جميع موديلات فولفو الحالية الحالية

**samoevil911** · 05-05-2009 04:26 PM

بس شكا ال c70 حلو اوي مش وعلي ما اظن مش شكل عربية بقالها 9 سنين
ثانيا دي لو حبيت اجيبها الاقي منها ؟؟؟

**rabbat5** · 15-05-2009 04:56 AM

المشاركة الأصلية كتبت بواسطة hanyboudy

سعر الفولفو يا جماعة كالاتى

c30 185000

s40 200000-235000 حسب التجهيزات

v50 225000

طبعا واضح من صور شاركى ان الفولفو اخر شياكة

نيجى نقارن بقى الاسعار

الفولفو ينفع نقارنها بمين

BMW Mercedes Benz Audi

ينفع حد تانى لا مينفعش

لا ليه لانها ارخص من دول كلهم يبقى فين ارتفاع الاسعار

طيب تعالو نقارن s40 بمثلا ال Passat

اكيد الفولفو احسن

يعنى ادفع 235000 فى s40 high line

ولا ادفع 225000 فى passat

ادفع 185000 فى احلى كوبية C30

ولا ادفع فى BMW 116 اللى شبه البولو 225000

قطع الغيار

باختصار سريع جدا

كل قطع غيار S40 ارخص من كل قطع غيار الباسات و الاوكتافيا

نيجى لان التوكيل غالى

احنا بنسمع بس حد يروح التوكيل ويسال عشان يبقى الكلام عملى

بالنسبة للوكيل الجديد

كل اللى اقدر اقوله ان لسه محصلش ومينفعش ادافع عن الوكيل الحالى لانى شغال فيه وصعب اكون محايد انا دافعت بس عن العربيه واسعارها وقارنت مقارنة ظالمة للفولفو ورغم كده هيا كسبتها

بس خلاص ايدى واجعتنى من الكتابة

هاني باشا ممكن لو تكرمت تعرفني انا و كل محبين الفولفو تدينا فكرة يعني عن أسعار قطع غيار ال 940 ؟ يعني مثلا سعر القطع الميكانيكية الأصلية زي علبة الدركسيون و القطمة و حاجات العفشة و الكاوتشات زي الجوانات و كده و التيل و الطنابير يا ترى ممكن تعرفنا أسعار الجديد الأصلي سواء فى التوكيل أو بره؟

**Sameh** · 16-05-2009 05:33 AM

هو ميين التوكيل الجديد ؟

**eng.octooo** · 17-09-2009 09:48 PM

اسم الشركة انا باحترمة جدا وبيحسسنى بالاتقان والجودة

**Ayman_52** · 30-11-2009 06:07 AM

يارب تنتشر مع توكيلهــا الجديد ... ويكون سنه 2010 سنه انتشار ليها فى مصر - ان شاء الله -

شكـــرا عالموضوع الجامد

تحيـــــــــاتـــى

**yehia** · 30-11-2009 07:37 AM

المشاركة الأصلية كتبت بواسطة ayman_52

يارب تنتشر مع توكيلهــا الجديد ... ويكون سنه 2010 سنه انتشار ليها فى مصر - ان شاء الله -

شكـــرا عالموضوع الجامد

تحيـــــــــاتـــى

يا جماعة في نقطة مهمة لازم نوضحها ...

مفيش وكيل جديد للفولفو في مصر...

وكيلها كان ولا يزال هو شركة الكويت والبلاد العربية ....

الموضوع ان من حوالي سنة كان ميعاد تجديد عقد الوكالة بينه وبين الشركة الأم .... ووقتها طرحت بعض الأسماء والتخمينات بأنه ممكن يحل وكيل جديد بدلا من القائم على أساس انه مموت العربية في مصر ومش عاملها دعاية ولا تسويق كفاية - ودي حقيقة على فكرة - ... وفي الوقت ده كان من بين الأسماء اللي طرحت نفسها غبور ... وكان كمان عايز يعمل خط تجميع للفولفو في مصر .... لكن الشركة الأم انتهت إلى تجديد الوكالة مع نفس الوكيل وخلص الموضوع على كده .....

وعليه ..... الوكيل الحالي هو هو بتاع زمان ومفيش تغيير ......

**Ayman_52** · 30-11-2009 08:54 AM

المشاركة الأصلية كتبت بواسطة yehia

يا جماعة في نقطة مهمة لازم نوضحها ...

مفيش وكيل جديد للفولفو في مصر...

وكيلها كان ولا يزال هو شركة الكويت والبلاد العربية ....

الموضوع ان من حوالي سنة كان ميعاد تجديد عقد الوكالة بينه وبين الشركة الأم .... ووقتها طرحت بعض الأسماء والتخمينات بأنه ممكن يحل وكيل جديد بدلا من القائم على أساس انه مموت العربية في مصر ومش عاملها دعاية ولا تسويق كفاية - ودي حقيقة على فكرة - ... وفي الوقت ده كان من بين الأسماء اللي طرحت نفسها غبور ... وكان كمان عايز يعمل خط تجميع للفولفو في مصر .... لكن الشركة الأم انتهت إلى تجديد الوكالة مع نفس الوكيل وخلص الموضوع على كده .....

وعليه ..... الوكيل الحالي هو هو بتاع زمان ومفيش تغيير ......

هو اللى انا اعرفه ...
ان فى حاليــا توكيل جديد لفولفو ... وشاغلين كمان فى الــ show room بتاعة فولفو ... عشان على اول السنه هيكون الافتتاح بتاعها

عالعموم انا باردوا هتاكد من معلوماتى تانى ...
ممكن يكون الوكيل الجديد دا داخل شراكه مع التوكيل القديم ... او اكون انا فهمت غلــط

تحيــــــــــــاتــــى

**gomangy** · 02-12-2009 11:36 AM

الله ينور يا باشا
الفولفو ماركة محترمة جدا بس للأسف ملهاش نصيب في المحروسة

**hanyboudy** · 02-12-2009 11:38 AM

أيمن باشا تحليلك صح بس هوا مش داخل شراكة اوى بس عموما الاتفاق تم بتراضى الاطراف كلها

**Ayman_52** · 03-12-2009 06:35 AM

المشاركة الأصلية كتبت بواسطة hanyboudy

أيمن باشا تحليلك صح بس هوا مش داخل شراكة اوى بس عموما الاتفاق تم بتراضى الاطراف كلها

تمــام كده ...

بس اهم حاجه انهـا تنتشــر لانهـا فعلا عربيـه حلوه

تحيــــــــــاتـــى

الموضوع: جميع موديلات فولفو الحالية الحالية

LinkBack

أدوات الموضوع

عرض

-

-

-

-

-

-

-

المواضيع المتشابهه

أسعار جميع موديلات bmw الحالية

جميع موديلات أودى الحالية

جميع موديلات BMW الحالية

جميع موديلات فيات الحالية

الكلمات الدلالية لهذا الموضوع

المفضلات

المفضلات

ضوابط المشاركة