-
في حساس الضغط ده بيقيس ضغط الفريون في الدوره وبيقيس الضغط العالي يعني اللي رايح للسربنتينه اللي جوه قبل الاكسبنشن فلف الحساس ده وانا موصل العربيه علي الكمبيوتير اكتشفت انه بيفصل الكمبروسور عند 600 تقريبا تحت و 3000 فوق kpa وبعد شويه تجارب فهمت كام حاجه منها ان لو الضغط زايد الحساس ده هايفصل التكيف يعني ممكن الشحن الزياده يكون سبب وكمان الجو السخن بيساعد علي كده عشان بيمدد الضغط في المواسير اكتر كل ما تسخن كل ما الضغط بيزيد
الحاجه التانيه ده بيفسر ليه لما بتعلي الار بي ام وانت دايس بنزين علي الاخر الكمبروسور بيفصل بردوا لان سرعه الكمبروسور بتزيد وبيزود الضغط معاه وبيفصل لما الضغط بيزيد منه امان للكمبوروسر ودوره التبريد ومنه بيتيح ليك السحب بالعربيه في التغريز مثلا وبيرجع ييشتغل تاني لما الضغط بينقص وده بياخد دقيقه تقريبا
-
كلام جميل قوي
موضوع الضغط الزيادة ده ممكن اقيسو ولو طلع كده اظبته
بس زيادة الضغط وبالطريقة دي كتير قوي قوي أكيد فيه هوا دخل جوه دورة الفريون
فـأنا عايز أعرف منين
وبرده مش عايز اجرب حاجة وتطلع مش هي أرجع تاني اجرب اللي بعدها واشحن فريون تاني واقضيها شحن وأنا أصلا لسة شحن فريون من كام شهر في نص السيف كده عشان فيه حاجة عاملة زي الصباع كده فلكمبرسور باظت
-
اولا زياده ضغط الفريون سهل انك تقسها وسهل انك تظبطها بعداد ضغط من الضغط الواطي
اذا كان عندك شك في موضوع دخول هوا لدوره الفريون اذا
اولا الهوا ده مش ممكن يدخل لوحده لن الدوره مضغوطه يعني بالاولي تطلع فريون مش تدخل هوا
ثانيا لو كان دخل هوا يبقي بمعني ادق اللي شحن الدوره ما فرغش الدوره من الهوا قبل الشحن وبكده يبقي في احتمال وجود هوا وده فعلا هايزود الضغط جدا لان الكمبورسور هايضغطه بقوه اكبر من الفريون وهايزود الضغط وهيتئثر بدرجه الحراره اكبر من الفريون وده عن تجربه يعني مثلا
انا لما كنت بجرب الكمبروسور والتسريب عندي لما كنت بحط هوا في الدوره بس واخلي الضغط علي الكمبيوتير مثلا 700 واشغل الكمبروسور علي السلانسيه يوصل الضغط 2500 لما بشحن الفريون مثلا علي 700 واشغل الكمبروسور علي السلانسيه يوصل الضغط 1500 وديه يدل علي ان الهوا هايدي فعلا ضغط عالي خد بالك ان المقايس اللي انا كاتبها علي الكمبيوتير مش عداد الضغط عشان ما تتلخبطش
بس لو في هوا في الدوره هتلاقي التبريد مش كويس ولو اتئكدت من كده يبقي لازم تفضي الدوره خالص وتعمل فاكيوم للدوره في الاول وبعدين تشحن فريون جديد بالضغط المناسب
في فكره بسيطه كده ممكن تتئكد بيها بس مش عارف ها تقدر تعملها ولا لا
اولا لازم تظبط الضغط الطبيعي وتتئكد منه في الاول وبعدين توصل العربيه علي الكمبيويتر وتشغل التكيف وتشوف الضغط الواطي كام والعالي كام وبعدين تزود بنزين وتشوف الضغط هايفضل يعلي لغايه كام لو فصل وانت لسه علي ار بي ام قليل يعني اعتقد لغاليه 5000 او اكتر شويه المفروض ما يفصلش لو وصل الضغط 3000 وانت علي ار بي ام اقل من كده وفصل يبقي كده اكيد في شيء غلط في الدوره وممكن جدا يكون في هوا في الدوره
Content Relevant URLs by
vBSEO 3.6.0 PL2