معقول محدش راح يتفرج على العربية ديه يا جماعة
عايزين صور عالطبيعة و مواصفات مظبوطة
عرض للطباعة
معقول محدش راح يتفرج على العربية ديه يا جماعة
عايزين صور عالطبيعة و مواصفات مظبوطة
الميجان الجديدة بجد عربية ممتازة جدا ، و خسارة إنك مش عارف تجيب الفل أبوشنز منها لإن الفل منها روعة بجد ... إذا كانت الميجان 2006 أنا كنت على الـ 170 على الكيرفات البسيطة على الطريق السريعة زي الدولي الساحلي مثلا بكون حاطط في بطني بطيخة صيفي ، و سحبها معايا كان عال العال بصراحه عمرها ما قصرت رقبتي يعني .. يبقى أكيد الجديده كمان هتكون أحسن كمان ، و اللي قريته من الاختبارات بتاعتها و كده إنها فعلا ممتازة .. الإيبيزا ممتازه جدا جدا برضه .. فعلا هتكون مشكلتك بس في قطع الغيار أغلى شوية من الرينو و كمان موضوع البنزين اللي مازالنا قلقانين منه ده .. ده غير إن الرينو من جوه أجمل من الإيبيزا.
فعلا انا سألت فى توكيل سيات .. بينصحوا بنزين 95 لأول 1000 كم .. وبعد كدة 92 عادى .. وممكن كمان 95 كل 10000 كم (يعنى كل صيانة) ..
بصراحة انا بعد التدقيق و التمحيص قررت أجيب ميجان III .. بسبب وسع الصالون الداخلى و شكل التابلوه .. وطبعا هضطر اجيب الفئة التانية لان الفرق فى الاوبشنز مش قليل ( جنوط - تكييف تاتش - سمارت كارد - مثبت و محدد سرعة - مرايات ضم ) .. بس ده مايمنعش ان الابيزا عربية هايلة برضه .. وشكرا لكل الناس اللى ردت و ساهمت فى الموضوع .. ممكن ابقى أديكوا لفة بالعربية ( ده بعينكوا طبعا :dontudear: )