بالتوفيق ان شاء الله
:tumb:
عرض للطباعة
انا شاكر حضراتكم جدا بس معلش انا بوضح سؤالى مرة تانى اجيب منين الفوجات دى فيه واحد قال انوا جاب بتوع الديماكس بـ 60 جنيه طاب جبتهم منين انا مش عارف اجيب منين الفوجات دى وبتوع الديماكس ينفعوا مع الكريستالة 2000 ولكم كل الشكر انا كل كلامى فى الاول انى لاقى كذا عضو بيقولوا ركبنا بتوع الديماكس وكدا ومحدش قايل جابهم منين يعنى من التوفيقية مثلا طاب من اى محل كدا لانى فى مرة اشتريت فوجات مربعة كدا من التوفيقية واهم سايبهم فى البيت لانهم مش نافعين طبعا
بصوا بقى ياشباب امبارح توجهت مباشرة لبتاع البلاستيك وضحيت بعربيتى نزلت بنص العربية فى بركة مية ده غير التكسيير اللى فى الارض وحاجة زفت المهم وصلت وقلت للراجل بتاع البلاستيك انى جاى من عند بسام وهوة اللى وصفوا ليا المهم بعد السلامات والترحاب فرجتوا على العربية والشغل الاصلى اللى عايز اعمله واكتشفت ان هوة كل اللى بيعمله انه بيلحم الاكسدامات لما بتتكسر اكتر من كده بخ مفيش حاجة قولتلوا على موضوع الفوجات استغرب وكانى كنت بكلم دكتور وبقولوا سمكر العربية قاللى لا ازاى انت جاى من عند بسام وهوة بتاع كده اصلا قولتلوا انا فاكر انك انت اللى بتعمل كده قاللى لا ده بسام كغير نص فوجات البلد وبيشتغل فيها وطبعا اتصدمت بس مش قوى لانى كنت حاسس من الاول ان بسام بيتنصل من الموضوع بالرغم ولازلت اكرر ان هو انسان محترم جدا ومستغرب هو عمل معايا كده ليه قعدت ابرر وادى لنفسى اسباب لكن برضوا ممكن يقولى مش فاضى بالرغم برضوا انى انا زبون عنده وهوة اللى عمللى الشغل وخد حقه تالت ومتلت وفيه بعض العيوب وقاللى هاظبطها ان شاء الله المهم رحت رايح على بتاع فايبر تانى اسمه تقريبا جلهوم واولاده المهم دخلت على الصنايعى وحكيتله قاللى هات اى فوج وانا اظبطه بس اهم حاجة ميكون اكبر او اطول من الفتحة الاصلية بتاعت العربية ده بتاع فايبر المهم سالته اى حد بتاع فايبر ممكن يعمل الشغل ده قاللى هوة اصلا ده شغلنا ومش معضلة يعنى دى حاجة بسيطة لقيت واحد قدامه بتاع اكسسوارات رحت رايح عليه وبصراحة كان راجل فى غاية الذوق والاخلاق واستحملنى للاخر وطلع عنده الفوج بتاع الميراج الشكل الاصلى لكن الصناعة طبعا الصين الشعبية المهم قولتلوا لا انا عايز اشوف بتاع الايلانترا وبتاع الاوكتافيا لقيت الاقرب بتاع الاوكتافيا وبتاع الفايبر قاللى ده اللى يركب بالرغم من ان بتاع الايلانترا فيه رجلاش وشكله كويس انما الاثنين صناعة صينى ومفتكرش انهم يستحملوا وب250 جنيه بصراحة قفلت مش لانى مش هاعرف اركب فوج مش هية دى المشكلة وعادى جدا انى امشى من غيره مش هاموت يعنى بس انا كنت عايز اوفر النور الصغير اللى فى العدسة وعلشان فعلا بيكشف حاجات فى الارض انا من ناحيتى ياجماعة قفلت وطبعا فكرت انى اسال على الحاجات دى استيراد بس توقعت سعرها مابين 500 فيما فوق لان بصراحة الاصلى دلوقتى يستاهل الحاجة الجديدة مضروبة بالنار انا بس زعلان من الصنايعية والفكر بتاعهم بقم هما اسياد طيب على ايه والله انا ممكن مركبش عربية اصلا لو حد من الشباب عنده اقتراح او عايزنى انزل تانى انا كنت ناوى بس مخنوق جدا من شكل الحرفيين واللى فيها بس انا تحت امركم واقتراحتكم تحياتى واسف على الاطالة
بس انا انصحك انك تتقل زى ماقولتلى امبارح وان شاء الله نوصل لحل جزرى فى الموضوع ده لانى زى ماقولتلك قفلت من اول مرة قابلت فيها بسام وحسيت انو بيتهرب مش عارف ليه بس احساس جالى وفيه خطوة تانية ان احنا نسال على بتوع الاوكتافيا استعمال او حل ثالث لسة كنت بفكر فيه انهاردة وتقريبا ده الاقرب اللينس العدسة فيه ناس بتعمل تعديل على الفوانيس وبتركب عدسات طيب فكرت انى اخد انا العدسات دى واعدلها للفوج هاتبقى وهمية برضوا بس اللى مخوفنى من الراجل بتاع الفيبر كان صريح وقاللى ان هوة معملش تعديل قبل كده فى موضوع الفوجات السؤال هنا هل فيه حد قريب شوية من بسام مش محتاجين صنايعى جامد وعلى فكرة شفت بعض الشغل اللى عنده مش اختراع يعنى الموضوع مش صعب والفايبر كله واحد تقريبا واللى عرفته بيشتغلوا باسطمبات على حاجات اصلى والله اعلم
يا درش بتوع الاوكتافيا غاليين جدا ولا قدر الله لو فانوس اتكسر هتبقى تعويرة جمدة فخلينا في الحنين
او نجيب الاصلي بتوع العربية وخلاص ونريح نفسنا ونركب لمبات 100 وكتاوت بس بردوا الاصلي ب 350 ج جديدة ديبو
استيراد ب 300 ج
الصراحة بردوا كتير ولو شفت ابو 350 الديبو هتركنهم جنب الحيط صناعة سيئة جدا
انا شفتهم ديبو قبل كده فى التوفيقية احسن بمراحل من الصينى حتى لو صينى يبقى الصينى النظيف للاسف فى مصر مش بينزل غير الصينى الدرجة العاشرة بتاعت بير السلم انما لو نزل مصر الدرجة الاولى هاتبقى اغلى من التوكيل علشان فعلا بيعملوا حاجات كويسة وشفت منها كتير وكبر مثل الكوتشيات اديداس وريبوك ونايك دلوقتى صينى بس الاصلى زى كده طيب ايه رايك فى العدسات