ياريت مساعدتكم معايا في الرعشة دي ؟؟؟

السلام عليكم ورحمة الله وبركاته

بدات الحكاية من قبل ماركب جنوط اسبور بيوميين وبدات احس برعشة مع الفرامل وبعد ماركبت الجنوط ومع الوقت بقت ملحوظة شكيت في الجنوط كشفت عند كذا واحد اكدوا انهم سلام وقالوا لوفيهم حاجة هتبان مع المشي كمان وده مبيحصلش المهم ريحت نفسي وغيرت تيل وطنابير جداد وفعلا الرعشة ظهرت مع الفرامل الجامدة على سرعة 120 فاكثر ماشي ممكن ده طبيعي شوية ومقبول لكن برده ظهر رعشة بسيطة مع الفرامل على سرعة 80 و 90 .....انا متغاظ ومش عارف اعمل ايه :penguin4:ياريت تساعدوني اعمل ايه وايه اسباب رعشة الدركسيون مع الفرامل الجامدة وشكرا

طالما الرعشة دي بتحصل مع الفرامل ، فالسبب غالبا ما بيكون من الطنابير أو من بلي العجل.
بالنسبة للطنابير : فحضرتك مغيرهم جداد وكذلك التيل .. فبالتالي لازم تستخدم الفرامل براحة شوية أول 500 كيلو عالأقل عشان التيل يطببع.
بالنسبة للبلي : ممكن يكون بايظ وهو السبب في الرعشة ، وياريت لو تركز هل عامل صوت نحر وانت ماشي ولا لأ؟ أو الجنوط بتسخن جامد بسببه ؟
أما بالنسبة للجنوط : لو عيوب ترصيص فهتظهر على سرعات مختلفة مش أثناء الفرملة.

اعتقد ان كدة فى مشكلة يا اما فى بلية عجل او الصرة بتاعتها

هية المشكلة كدة بسبب ان لازم يكون فية عندك رينجات مابين السرة ومابين الجنط

فحضرتك هتروح للراجل اللى انت اشتريت منة الجنوط وقولة انا عايز طقم الرينجات على قد السرة بتاعة عربيتك ولازم تركب بالظبط وان شاء الله مشكلة الرعشة هتروح نهائى جرب وقول النتيجة

انا متشكر ليكم جدا
بالنسبة للبلي هو مفيش نحر او وررة او كده يعني وبعدين الجنط بيسخن مع الزحمة والفرامل الكتيرة لكن مع الطوالي مفيش سخونة تذكر
بالنسبة للرينجات انا سمعت عنها بس مش عارف دي ايه وبتعمل ايه وعلى فكرة الجنوط االلي جايبها هي نفس مقاس القديمة ولوني برده الشيطان لعب في دماغي اني اغيرهم ومنهم اغير الشكل ومنهم اني اعرف المشكلة هتروح ولا لا