عايز آخد رأيكوا فى حاجة مهمة

**seyad** · 24-08-2011 11:33 PM

بسم الله الرحمن الرحيم

دايما انتو اللى بحب اخد رايكوا فى نهاية التفكير لانى دايما باجد عندكو الرأى السديد
انا حاجز مع غبور فرع صلاح سالم النترا الشكل القديم اوتماتيك وإحتمال يسلمونى يوم الأحد القادم بالليل او الأثنين الصبح قولتلهم بلاش بالليل كنت قد قراتها فى موضوع هنا قبل كده المهم دى مش هيه المشكلة المشكلة ان انا مسافر الشرقية يوم الأثنين عيد بقا كل سنة وانتم طيبين وبخير والى الأمام دوما فهل اسافر بيها بعد الأستلام مباشرة- هل ده فى خطورة ممكن يكون العربية فيها مشكلة ولا حاجة توقفنى فى الطريق ودى ايام عيد محدش فاضى لحد- ولا اكلمهم واجعل الأستلام بعد العيد اكون رجعت

مستنى ردودكم ونصائحكم

**cameeron** · 24-08-2011 11:43 PM

خليك فى الروقان افضل مهما كان سبب الاستعجال علشان العيد و كده

**Ashraf_Ibrahim** · 25-08-2011 12:46 AM

صديقي سيد
اولا احب اقلك رمضان كريم وكل سنة وانت طيب
ثانيا احب اقلك ألف مبروك على استلام العربية
نيجي بقا لاستفسار حضرتك
باسنبة للسفر والعربية هي باذن الله مش هيكون فيها حاجة
انت بس أكد على ان قواطيش البطارية مربوطة كويس لأن غالبا عربيات غبور بيكون ملمس القواطيش ومش مربوطة كويس
لو عاوز تسافر بيها توكل على الله مفيش مشاكل خالص
بس تراعي الآتي:-
* سرعتك لا تزيد عن 90كم في الساعة
* متحملش فيها كتير سواء عدد افراد او شنط وما شابه
* لو هتقف في زحمة متسبش الموتور داير كتير علشان دا غلط عليه
* متحرقش على الغيارات ولكن ادي كل غيار حقه وانقل على الغيار اللي بعديه-عربيتك اوتوماتيك فانت مش مسؤول عن النقل- بس خلي رجلك خفيفة بحيث انك تعرف امتى العربية هتنقل وتهدى عليها متكبسش بنزين وخلاص عشان دا غلط
* قبل ما تتحرك تأكد من مستويات الزيوت
* بلاش تكييف قبل 1000 كم
وربنا يحفظها ليك يا رب

**Screenplays** · 25-08-2011 01:09 AM

استلم بعد العيد افضل عشان تستلم و انت مش مستعجل و في النور و بعدين لو سافرت بيها علي طول هتعدي ال 80 اكيد فده غلط طبعا

**gazzar91** · 26-08-2011 07:32 AM

المشاركة الأصلية كتبت بواسطة seyad

بسم الله الرحمن الرحيم

دايما انتو اللى بحب اخد رايكوا فى نهاية التفكير لانى دايما باجد عندكو الرأى السديد
انا حاجز مع غبور فرع صلاح سالم النترا الشكل القديم اوتماتيك وإحتمال يسلمونى يوم الأحد القادم بالليل او الأثنين الصبح قولتلهم بلاش بالليل كنت قد قراتها فى موضوع هنا قبل كده المهم دى مش هيه المشكلة المشكلة ان انا مسافر الشرقية يوم الأثنين عيد بقا كل سنة وانتم طيبين وبخير والى الأمام دوما فهل اسافر بيها بعد الأستلام مباشرة- هل ده فى خطورة ممكن يكون العربية فيها مشكلة ولا حاجة توقفنى فى الطريق ودى ايام عيد محدش فاضى لحد- ولا اكلمهم واجعل الأستلام بعد العيد اكون رجعت:u_thin1[1]: مستنى ردودكم ونصائحكم

مبروك مقدماً و ربنا يديك خيرها و يكفيك شرها و يديمها عليك و على أهل بيتك نعمة
نيجي للإستلام
خد معاك "بوهيجي".... و دقق في كل حاجة واطمن على العدة والكاسيت و الأنوار و كارتيرات العجل و الجنش بتاع الجر
بعد ماتاخدها....
على طول روح ظبط ضغط العجل نيتروجين علشان بتبقى واقفة في المعرض على ضغط عالي قوي (ممكن تلاقيها 40)
تربيط عفشة و ضبط زوايا لو هتسافر
بالنسبة لموضوع التليين...
ملهاش علاقة بالسرعة... ليها علاقة بعينك و عداد الـ rpm متخليهوش يزيد عن 2000 أو 2500
وبلاش برضه التكييف

و الله أعلم
في رعاية الله