السلام عليكم يا هونداويه
( المره دى مش هقول عصابه لانها مبقتش عصابه )
الصراحه انا بكتب الموضوع ده النهارده
و انا متضايق جدا
طبعا كلنا او معظمنا
ملاحظ ان قسم هوندا فى حاله من الركود و اللاتجديد
بقاله اكتر من شهرين و بتزيد
لا و الجديد بقى ان الاعضاء بتبقى موجوده و المواضيع معموله و نسبه المشاهداااات عاليه و نسبه الردود قليله جدا !!
طيب ليـــــــــــــــــه ؟!
محمد ممدوح حاول و عمل مسابقه يوميه علشان الناس تكتر و يبقى فى متابعه يوميه للقسم
و للاسف زهق و مكملش
الحركه دى بدات تضايق ناس كتير زى سمسم مثلا
سامح حاول اكثر من مره انه ينشط القسم مره بهدوء و مره يفقد اعصابه
زى رده فى المشاركات فى الموضوع ده
http://www.nilemotors.net/Nile/240419-20.html
و فى ناس زى
احمد امين
No Comment
مختفى من بعد اول 3 ايام فى رمضان
و محدش يعرف هو فين و ليه مبيدخلش !!

بصوا يا رجاله ان عارف ان فى اعضاء هنا مش فاضينلنا
وراها شغل و اطفال و بيت مفتوح ويومهم بيخلص مابين الشغل او نايم تعبان من كتر الشغل
و فى رمضان اليوم بيتبرجل اكتر ما بين شغل و فطار و تراويح و مسلسلات و سحور و فجر و نوم
و هكذا .......

طبعا ربنا معاكوا بس ايه المانع من ساعه على النت تعمل الحاجه اللى انت بتحبها و فى نفس الوقت ننشط القسم
و طبعا فى جزء زى حالااتى فى اجازه و لسه مش مرتبط لا ببيت ولا اطفال و دماغه رايقه
ففى جزء كبير من وقته فاضى
(و هما دول الناس اللى هتنشط القسم و هتخلى باقى العصابه تشارك )

ياريت كلامى اللى قلته فوق ده ميكونش زعل حد منى و اعتبروه عتاب من اخ اصغر ليكوا

عايزين نلاقى مشاركات اكتر من المشاهدات
و مواضيع جديده
و مقابلات


و اخر حاجه
عايزين كل اللى هيكتب مشاركه فى الموضوع ده
يكتب فى اخرها اقرار انه هيساعد ان القسم يرجع زى ما كااان
و يلتزم بيييه

سلام يا احسن عصابه فى المنتدى كله