انا ناوى اجيب انشاء الله النترا 2012 بس عندى اهم حاجة صوت الكاوتش على الطريق يكون واطى وفى المطبات تكون ناعمة
اية رأيكوا بقى دلوقتى
احتفظ بعربيتى الانوس ولا اجيب النترا 2012 وانا وحظى بقى فى دوشة العجل ونشوفيت العفشة
عرض للطباعة
انا ناوى اجيب انشاء الله النترا 2012 بس عندى اهم حاجة صوت الكاوتش على الطريق يكون واطى وفى المطبات تكون ناعمة
اية رأيكوا بقى دلوقتى
احتفظ بعربيتى الانوس ولا اجيب النترا 2012 وانا وحظى بقى فى دوشة العجل ونشوفيت العفشة
لو اللانوس مريحاك ومفيهاش مشاكل يبقي بلاش جديد وفرق الفلوس اعملك بيه مصلحه
+11
نفس الرأى واعتقد نوع الكاوتش هو البيفرق فى موضوع الصوت على الطريق
لان انا معايا هيونداى النترا الشكل القديم 2011 ونويت اغير الكاوتش بسبب الموضوع دة بنوع
brigestone turanza super silent gr90
اعتقد 2200 جنيه مش كتير انك تريح نفسك من موضوع صوت الكاوتش وهبد المطبات
اولا مفيش وجه للمقارنه
لا تسارع ولا راحة ووسع صالون ولا تكييف ولا راحة سواقه ولا اى حاجه
بالنسبه للكوتش لو هتجيب الالنترا وهيا لسه وقفه من غير متتحرك روح لبتاع بريدجستون خليه يجبلك 4 فرد يابانى محترمين (بجملة المصاريف) وانت نعوميه العفشه وهدوء السواقه هيفرق معاك جامد جدا
طبعا الحاله اللى فاتت لو ربنا فاتحها عليك والمبلغ مش هيضلعك وعايز تريح نفسك
اما بقى لو الكاش يادوب وتتزنق و الانوس انت مرتاح فيها ومش قرفاك فانا مع راى الناس وفرهم احسن محدش عارف بكره فيه ايه
والله المستعان
يعني موضوع العفشه هو اللي فرق مع حضرتك ؟ اصل حضرتك بتقارن عربيتين مينفعوش يتقارنوا اصلا و غالبا اللانوس انعم زيها زي الفيرنا
غريبه أوي المقارنه دي
نسيت كـــــــــــــــل حاجه وأفتكرت صوت الكاوتش:mmm:
طالما فيها جواز يبقي الجواز اولي ولو حصلت تبيع اللانوس كمان عشات تتجوز يبقي بيعها ولما ربنا يكرمك هات اللي احسن منها
ربنا يكرمك ويرزقك الزوجه الصالحه اللى بجد تخليك اسعد واحد (واهم حاجه الدين)
طبعا الجواز ثم الجواز ثم الجواز
وحاول بقدر المستطاع انك تصلى استخاره وتتوكل على الله وتتزوج وتعف نفسك لان فوق الثلاتين كتير هتلحق تستمتع امتى ياراجل
وكمان تحتفظ بالانوس لان العربيه مهمة جدا جدا جدا عشان تحمى نفسك وبيتك بلا النترا بلا بطيخ قصاد الجواز
وعلى فكره الالنترا من غير النص الحلو كانها 127 من غير بيبان .......تخيل
ويلا شد حيلك عشان اعضاء قسم هيونداى وكيا وشيفورليه وتويوتا و............... وباقى اعضاء نايل موتورز الكرام بس معزومين على فرحك
والله المستعان
نوع الكاوتش هو البيفرق فى موضوع الصوت على الطريق.
الكاوتش سبب أساسي في الصوت العالي بتاع العربية, و في كمان إضافة بتتحط في الموتور بتاع العربية بتخليه أنعم و د برد ممكن يقلل من صوت المحرك. بالتوفيق إنشاء الله فالعربية و الاهم مع الاسرة السعيدة إن شاء الله.
ههههههههههههههههههههههههه هههه
انا مشبجيب كلام من عندى
دا الرسول صلى الله عليه وسلم هو اللى قال
خير متاع الدنيا الزوجه الصالحة
بس لازم يتوفر الشرط عشان تعيش اسعد ايام العمر
الزوجه الصالحه
يعنى تاخد واحده مؤدبه من عيلة عندها اصل
وهى هتصون العشره
بس لازم تحبها برده وتعاملها بحنيه وبما يرضى الله
مش تخنقها وتكرهها فى عيشيتها
اتجوز طبعا
وفكك بلا النترا بلا وجع دماغ اساسا انت هتلاقي مصاريفها ضعف مصاريف الانوس لانك اكيد هتغير تيل فرامل زيوت فلاتر الى اخره
الانوس عربيه ممتازه وانت في الوقت ده اتجوز ولو الانوس قرفتك بيعها وهات لانوس تانيه مفرقتش 5 جنيه على بعض من ال 2000 لل 2005
اقولك على حل عملى جامد
شغل الكاسيت وعليه ومش هتسمع اى حاجة فى الطريق
او اقفل الازاز وشغل تكييفك وشغل الكاسيت وعليه واضمنلك انك مش هتسمع اى صوت فى العربية
انا بعمل كده دايما ولو العربية مولعة من ورا ولا بهتم..ياكش تولع :)
بس الجواز..واسفاه..على الاقل هتسمع صوت الطريق مده صغيرة فى اليوم بس وانت سايق انما لما تتجوز هتسمعه علطول بس مش هيكون طريق بس..لا..عاصفة الصحراء :d
مش شرط انك تجيب كاوتش silent يبقى تدفع مبلغ كبير.
حضرتك انا لسه مغير الكاوتش بنوع اسمه Kelly HP ده اوروبي وعلى حسب كلام البياع من نفس شركة good year.
صوته مش مسموع وكل الي بسمعه دلوقتي هو صوت المحرك وكمان أداءه في الغرز حلو وفي الفرمله.
ال4 فرد ب1720 والعربيه بقت ناعمه ومفيش صوت الحمدلله.
على العموم ربنا يوفقك ان شاء الله