الرفرف الخلفي

**maay93** · 25-08-2011 12:01 AM

[gdwl]علي عكس الرفرف الامامي تغير الرفرف الخلفي بيمثل مشكلة بالنسبة للعربية لان بعد سؤال اتوصلت والله اعلم ان الرفرف الخلفي للصني علي سبيل المثال
بيتغير قطع ولحام مش فك وتركيب
لدرجة انة في واحد قالي ان بيتغير الربع كلة وفي النهاية سواء كدة او كدة بياثر جامد في ثمن العربية اكتر من عربية مغيرة الرفرفين قدام فهل المعلومة دية صحيحة وشكرا.[/gdwl]

**fady_anis** · 25-08-2011 02:29 AM

متابع بإهتمام

**WalidAdel** · 25-08-2011 02:42 AM

لا طبعا مين قال الكلام ده سعتك الرفرف الخلفي زي الرفرف الامامي بيتغير عادي ولا بيأثر علي تمن العربيه و لا حاجه
هو بيتفك فعلا قطع و لحام بس عادي يعني مكان القطع معروف و اللي بيلحم بيلحمه زي لحام الفابريكه بس هو صعب في شغله فعلا علشان يعرف يساوي العالي مع الواطي و هو بيلحم و بيمعجن و يرش و في الاخر مايبانش ان كان فيها حاجه بعد الرش .... و الله اعلم

**hugan** · 25-08-2011 03:34 AM

كل العربيات تقريبا الرفرف الخلفي بيتفك قطع ولحام
لكن اختلف مع الاخ وليد
انه شيء عادي
تغيير الرفرف الخلفي يعيب اي عربيه عند اعاده البيع عكس الرفرف الامامي
لانها بتكون راشه دواخل
الجنب اللي فيه الرفرف اترش من الداخل

**WalidAdel** · 25-08-2011 10:29 PM

المشاركة الأصلية كتبت بواسطة hugan

كل العربيات تقريبا الرفرف الخلفي بيتفك قطع ولحام
لكن اختلف مع الاخ وليد
انه شيء عادي
تغيير الرفرف الخلفي يعيب اي عربيه عند اعاده البيع عكس الرفرف الامامي
لانها بتكون راشه دواخل
الجنب اللي فيه الرفرف اترش من الداخل

مش فاهم ازاي اغير رفرف و ارشه من جوه منا مغير رفرف شمال لانوس ورا و مش راشش جوه و العربيه اتباعت عادي ولا اي مشاكل ولا حتي علق عليه مع انه عارف و عرف لما كشف عليها في البنزينه كمان لان الخبطه كانت مسمعه في الكارتيره الشمال و باين فيها لحامات من جوه لكن من الشنطه مكنش في حاجه لان البلاستيك اللي في الشنطه كان مداري بس انا قايله للامانه
و اتباعت بسعر كويس الحمد لله
مش فاهم وجهة النظر معلش

**hugan** · 26-08-2011 01:28 AM

المشاركة الأصلية كتبت بواسطة walidadel

مش فاهم ازاي اغير رفرف و ارشه من جوه منا مغير رفرف شمال لانوس ورا و مش راشش جوه و العربيه اتباعت عادي ولا اي مشاكل ولا حتي علق عليه مع انه عارف و عرف لما كشف عليها في البنزينه كمان لان الخبطه كانت مسمعه في الكارتيره الشمال و باين فيها لحامات من جوه لكن من الشنطه مكنش في حاجه لان البلاستيك اللي في الشنطه كان مداري بس انا قايله للامانه
و اتباعت بسعر كويس الحمد لله
مش فاهم وجهة النظر معلش

هو الرفرف مش بيكون جاي لونه اسود ولا جاي بلون العربيه
طبعا جاي لونه اسود
فطبيعي انه يترش بلون العربيه من الداخل والخارج
الداخل اللي هو دواخل العربيه الجنب اللي فيه الرش الجديد

هو طبعا مش عيب جامد لكنه يعيب العربيه لو بتشتري عربيه قابريكه دواخل بالكامل

**WalidAdel** · 27-08-2011 06:44 AM

المشاركة الأصلية كتبت بواسطة maay93

طب انا باختصار معروض عليا سوبر صالون وفيها القصة دية ومش عارف اعمل اية خصوصا ان العربية حالتها كويسة وفابريكا معادا الرفرف دة وغطا الشنطة والاكصدامات كالعادة

طالب كام فيها و العداد اد ايه
و بعدين بيني و بينك اهم حاجه الحوض و ممكن تكون الخبطه معموله بطريقه نضيفه يعني دواخل مش ملعوب فيها جامد رفرف منفخ ولا حاجه او كارتيره شمال متكنش رحلت من الخبطه و مستعدلها مثلا الحصيره بتاعة الشنطه مش بايظه و مزرجنها و مظبتها من ناحية الشمال كده يعني و دا كله توكيل يقولك عليه تخش ورشة السمركه ب 300 جنيه هايجيبلك العربيه دواخل و خوارج و كله
و بعدين انا مش عارف ليه ارش رفرف من جوه اول مره اسمع عنها للامانه اصل مش هاستفيد حاجهمن رشه زي الرفرف الامامي هاستفاد ايه لما ارشه من جوه