مين عفشته انعم (النترا 2012 -لانوس)

**shaddadfalcon1** · 25-08-2011 10:59 PM

طالما فيها جواز يبقي الجواز اولي ولو حصلت تبيع اللانوس كمان عشات تتجوز يبقي بيعها ولما ربنا يكرمك هات اللي احسن منها

**Screenplays** · 26-08-2011 01:47 AM

المشاركة الأصلية كتبت بواسطة mohamed_berlitz

كلامك مريح جدا جدا جدا شكرا ليك , انا فعلا الموضوع دة ممكن يأجل فرصتى للجواز 3 سنين قدام مع العلم انى فى الثلاثنيات دلوقتى

بلاش جواز بلا نيله اشتري العربيه اللي نفسك فيها و عيش حياتك

المشاركة الأصلية كتبت بواسطة mohamed_berlitz

انا عارف انة اهتمام غريب شويتين
بس طبعا دة علشان اكيد فى سبب يا باشا
عندى مشكله فى اذنى وبالتالى بيفرق معايا صوت العربية اللى بتلازمنى اكتر من اى حد

1000 سلامه علي حضرتك و انا برضه بعاني مع مشكله في وداني

**memo823000** · 26-08-2011 06:16 AM

المشاركة الأصلية كتبت بواسطة mohamed_berlitz

كلامك مريح جدا جدا جدا شكرا ليك , انا فعلا الموضوع دة ممكن يأجل فرصتى للجواز 3 سنين قدام مع العلم انى فى الثلاثنيات دلوقتى

ربنا يكرمك ويرزقك الزوجه الصالحه اللى بجد تخليك اسعد واحد (واهم حاجه الدين)
طبعا الجواز ثم الجواز ثم الجواز
وحاول بقدر المستطاع انك تصلى استخاره وتتوكل على الله وتتزوج وتعف نفسك لان فوق الثلاتين كتير هتلحق تستمتع امتى ياراجل
وكمان تحتفظ بالانوس لان العربيه مهمة جدا جدا جدا عشان تحمى نفسك وبيتك بلا النترا بلا بطيخ قصاد الجواز
وعلى فكره الالنترا من غير النص الحلو كانها 127 من غير بيبان .......تخيل
ويلا شد حيلك عشان اعضاء قسم هيونداى وكيا وشيفورليه وتويوتا و............... وباقى اعضاء نايل موتورز الكرام بس معزومين على فرحك
والله المستعان

**egyptiandiver** · 26-08-2011 07:42 AM

نوع الكاوتش هو البيفرق فى موضوع الصوت على الطريق.

**egyptiandiver** · 26-08-2011 07:50 AM

الكاوتش سبب أساسي في الصوت العالي بتاع العربية, و في كمان إضافة بتتحط في الموتور بتاع العربية بتخليه أنعم و د برد ممكن يقلل من صوت المحرك. بالتوفيق إنشاء الله فالعربية و الاهم مع الاسرة السعيدة إن شاء الله.

**graffittiii** · 26-08-2011 08:12 AM

المشاركة الأصلية كتبت بواسطة memo823000

وعلى فكره الالنترا من غير النص الحلو كانها 127 من غير بيبان .......تخيل
والله المستعان

ههههههههههههههههههههههههه ه
بجد الله يباركلك أنت هتسيبلنا خلفية كويسة عن الجواز ...
بس خلي بالك أن أحنا هناخد كلامك ثقة أوعي تكون بتدبسنا وتطلع ف الأخر ال 127 من غير بيبان أحسن من بوجاتي مع النص الحلو ...

**memo823000** · 26-08-2011 04:11 PM

المشاركة الأصلية كتبت بواسطة taiwo

ههههههههههههههههههههههههه ه
بجد الله يباركلك أنت هتسيبلنا خلفية كويسة عن الجواز ...
بس خلي بالك أن أحنا هناخد كلامك ثقة أوعي تكون بتدبسنا وتطلع ف الأخر ال 127 من غير بيبان أحسن من بوجاتي مع النص الحلو ...

ههههههههههههههههههههههههه هههه
انا مشبجيب كلام من عندى
دا الرسول صلى الله عليه وسلم هو اللى قال
خير متاع الدنيا الزوجه الصالحة

بس لازم يتوفر الشرط عشان تعيش اسعد ايام العمر
الزوجه الصالحه
يعنى تاخد واحده مؤدبه من عيلة عندها اصل
وهى هتصون العشره
بس لازم تحبها برده وتعاملها بحنيه وبما يرضى الله
مش تخنقها وتكرهها فى عيشيتها

**حماده المصري** · 26-08-2011 08:18 PM

اتجوز طبعا
وفكك بلا النترا بلا وجع دماغ اساسا انت هتلاقي مصاريفها ضعف مصاريف الانوس لانك اكيد هتغير تيل فرامل زيوت فلاتر الى اخره

الانوس عربيه ممتازه وانت في الوقت ده اتجوز ولو الانوس قرفتك بيعها وهات لانوس تانيه مفرقتش 5 جنيه على بعض من ال 2000 لل 2005

**beshomilan** · 26-08-2011 11:55 PM

اقولك على حل عملى جامد
شغل الكاسيت وعليه ومش هتسمع اى حاجة فى الطريق
او اقفل الازاز وشغل تكييفك وشغل الكاسيت وعليه واضمنلك انك مش هتسمع اى صوت فى العربية
انا بعمل كده دايما ولو العربية مولعة من ورا ولا بهتم..ياكش تولع :)
بس الجواز..واسفاه..على الاقل هتسمع صوت الطريق مده صغيرة فى اليوم بس وانت سايق انما لما تتجوز هتسمعه علطول بس مش هيكون طريق بس..لا..عاصفة الصحراء :d

**mahmoud_afifi** · 27-08-2011 12:37 AM

مش شرط انك تجيب كاوتش silent يبقى تدفع مبلغ كبير.
حضرتك انا لسه مغير الكاوتش بنوع اسمه Kelly HP ده اوروبي وعلى حسب كلام البياع من نفس شركة good year.
صوته مش مسموع وكل الي بسمعه دلوقتي هو صوت المحرك وكمان أداءه في الغرز حلو وفي الفرمله.
ال4 فرد ب1720 والعربيه بقت ناعمه ومفيش صوت الحمدلله.

على العموم ربنا يوفقك ان شاء الله