بصراحه البلاك بيري عامل زي اللعبه وما فيش اي امكانيات غير الخدمه
فهل في حاجه زيه بس امكانيات مثلا htc او samsung اوغيره؟
بصراحه البلاك بيري عامل زي اللعبه وما فيش اي امكانيات غير الخدمه
فهل في حاجه زيه بس امكانيات مثلا htc او samsung اوغيره؟
لو عايز موبايل بنفس الامكانيات اللي بيقدمها الـ BlackBerry كاملة في كل شئ خاص بالبيزنس
مع امكانيات تانية كويسة جداا و سهولة في الاستخدام انصحك بنوكيا E72 لانه موبايل ممتااااااااز فعلاً...
لو عايز موبايل بامكانيات اعلى و شاشة تاتش و سوفت وير متطور و حديث, انصحك بـ HTC ,
Samsung , Sony Ericson... و لو اني افضل HTC عنهم و دي وجهة نظري...
بردو هيدولك كل امكانيات البلاك بيري بس بدون اشتراك شهري اجباري زي البلاك بيري و ده احسن طبعاً...
لكن الشئ الوحيد اللي مش هيكون موجود في اي موبايل غير البلاك بيري هو الـ BBM !!
بس ليه بديل و يعتبر مايفرقش عنه اطلاقاً و متوفر لكل انواع الموبايلات و هو الـ WhatsApp :))
بيعمل ايه بقا الواتس اب ده يا غازى عشان انا نزلته ومش شايفاله ميزة :)))
ده يا فندم ماسنجر زي بتاع البلاك بيري و زي الياهو و الهوت ميل بردو و معمول مخصوص
علشان ينافس الماسنجر بتاع البلاك بيري, و ليه سيرفر خاص زي البلاك بيري, لكن هو اسهل
و بدون اشتراك شهري, بس لازم تكوني متصلة بالانترنت طبعاً سواء WiFi او 3G...
طبعاً علشان تكوني على اتصال مع الناس لازم هما كمان يكون عندهم الـ WhatsApp بردو...
ده باختصار البرنامج و وظيفته و مميزاته :))
بس الفرق بين الـ Whats App و الـ BBM هو.......
في حالة الـ BBM
بتدفعي اشتراك البلاك بيري اجباري علشان تشغلي الخدمة و تستمر معاكي حتى لو مش هتستخدميها...
انما في حالة الـ WhatsApp
بتدفعي وقت ما تحتاجيه فقط, يعني بعتي او استقبلتي في يوم يبدأ يسحب من النت سواء
WiFi او 3G... في حالة الـ WiFi ببلااااااش... و الـ3G بجنيه واحد في اليوم 5 ميجا !!
و هو اصلاً مش بيسحب غير حاجات بسيطة جدااا, يعني يوم كامل مش هيكمل 500 كيلوبايت !!
لو حسبتيها بالورقه و القلم...
اشتراك البلاك بيري في الشهر 100 جنيه اجباري ( في اتصالات بـ50 جنيه بس )
لو WhatsApp و مع استخدام يومي يبقى في الشهر 30 جنيه بس و مش اجباري :))
و كمان ممكن يبقى ببلاش لو في WiFi في المكان اللي انتي فيه...
ضيفي على كل ده ان امكانيات البلاك بيري ضعيفة جداا قصاد اي موبايل تاني..
يبقى انهي احسن بقى ؟؟ :M_yes[1]: