لو حساس شكمان هتلاقى العربيه ملخبطه معظم الوقت و استهلاك البنزين عالى جدا
على فكره بلف الايدل لو فيه حاجه عمره ما يظهر على جهاز كشف الاعطال لانه بلف مش حساس
عشان تكشف على بلف الايدل تعمل الاتى
هتفك فيشه الايدل و تفك البلف من الثروتل و تخلى بالك فيه اولسيل اوعى يضيع
تركب فيشه الايدل تانى
تخلى حد يوصل كهربا من الكونتاكت بس مايدورش المارش و فى نفس الوقت تكون انت ماسك بلف الايدل بايدك و باصص عليه
لو لقيت البلف بيطلع لبره و يدخل لجوه يبقى سليم
لو ماتحركش يبقى بايظ او مش واصل له سجنال
طيب نعرف ازاى؟
توصله على فيشه عربيه سليمه و شوفه هيتحرك ولا لآ, او تجرب بلف تانى شغال على الفيشه بتاعه عربيتك و ساعتها هتعرف اذا كان البلف شغال ولا مش واصل له سجنال
ده بلف ايدل بتاع لانسر و الجزء اللى عليه احمر هو اللى بيتحرك لجوه و بره
http://www.nileup.com//uploads/image...89ac4787e2.jpg