مشكلة فى الإنذار يارب ألاقى حل

**ggaamm** · 25-08-2011 04:06 AM

بسم الله الرحمن الرحيم
السلام عليكم ورحمة الله وبركاته

ياجماعة أنا أشتريت جهاز سباى x-series ومطلع عينى !!!!

فممكن لو سمحتوا طريقة تركيب انذار سباى على السنتر
لأنى بعد ماركبت الجهاز بقيت ادوس على زرار القفل يقفل ادوس تانى يفتح ونفس الحكاية مع الزرار اللى بيفتح !!

خلاصة الكلام اى زرار يفتح .. أى زرار يقفل ,,,,
وبصراحة خنقانى لأنى مببقاش عارف أنا كده قافل العربية ولا فاتحها !!!

وكمان فيه حاجة الكهربائى مركبلى الإنذار على السنتر القديم فهل ده عادى ؟؟

طيب انا لقيت فى الكتالوج رسمة لصوابع السنتر وطريقى تركيبها على الجهاز بس أنا مش فاهمها
فهل ممكن اشيل السنتر ويبقى الإنذار يشتغل سنتر عادى من غير الجهاز القديم

منتظر المساعدة .. وشكراً

**magyver** · 25-08-2011 04:54 AM

طيب والكرهبااائي قالك اية
ممكن يكون الانذار كدة

**ggaamm** · 25-08-2011 05:12 AM

قلتله فضل يقلب ويعدل راح قلى هو كده !!!
سألت واحد معرفوش معاه نفس الجهاز بالصدفة كده قالى لأ عادى مظبوطة عندى !!

روحت انا فكيت الإنذار ووصلت توصيلة مختلفة كده أتظبط بس النور بتاع الصلون بقى يضعف لما ادوس للفتح و القفل وفى الآخر الفيوز ضرب بس ده بعد فترة !!
روحت قلت كده اكيد غلط فرجعته زى ماكان عشان كده سألت هل هو لازمله سنتر ولا مش شرط ممكن يكون فيه سنتر

**ggaamm** · 26-08-2011 04:37 AM

وعلى فكرة أنا السنتر بتاعى القديم كان سباى بارضو

طيب يريت لو حد بس يجبلى طريقة التوصيل عالسنتر أو حتى يفسرلى الرموز اللى فى الكتالوج دى
هههههههههههه

**ahmed_su** · 26-08-2011 06:39 PM

ضيف صورة الكتالوج وانا افسرهولك ان شاء الله

**LORD.ADeL** · 27-08-2011 01:00 PM

بعد اذن صاحب الموضوع
ددلوقتى مركب عندي انذار للاسف نسيت نوعه ((: لانه راكب من اربع سنين
دلوقتى هوا معلق اقفل من روموت يروح ناطر تانى وفاتح وهكذا ولازم اقفل عربيه بالمفتاح غير ان حساس العربي بقا ضعيف يعنى لازم خبطه باليد جمدة علشان تعمل صوت غير الاول لو عجله مشيت جنبها كانت تعمل صوت ع طول
رحت لراجل بتاع كوالين قالي دول مكانتين اللى فى باببين اللى اودام باضو ولازم يتغيرو بكام ياعم قالي الاتتين ب50 ج غير طبعا مصنعيه فا اجبهم واغيرهم ولا اجيب سنتر لوحدة واذا هجيب سنتر جديد لوحدة
افضل جهاز سنتر ايه لوحدة وبكام واسف على الاطاله يا رجاله

**ggaamm** · 28-08-2011 08:26 PM

ياجماعة يريت حد يفسرلى الكتالوج لو سمحتوا

انا عاوز اعرف هو ايه ال NC و Com و No

**mmtronic** · 29-08-2011 11:34 PM

المشاركة الأصلية كتبت بواسطة ggaamm

ياجماعة يريت حد يفسرلى الكتالوج لو سمحتوا

انا عاوز اعرف هو ايه ال NC و Com و No

كل سنة و انت طيب

NC معناها not connected و الطرف دة لا يتم توصيلة بشىء زى ما هوة واضح من الـدائرة

com معناها common او الطرف المشترك و دة الى بتخرج من الاشارة للفتح او للغلق

No و دة الطرف الى بتوصل بالارضى او +12 فولت حسب طبيعة ما الجهاز يتركب

نصيحتى بلاش تلعب انت احسن تطير القرب بتاعة السنتر او تطير الكتاوات - روح لواحد فاهم يظبطهولك و حتى لو حتدفع زيادة شوية بس تخلص احسن الكهربائية و الصنايعية دول ممكن يدخلوك فى الف سكة و سكة و فى الاخر تلاقى نفسك خسران

ربنا معاك و طمنا عليك

**ggaamm** · 03-09-2011 06:59 AM

المشاركة الأصلية كتبت بواسطة mmtronic

كل سنة و انت طيب

nc معناها not connected و الطرف دة لا يتم توصيلة بشىء زى ما هوة واضح من الـدائرة

com معناها common او الطرف المشترك و دة الى بتخرج من الاشارة للفتح او للغلق

no و دة الطرف الى بتوصل بالارضى او +12 فولت حسب طبيعة ما الجهاز يتركب

نصيحتى بلاش تلعب انت احسن تطير القرب بتاعة السنتر او تطير الكتاوات - روح لواحد فاهم يظبطهولك و حتى لو حتدفع زيادة شوية بس تخلص احسن الكهربائية و الصنايعية دول ممكن يدخلوك فى الف سكة و سكة و فى الاخر تلاقى نفسك خسران

ربنا معاك و طمنا عليك

ألف شكر ليك ياباشا بجد أنت هتحللى مشكلة جامدة
أنا بصيت على التركيب لقيته متركب زى الكتالوج بس فيه واصلة واحدة متغيرة وهى البرتقالى
هو قايل كت بس انا موصله

على العموم هجرب تانى ... ولو منفعش هاخد بالنصيحة :))
شكراً ليك مرة تانى ومعلش تعبتك