفئه الرياضيه لأن تلك الM/// تطلق على موديل العربيه مثل M3/// الموديل الرياضي من الفئه الثالثه أو M5/// الموديل الرياضي من الفئه الخامسه. أما أسماء مواتير العربيات الـ M/// فتبدأ دائما بحرف الـ S يعني :
ُE30 ///M3 متورها إسمه S14
ُE36 ///M3 موتورها إسمه S52
E39 ///M5 موتورها S62
اما المواتير العاديه فتبدأ بحرف الM و من كام سنه قلبوا لحرف الN لكن يظل حرف الS للمواتير الرياضيه Sport إللي بتنزل في العربيات الM/// بس.
نفهم من كلام حضرتك ان فيه فرق ما بين ال e30 و ال m40
من حيث الشكل و الموتور بغض النظر عن الفئه s الي انا معرفهاش علشان كده مينفعش نقول علي ١٩٨٩ ١٩٩٩ e30 بيكون اسمها m40 زي م انا قلت لحضرتك و شكرا علي المعلومات القيمه مجهود واضح في قرائه الكتالوجات
عالميا (يعني بقية دول العالم كله) تطلق عليها ُE30 لأنه يمثل إسم الشاسيه. M40 ده إسم لموتور و لا يمثل أكثر من ذلك إنما العرف في مصر (وهو مختلف عن العالم كله) بإطلاق لقب M40 على الE30 اللي في أوخر سنوات إنتاجها وهو عرف غير سليم لأنه كما قلت يوجد E30 تم تحديثها بموتور أحدث كمان من الM40 و يسمى M42.
BMW عادة تنتج الشاسيه و تثبت على التصميم لمدة 6-8 سنوات خلال هذه الفتره حتى لا يمل الناس و ليظلوا راغبين في التحديث. تسمى هذه الحركه التسويقيه بعملية "Facelift" أي "شد الوجه" لتظل المرأه شابه و مرغوبه (أو الشاب لو زي سمير صبري...عشان محدش يقول إني ضد المرأه و الكلام ده)
يتم إضافة بعض التعديلات مثل تغيير شكل الفوانيس الأماميه أو الخلفية أو إستحداث بعض التكنولوجيا في المواتير..يعني مثلا الE46 نزلت في 1998 و جم على منتصف سنة 2001 و غيروا شكل الفوانيس الأمامية و الكبوت و الرفارف و أصبح عندك E46 Highline وEُ46 baseline و الموتور بدل ما كان M43 تغير و أصبح N42 ليكون به تكتولوجيا الValvetronic اللي بتدي أداء أفضل لكنها لازالت تسمى E46 ... محدش سماها N42
و ده يخلي الشباب اللي إشترى عربيته دايما عاوز يجدد الفوانيس و الشكل الخارجي لتبدو عربيته أحدث شويه لكنها ستظل E46 ...
طبعا لو بتتعامل مع صنايعي لازم تهاوده و تقول M40 أو "ناين" على الE39 يعني هاوده في خطأه المهم يفهمك و تفهمه عشان تنجز.
يعني من الأخر هو عرف خاطئ لكن على رأي المثل:
When in Rome, do like the Romans do
مفيش فئه S . هذا الحرف يبدأ به "إسم الموتور" اللي بينزل في أي عربيه "إم" الرياضيه
و شكرا لك و لكل الأعضاء.