-
اوبل كورسا 98
عصابة الاوبل
قدامي عربية اوبل كورسا 98
متسقطلها موتور 1400
فابريكة بالكامل ماعدا الكبوت
فرش الفابريكة بحالة ممتازة
تكييف يحتاج شحن
جنوط سبور وكاوتش جديد 15
عفشة ممتازة
تيل وطنابير جديدة
صيانات و سيور مجددة
باور
دي المواصفات اللي في الاعلان والعربية شكلها نضيف من الصور ومطلوب فيها 34.000 جنيه
انا عارف اني لازم اخدها توكيل واكشف عليها وعلي كمبيوتر الاعطال
سؤالي: هل العربيه كدة سعرها مناسب؟
-
باشا
الموتور المتسقط ده ميزه و عيب ... ميزه ان العربيه كده اشد ... عيب فى انه ده يقلل سعرها و فيه توكيلات ترفض تدخلها عندها ... و قطع غيار قليله عشان منزلش مصر و كمان العربيه ممكن تكون محتاجه حاجات تانيه ليه زى فرامل اشد مثلا ...
فابريكه بالكامل ده 100 100 بس لو الكابوت مرشوش بص على صدر العربيه و اتاكد انه مش مستعدل و لا مرشوش
تكييف محتاج شحن ديه زيها زى مفيش تكييف ... لو واثق اوى من تكييفه خليه يشحنه و استلمه شغال حتى لو هتدفع تمن الشحن
جنوط 15 ديه خربت مساعدين العربيه اللى انا شاريها ... الكتالوج بيقول 13 او 14 ملهاش 15
رايي انك ممكن تنزل بالسعر ل 32 او اقل
و خدها مقار و هما يفتولك و يقولولك اللى فيها بره الاعلان
-
اخدها مقار ايه بقي!!!!!!!!!!!!!!
دانتا قلت اللي مش حيقولوه في مقار :M_yes[1]:
تسلم يا باشا علي الشرح الوافي جدا وربنا يباركلك
-
يا باشا على ايه بس . ربنا يكرمك بس عن تجربه الكشف فى التوكيل قبل الشرا بيطلع المستخبى كله و تبقى انت و البايع على نور
-
الله ينور
هاعقب على كلمة محتاج شحن
الكلمة دى بقيت باسمعها كتير
طيب ما تشحن التكييف قبل ما تبيع
و هى ليه هربت شحن من اصله
يبقى فيه مشكله
و انت عايز تلبس الزبون العمه
و تشيل منه 150 جنيه بتوع الشحن يا استاذ
اللى يشترى عربية و يقوله عايزة شحن
يشيل منه 2000 جنيه
او يسلمه التكييف شغال
-
والله حتي انا اللي لسه جديد في موضوع شراء العربيات كلمة التكييف محتاج شحن دي قلقتني برضه.... يعني هو مكسل يشحنة مثلا؟
شكرا يا جماعة علي الشرح الجميل جدا وربنا يباركلكوا
-
-
معلش يا باشا هيا العربية دي لونها ايه ؟؟
انتا شوفتها اون لاين ؟
ممكن تفاصيل عنها
-
خلاص يا باشا شوفتها
هيا علي كونتاكت كارز
شكرا
-
فعلا التكييف عاوز شحن ده معناه أنه بايظ وأنا لبستها قبل كده
Content Relevant URLs by
vBSEO 3.6.0 PL2