الموضوع: بالصور بورش 911 الجديدة-ونظام جديد لزيادة ثبات السيارة

المشاركة الأصلية كتبت بواسطة shaddadfalcon1

انا بحب العربيات دي قوي بس مش عارف ليه 6 سيلندر
يعني ايه المشكله انهم يخلوها 8 سيلندر علي الأقل عشان الصوت يبقي جامد

يعني من احد التعليقات لجيرمي كلاركسون علي الجي تي ار هي الصوت - العربيه ملهاش صوت غير لما تقرص جامد عليها عشان 6 سيلندر

بجد مش هاضم خالص ان سوبر كار تبقي 6 سيلندر ده غير اني بحس انها بتجيب كل اللي عندها لحد ال 200 وبعد كده اي عربيه سريعه ممكن تعلم عليها ببساطه

المشاركة الأصلية كتبت بواسطة mbhead

يا فندم البورش عربية مختلفة جدا
ال911 من 63 نفس التصميم و دا دليل علي عراقة العربية ....نفس الفكرة في المرسيدس كل الموديلات نفس الشبكة و الكاديلاك معظم الموديلات الفوانيس اللي وارا واقفه و الفيراري الفوانيس اللي وراه مدوره ......و اللي تزيد عن البورش الaston martin اختلافات لا تذكر في الموديلات بتحتاج خبير في الماركة عشان يعرف الفروقات ...دا دليل علي العراقة
, هيا العربية الوحيده اللي لسه بتعمل موتور flat ..6 سلندر و لحد 1998 البورش كانت تبريد هواء ......rear engine طبعا ان الموتور يبقي ورا بيزيد الثبات لان مركز الجاذبية بيبقي في اخر العربية بتدخل الملفات علي سرعات خرافية
هو ليه يحط 8سلندر و بيعرف يطلع من موتور 6 سلندر 400 حصان واكتر كان في موديلات كان فيها v8 زي ال928 ..اما ال911 ...ال911 رائعة رائعة انا سقت ال964 carrera 2 ايه الجمال دا...عربية ساحرة ووووووووووووحش فعلا مع اني مش بحب الجري بس لو ركبت العربية دي .....انا حموت بسببها

+111111
من اهم اهداف بورش انهم يحافظوا علي التصميم الاصلي بتاع فري بورش زي ما هو و كل التعديلات بتبقي مجرد تطوير ليه بما في ذلك التصميم و المتور
و هما بالفعل عندهم متور 8 سلندر اللي بينزل في الكايين و البانيميرا و هو اصلا نفس الهورس باور بتاع ال 6 سلندر ده غير انه اتقل بكتير من ال 6 سلندر فاكيد هياثر بالسلب علي الاداء

و بالمناسبه وضعيه المحرك الخلفيه ده مش بتزود الثبات ده بالعكس كان ماثر عليه و بشده و الموديلات القديمه من ال 911 كانت بتعاني من اندير ستير عالي جدا لكن بورش مستريحوش الا لما عالجوا المشكله ده بالتكنولوجيا و دلوقتي بقت ال 911 المعيار في الثبات و الاداء

المشاركة الأصلية كتبت بواسطة shaddadfalcon1

بس برده ال 6 سيلندر مش بيقدر يوصل لسرعات عاليه زي ال 8 وال 10 وال 12 سيلندر

تحسها اكتر في ال جي تي ار - اهي 530 حصان بس بعد ال 200 بتبقي بطئيه مقارنة بالعربيات التانيه واعتقد نفس الكلام بيطبق علي ال 911 لانهم بيحاولو يستغلو قوة العربيه كلها في الأول عشان تجيب من 0 الي 100 في اقل زمن ولان ده اللي هيفرق في التراك لان بعد ال 200 مش مهم قوي في التراك لان مفيش حد هيمشي علي 300 مثلا في التراك

بالعكس المتور ده قادر علي الوصول لسرعات عاليه ومش بالصعوبه اللي انت متخيلها و السبب في ده الايرودينامكس
و عموما ال 911 تعتبر عربيه سبور مش سوبر كار.فمش محتاجه المواتير الكبيره ده و السوبر كار بتاعت بورش الي هي الكاريرا جي تي كانت بتنزل بمتور 10 سلندر