السلام عليكم و رحمه الله و بركاته
كل عام و انتم بخير
انا بأذن الله كتب كتابى يوم 29 رمضان و عقبالكم :M_yes[1]:
حبيت اسمع من المتزوجين نوادرهم و ذكرياتهم يوم كتب الكتاب خصوصا مع المأذون و اهل العروسة:affection:
.
عرض للطباعة
السلام عليكم و رحمه الله و بركاته
كل عام و انتم بخير
انا بأذن الله كتب كتابى يوم 29 رمضان و عقبالكم :M_yes[1]:
حبيت اسمع من المتزوجين نوادرهم و ذكرياتهم يوم كتب الكتاب خصوصا مع المأذون و اهل العروسة:affection:
.
اشمعنى اهل العروسة بقا :))))))))
كان موقف بايخ جدا
انا عملت كتب الكتاب في البيت عندهم لظروف خاصه ورحت انا ووالدي وعمي والماذون وانا مراتي منتقبه وخاطب 6 شهور نفسي اشوفها بقي وكان في ناس كتيير من طرف العروسه وهما ناس طيبين وعلي نياتهم شويه وفضلو قاعدين من الساعه 7 لحد الساعه 9 مفيش واحد عايز يقولي اتفضل قوم ولا يدخلني جوه عند خطيبتي ولا اي حاجه خالص وفضل كام واحد لازقين ليا ومش عايزين يتحركو لدرجة انا حمايا ساب البيت خالص عشان يحسو علي دمهم ويمشو ودوول ابدا
فيييييييييييييييييييين وفين لما حمايا رجع تاني لقاني لسه قاعد مكاني قام مزعق لابنه وبعدين ابنه دخل جوه وندهني ويومها دخلت فيهم شمال وانهم ازاي يعملو كده ودوول ناس كبيره والمفروض يفهمو الحاجات دي ومن يوميها لو في حد عندهم بسلم عليهم واتعامل مع نفسي علي طول
الموقف الكوميدي بقي يوم كتب كتاب اختي الصغير كل مابص لجوز اختي اقوله يامغفل وهو يضحك ويقولي ليه بس كده قلتله بكره تعرف
بعد الفرح باسبوع عزمته بره علي خروجه حلوه وبعدين قولتله عرفت انت مغفل ليه قام فطسان علي روحه من الضحك وقالي عرفت
يووووووه لازم تفكرنى
حمايا كان حيبوظ الجوازه
المأزون مصمم ان العروسه تيجى تقعد على نفس الترابيزه اللى بيكتبو عليها الكتاب وخصوصا عشان يتأكد من الصور والبيانات
وحمايا دماغه صعيدى ومصمم العروسه متقعدش
وده مصمم وده مصمم وكلمه منه وكلمه من المأزون راح حمايا قايله طب بلاها بقا متكتبش حاجه هههههههههههههههههههههه
وبيتكلم بجد وكانت الجوازه حتبوظ
بس الموضوع خلص ان العروسه مجاتش تقعد برضه ههههههههههههههه
هههههههههههههههه ربنا يستر
كتب الكتاب اللي تابعته كان كتب كتاب اخويا ماما كانت جيبة منديل مكتوب عليه حروف الاسم
بمية دهب...والمأذون مصمم ياخد المنديل وماما مصصمة انه مياخدش المنديل...وطبعا محدش كان حاسس انه كل الفضايح دي طالعة فلفيديو
طب انا الحمد لله كتب كتابى النهارده يا رجاله ادعولى بقى
طب انا مش فاهم المأذون عايز ياخد المنديل ليه اصلا
ربنا يخليكى و عقبال كل الى حضرتك بتحبيهم
عقبالكم جميعا وعقبالك يا باشا صاحب الموضوع لحظه حلوه اوى بس انا كنت مخطوف
حصل انى رحت متأخر اخر واحد كان شكلى وحش :_Alshmokh11:
بالنسبه لموضوع المنديل المأذون واخده اكيد عشان يبقى معاه لحد تانى هيتجوز انا نسيت المنديل خالص وامبارح افتكرناه لما المأذون قال لوالدى وطبعا مش موجود بس الحمد لله جبنا واحد فى اخر لحظه بس زوجتى :8_8_13:كنت هقول خطيبتى :_Alshmokh11: شكلى استعجلت يا رداله :_Alshmokh11: المهم الحمد لله على كل شىء هههه خدت المنديل وقال ايه تحتفظ بيه :fun_broken:انا بصراحه كنت عايز ارجعه :_Alshmokh11:
اكتر موقف بايخ او مش بايخ ولامونى عليه انه لما خلصت مع المأذون المفروض تسلم على العروسة اول واحده وتباركلها بس انا طبعا ما اعرفش او ماخدتش بالى :fun_broken:قالولى انها زعلت فابقى خد بالك
وربنا يسعد ايامكم جميعا
الف مبروك للاستاذ الزميل صاحب الموضوع وربنا يتمم لك على خير ان شاء الله
الف مبروك وان شاء الله ربنا يتمملك فى الخير
انا بقى ياسيدى علشان اتجوزت بره مصر :lovlie02[1]: طلبوا منى شهادة تثبت انى مصرى
رغم انى والله العظيم متجوز بجواز سفر مصىري وشهادة ميلاد مكتوب فيها مواليد القاهرة
جمهورية مصر العربية وطبعا كان ردى هو دا مش مكفيكم ولا انا شاكلى باين عليه يابانى اوى :bigeyes02:
وفى الاخر رحت جبتها لان سلو بلدهم كدا :grin21:
الف مبروك يا باشا ويتتم بخير