الأسكندرانيه: المشاريع السكنيه في سموحه

**shaddadfalcon1** · 26-08-2011 04:36 AM

شباب الاسكندريه الكبار قوي

انا ملاحظ انا في دلوقتي حاجه اسمها انترانس سموحه علي ايدك اليمين وانت رايح علي كوبري ابيس جنب مدرسة House of English علي الزراعي علي طول في رابعه النصريه وعاملين شوية اعلانات حلوه هناك بس بصراحه المكان من ورا مش قد كده

وملاحظ برده الناحيه التانيه بعد ارض معرض بتاع الزراعه ده وجنب مقر الحزب الوطني لحد السكه الحديد قصاد مرسيدس بيجهزو حته الأرض اللي هناك وتقريبا هيبقي في مشروع سكني ودي في وجهة نظري مكان تحفه لان مفيش اي عشوائيات او مساكن تانيه حوالها خالص يعني مش زي المشروع الأول ده ولا زي مثلا شارع النصر

هل في اي حد عنده فكره عن اي حاجه في دوول؟ عشان نفسي بقي اشتري شقه ومحروق قوي من البشر اللي كل واحد يبني عماره في مكان زباله ويقولك المتر ب 4 الاف وهو اصلا المتر ميسواش 1000 بس عشان شايف كمبوند قريب منه ولا حاجه بيبيع كده

**shaddadfalcon1** · 26-08-2011 03:57 PM

ايه ياشباب مفيش معلومات ولا ايه؟

**shaddadfalcon1** · 27-08-2011 04:32 AM

ايه ياجدعان انتو رحتو فين

**tamerosman** · 27-08-2011 04:41 AM

اسكندرية و سموحة بقت زحمة .............نصيحة اشترى حتة ارض فى برج العرب المتر ب 600 + متر البناء بالتشطيب بيعمل 1000 بالكتير يعنى المتر بيقف عليك ب 1600 جنيه بس و تسكن فى فيلا

المنطقة الى حضرتك بتتكلم عليها المتر فيها مش هيقل من 5000 الى 6000 جنيه

**shaddadfalcon1** · 27-08-2011 04:43 AM

انا شغلي في سموحه ايه اللي هيوديني برج العرب

سموحه من بره مش زي ماانت متخيل
ده شارع النصر اعلي حاجه فيه التوب هاوس ب 3500 المتر

**MohssenRashed** · 27-08-2011 10:24 AM

انا مشوفتش المشروع ده لسه بس المكان على الوصف بتاعك جميل و بعيد عن الزحمه .

**viper911s** · 27-08-2011 10:47 AM

انا شغلى لازق جنب سموحة انتراس ومع ذلك مش عاوز اسئل علشان حاسس انو هيضرب سعر هيزعلنى

**Khaled Online** · 27-08-2011 11:16 AM

المشاركة الأصلية كتبت بواسطة tamerosman

اسكندرية و سموحة بقت زحمة .............نصيحة اشترى حتة ارض فى برج العرب المتر ب 600 + متر البناء بالتشطيب بيعمل 1000 بالكتير يعنى المتر بيقف عليك ب 1600 جنيه بس و تسكن فى فيلا

جميل الكلام ده
لو أنا عايز حتة أرض أشتريها عشان أبني عليها شقتين في الدور والشقة حوالي 130 صافي
محتاج مساحة كام؟

**Khaled Online** · 27-08-2011 11:22 AM

المشاركة الأصلية كتبت بواسطة shaddadfalcon1

شباب الاسكندريه الكبار قوي

انا ملاحظ انا في دلوقتي حاجه اسمها انترانس سموحه علي ايدك اليمين وانت رايح علي كوبري ابيس جنب مدرسة house of english علي الزراعي علي طول في رابعه النصريه وعاملين شوية اعلانات حلوه هناك بس بصراحه المكان من ورا مش قد كده

وملاحظ برده الناحيه التانيه بعد ارض معرض بتاع الزراعه ده وجنب مقر الحزب الوطني لحد السكه الحديد قصاد مرسيدس بيجهزو حته الأرض اللي هناك وتقريبا هيبقي في مشروع سكني ودي في وجهة نظري مكان تحفه لان مفيش اي عشوائيات او مساكن تانيه حوالها خالص يعني مش زي المشروع الأول ده ولا زي مثلا شارع النصر

هل في اي حد عنده فكره عن اي حاجه في دوول؟ عشان نفسي بقي اشتري شقه ومحروق قوي من البشر اللي كل واحد يبني عماره في مكان زباله ويقولك المتر ب 4 الاف وهو اصلا المتر ميسواش 1000 بس عشان شايف كمبوند قريب منه ولا حاجه بيبيع كده

أ.نا من القاهرة بس حاشر نفسي هنا :)
حضرتك جربت تسأل السيكيورتي أو البوابين الواقفين هناك؟ تاخد منهم رقم تليفون صاحب المكان أو المسئول مثلا وتتابع معاه؟

سموحة والمنتزه في منتهى الجمال في نظري ونفسي آخد شقة في مكان فيهم بس أسعارهم مخاصمة إمكانياتي

**shaddadfalcon1** · 27-08-2011 05:19 PM

المشاركة الأصلية كتبت بواسطة viper911s

انا شغلى لازق جنب سموحة انتراس ومع ذلك مش عاوز اسئل علشان حاسس انو هيضرب سعر هيزعلنى

طيب ماتشوفلنا كده يامعلم ايه النظام
اكيد مش هيعدي 3000 المتر يعني بس الميزه ان لما يبقي المشروع لسه في بدايته بيبقي السعر حنين قوي يعني كان في مشروع رياض العمار اللي في مصطفي كامل سيدي بشر قبلي في وشي المعرض الدولي السنه اللي قبل اللي فاتت كان باديء المتر ب 1500 ودلوقي وصل 5000