انا كرهت غبور ونويت اقدم شكوى لشركة هيونداي الأم

**mahmoud_afifi** · 24-08-2011 08:25 PM

السلام عليكم

طبعا كلنا بنعاني من مستوى الصيانه الاكتر من سئ لغبور وقلة مراكز الصيانه بتاعة غبور بغض النظر عن المراكز المعتمده. بالاضافه لنزع الكماليات و وسائل الأمان الخ..
و المغالاه في سعر قطع الغيار واسعار الصيانات الي بقت اغلى من الياباني واحيانا الالماني.
عاوز اقدم شكوى لشركة هيونداي عشان نخلص من قرفه ويبقى مصيره زي الرواس.

مين هيساعدني على كتابة نص الشكوى ومين هيبعت معايا عشان نخلص من القرف ده ؟

**Screenplays** · 24-08-2011 08:32 PM

ممكن اكتب نص الشكوي و هحاول اجيب الايميل بتاعهم بس بعد كده تعامل حضرتك لاني لا بروح توكيلات و مليش دعوه بالليله دي

**Screenplays** · 24-08-2011 08:40 PM

احنا ممكن نعمل Page علي الفيس بوك و نجمع اكبر كم من التوقيعات يعني اللي يعمل لايك يبقي متتضرر من وجود التوكيل ده في مصر و نبعت لينك الصفحه للشركه الام و طبعا كل اللي يدخل علي الصفحه يكتب شكواه و تجربته السيئه مع التوكيل بالانجليزي ايه رأيكوا في الفكره دي ؟

**mahmoud_afifi** · 24-08-2011 10:41 PM

المشاركة الأصلية كتبت بواسطة screenplays

ممكن اكتب نص الشكوي و هحاول اجيب الايميل بتاعهم بس بعد كده تعامل حضرتك لاني لا بروح توكيلات و مليش دعوه بالليله دي

ماشي يبقى كتر خير حضرتك, انا عارف الموضوع مش اكيد بس يمكن ينفع وربنا يكرم.

**mahmoud_afifi** · 24-08-2011 10:42 PM

المشاركة الأصلية كتبت بواسطة mahamedaraby

انا معاك 100% واكتب برضوا وقت الصيانه اقل حاجه بقعد 5 ساعات فى ابو رواش

فعلا الواحد بيعمل صيانات بسيطه وبياخد وقت طويل نظرا للزحمه الشديده عليهم ومفيش مراكز كتير تخدم مناطق كتير ( مش زي توكيل تويوتا على سبيل المثال )

**mahmoud_afifi** · 24-08-2011 10:44 PM

المشاركة الأصلية كتبت بواسطة screenplays

احنا ممكن نعمل page علي الفيس بوك و نجمع اكبر كم من التوقيعات يعني اللي يعمل لايك يبقي متتضرر من وجود التوكيل ده في مصر و نبعت لينك الصفحه للشركه الام و طبعا كل اللي يدخل علي الصفحه يكتب شكواه و تجربته السيئه مع التوكيل بالانجليزي ايه رأيكوا في الفكره دي ؟

فكره جميله جدا, اهم حاجه نوصل صوتنا للشركه الأم بأن غبور مسوء سمعتهم وفعلا انا كرهت العربيه وكرهت حاجه اسمها صيانه.
عامل 60 الف كيلو و خايف جدا على العربيه من بتوع غبور التيييييت دول. وعارف هيدفعوني دم قلبي في الصيانه دي

**mahmoud_afifi** · 24-08-2011 11:02 PM

المشاركة الأصلية كتبت بواسطة HOSSAM99

و عليكم السلام و رحمة الله
مع حضرتك إن شاء الله
لكن عايزين عدد كبير بيتعامل مع التوكيل (ميكنش بيعمل صيانه بره التوكيل)
و عايزين الشكوي الأولي هي (إن موديلات هيونداي بأكمالها بتيجي ناقصه من كماليات ..مش هانتكلم علي الأساسي .. لكن هانقول البسيطه زي لمبه في التابلوه بيشيلها علشان يوفر ثمن اللمبه و 2 متر سلك
و لمبه في الباب بيشيلها علشان نفس السبب و هكذا)
يعني عايزين الموديل ينزل زي ما بينزل في بلده بكمالياته
و كمان الصيانه بتاخد وقت كبير جدا و ده بسبب التوفير في العماله (مع إن العربيه ببقي شايفها واقفه في الباكيه المخصصه للصيانه لكن بتفضل ساعتين تلاته مفيش صبي ميكانيكي مد أيده فيها )

دول أكثر نقطتين بينرفزوني

الحمدلله ابتدينا نجمع نقاط كتير فعلا بتكون مهمه جدا وناقصه في العربيه. حضرتك طبعا تقصد لمبة الCheck Engine الي مش موجوده في كل الموديلات حتى الالنترا.
وطبعا عاوزين كل الموديلات تنزل بABS ستاندرد في جميع الموديلات وأكيد الairbag عشان الحاجات دي خلاص بقت اساسيه مش كماليات زي استاذ غبور ما بيعمل.

وفعلا مع حضرتك حق, العربيه بتفضل مركونه ولا حد بيعبرها و اوقات بياخدوها يلفوا بيها من غير ما يعملوا اي حاجه. الكلام ده بجد وانا شفته بعيني وغير تخبيط العربيات جوه.
مش هقول يغسلوا العربيه بعد ما يخلصوا الصيانه زي التوكيلات المحترمه. كفايه يعملوا صيانه اساسا يبقى كتر خيرهم !

يارب حد بيقدر العميل ياخد توكيل هيونداي عشان العربيه فعلا محترمه