نزلت أغير مجموعة الكاتينة لفورد فوكس 2004 لاول مرة ولقيت مجموعة مكونه من سير كاتينه كونتينينتال وبلية كاتينة اينا وشداد كاتينه اينا برضو سعرهم 840 جنيه ايه رايكم اجيبهم ولا اجيب الاصلى من التوكيل ب1490 جنيه ومعاه ضمان 20000 كم او سنة ايهم اقرب
عرض للطباعة
نزلت أغير مجموعة الكاتينة لفورد فوكس 2004 لاول مرة ولقيت مجموعة مكونه من سير كاتينه كونتينينتال وبلية كاتينة اينا وشداد كاتينه اينا برضو سعرهم 840 جنيه ايه رايكم اجيبهم ولا اجيب الاصلى من التوكيل ب1490 جنيه ومعاه ضمان 20000 كم او سنة ايهم اقرب
اولا كل سنة و انت طيب
ثانيا الكاتينة مينفعش فيها هزار
يعني تجيب الاصلى و تركب في التوكيل و تاخد ضمان و فاتورة
و لو حصل فيها غلط او كان فيها مشكلة تروح يصلحوا الي حصل و الى اضر او ترفع عليهم قضية في حماية المستهلك و تاخد حقك
انصحك العربية لسة جديدة و بما انها اول مرة تغير كاتينة يعني انت بتتكلم في عربية ماشية حوالى الـ 100 الف
يبقي مش خسارة فيها انك تعملها في التوكيل و تمشي بيها الـ 100 الف الجايين و ربنا يعينك
بالمناسبة يا أخ جوزيف aYaBooY بعد السؤال عن أخبارك وشكرك على ذوقك الدائم وتكرمك بالرد بما ينفع على الجميع...أنا عندي سير الكاتينة مر عليه في المونديو 1998 حتى الآن نحو خمس سنين تقريبا وكل اللي عملته به حوالي 45 ألف كيلو..فهل لازم أغيره نظرا لمرور خمس سنين عليه. هناك زميل معه مونديو يؤكد على ذلك باعتبار ان عمر الكاتينة 80 ألفا أو خمس سنين أيهما أقرب. هل سمعت عن شيء كهذا من قبل؟. وخالص التحية والشكر مقدما.
نسيت أقول لكم انى تانى يد والعربية ماشية 190000 ومغيرة كاتينة مش أصلى قبل كده
ميمو باشا ازيك يا ريس و كل سنة و انت طيب
موضوع الخمس سنين مقنع علشان اي حاجة كاوتش ليها عمر بالكيلو او الوقت لانها بعد فترة هاتبداء تنشف خصوص ان الكاتينة الكاوتش لا تمر بالزيت
او اي مادة ملينة بس بما ان حضرتك على مدار الخمس سنين عملت 45 الف كم يبقي لو هاتغير تغير السير بس من غير الشداد او البلية بتاعت الكاتينة
السير الاصلي بيتغير على 100 الف كم و اي سير تقليد بيكون عمرة من 60 إلى 80 الف
يعني لو فرضنا ان السير الاول متغير على الـ 100 بالظبط يبقي انت دلوقتي خارج نطاق الامان
بالنسبة لسير الكاتينة
موضوع تغير بالاصلى او بالمتوافق ديه حاجة ترجعلك
بس لو عاوز النصيحة يبقى خليك في السير الاصلى
و على فكرة لو البلية او الشداد مش مطلع صوت ونه تقدر تغير سير بس برده
و لو هاتجيب سير مش اصلى يبقي تخلى بالك انك تغيرة قبل ميعاده و ده كله للحفاظ على عربيتك
اللى خلانى افكر فى اللى مش اصلى انى بعمل فى السنة 10000 كم بالكتير لان مشاويرى مش كتيره وانا مش هاخلى السير يقعد فى العربية سواء اصلى او غير اصلى اكتر من 3 سنين فقلت اذا كان ده ها يتغير ودا هايتغير يبقى خلينى فى العادى وكمان التوكيل قال انه بيضمن الاصلى 20000 كم بس لكن بينصح انه يقعد فى العربية 60000 وده اللى حيرنى طب مادام بتنصح ب60000 كم ليه بتضمن لحد 20000 كم مش غريبه ديه .
العزيز جوزف...أشكرك من أعماق قلبي وكل عام وأنت بألف خير وجزاك الله خيرا على هذه النصائح القيمة التي لا تبخل بها على أحد...شكرا من القلب.