استشاره من دكتور عظام ؟؟؟؟

**eng/muhamad** · 26-08-2011 04:48 AM

السلام عليكم
1- انا خارج من الكشف الطبى للكليه الحربيه بسبب تقوس فى رجلى
2- من حوالى سنه و اكتر كان عندى الم جامد فى الفقرات القطنيه و انا نفضت و كبرت دماغى المهم من اسبوعين الالم بقى فظيييع و لا يطاق اخدت القرار و روحت للدكنور و عملت تحاليل و اشعه و رنين على الرقبه و القطنية و كان التشخيص كالتالى
1- غضروفين فى الرقبه
2- غضروف قطنى فى الفقره 4 و 5
3- التهابات روماتيزمية
و بدات العلاج و حقن و ربنا يسهل
السؤال بقى
1- ايه مدى تاثير الحاجات دى عليا و على شغلى انا مهندس مدنى و المفروض شغلنا شغل مواقع و حركه كتير و كلام من ده
2- ايه مدى تاثير الحاجات دى على الكشف الطبى فى الجيش يعنى هتفرق و هخرج و لا هلبس برده ؟؟؟؟

**eng/muhamad** · 26-08-2011 05:38 PM

anyhelp

**eng/muhamad** · 26-08-2011 08:49 PM

مفيش اى دكتور عظام فى المنتدى خالص؟؟؟؟؟؟؟؟؟!!!!!!!!!!!!!!!!

**Medicalist** · 26-08-2011 09:00 PM

انا مش خبير اوى فى العظام بس هقولك على اد الى اعرفه انك هتحتاج للراحه او انك تشتغل بالراحه و اوعى تشتال حاجه تقيله ولما تيجى تقعد وتقوم تقوم بالراحة ولما توطى تقوم بالراحه يعنى اى حركه على مستوى ضهرك تعملها بالراحه
المشاكل الى هتقابلك الام فى الظهر وساعات تنميل فى الارجل او فى ايديك
المشكله الاكبر هتكون فى العلاج انك تعتمد على المسكنات و دى اخطر حاجه لانها مع الوقت بتعمل قرحه معده وهتدخل فى سكك تانيه انت فى غنى عنها
افضل حاجه العمليه طبعا بس اسمع انه الموضوع بيرجع تانى
لتحفيف الالم خليك فى الحاجات الموضعيه زى كيفين تيك باتش مثلا دى لزقه بتلزقها على ظهرك بتخفف الالم وموضوعيه
طبعا مجهودك المفروض يكون اكل و ممكن تاخد حاجه باسطه للعضلات عشان التنشن بتاع عضلات الظهر على العمود الفقرى يخف شوى ويقلل الوجع
ولو فيه تنميل موجود ممكن تاخد دواء يخفف التنميل ده فى صوره فيتامينات او كارمازبيم الى هو التجرال والتجريتول
اسمع عن حاجات بتتلبس على الظهر و القفص الصدرى بس ما اعرفش نتايجها واذا كويسه ولا لا
وربنا يشفيك يا باشمهندس

**Medicalist** · 26-08-2011 09:03 PM

بالنسبه للالتهابات الروماتيزميه بستحسن طبعا انك تعمل شويه تحاليل عشان تاكد انها روماتيزميه او لا !
ESR . ASO . anti ccp
اخر تحليل ده غالى ومش عارف موجود ولا لا بس هو الى بيشخص الروماتويد بنسبه 98 فى الميه مع اعراض تانيه زى وجع فى ايديك و صوابعك او فى مفاصل رجليك حاجات تانيه كتير مش الاشعه بس لانه المنظر فى الاشعه ممكن يكون سببه تانى
والف سلامه عليك

**eng/muhamad** · 26-08-2011 09:34 PM

المشاركة الأصلية كتبت بواسطة medicalist

انا مش خبير اوى فى العظام بس هقولك على اد الى اعرفه انك هتحتاج للراحه او انك تشتغل بالراحه و اوعى تشتال حاجه تقيله ولما تيجى تقعد وتقوم تقوم بالراحة ولما توطى تقوم بالراحه يعنى اى حركه على مستوى ضهرك تعملها بالراحه
المشاكل الى هتقابلك الام فى الظهر وساعات تنميل فى الارجل او فى ايديك
المشكله الاكبر هتكون فى العلاج انك تعتمد على المسكنات و دى اخطر حاجه لانها مع الوقت بتعمل قرحه معده وهتدخل فى سكك تانيه انت فى غنى عنها
افضل حاجه العمليه طبعا بس اسمع انه الموضوع بيرجع تانى
لتحفيف الالم خليك فى الحاجات الموضعيه زى كيفين تيك باتش مثلا دى لزقه بتلزقها على ظهرك بتخفف الالم وموضوعيه
طبعا مجهودك المفروض يكون اكل و ممكن تاخد حاجه باسطه للعضلات عشان التنشن بتاع عضلات الظهر على العمود الفقرى يخف شوى ويقلل الوجع
ولو فيه تنميل موجود ممكن تاخد دواء يخفف التنميل ده فى صوره فيتامينات او كارمازبيم الى هو التجرال والتجريتول
اسمع عن حاجات بتتلبس على الظهر و القفص الصدرى بس ما اعرفش نتايجها واذا كويسه ولا لا
وربنا يشفيك يا باشمهندس

شكرا لرد حضرتك بس هى المشكله ان انا فعلا انسان كثير الحركة و بحب اتحرك كتير و اسافر و كده يعنى
الالم فى الظهر موجوده و التنميل موجود فى الرجل الشمال و انا باخد ادويه كتير و حقن و ربنا يسهل

المشاركة الأصلية كتبت بواسطة medicalist

بالنسبه للالتهابات الروماتيزميه بستحسن طبعا انك تعمل شويه تحاليل عشان تاكد انها روماتيزميه او لا !
Esr . Aso . Anti ccp
اخر تحليل ده غالى ومش عارف موجود ولا لا بس هو الى بيشخص الروماتويد بنسبه 98 فى الميه مع اعراض تانيه زى وجع فى ايديك و صوابعك او فى مفاصل رجليك حاجات تانيه كتير مش الاشعه بس لانه المنظر فى الاشعه ممكن يكون سببه تانى
والف سلامه عليك

انا عملت تحاليل كتتتتتتير بس مش عارف اسمها ايه و كانت غاليه اتكلفت كتير غير الاشعة و الدكتور قال الالتهابات دى بعد ما شاف نتيجة التحليل

**eng/muhamad** · 26-08-2011 09:36 PM

حاجه كمان نفسى اعرف ايه اسباب الحاجات دى ؟؟؟؟
انا عندى 22 سنه و عمرى ما شيلت تقيل او بذلت مجهود غير عادى مثلا

**SunSet** · 26-08-2011 09:42 PM

انا مش متخصصة لكن اقترح العلاج الطبيعي والاهتمام بالرياضة واللياقة البدنية بعد استشارة الطبيب المعالج وتقليل الوزن

وتجنب العادات الخاطئة في الجلوس والمشي وغيره وعدم حمل اوازان ثقيلة وبطريقة خاطئة

**eng/muhamad** · 26-08-2011 10:01 PM

المشاركة الأصلية كتبت بواسطة sunset

انا مش متخصصة لكن اقترح العلاج الطبيعي والاهتمام بالرياضة واللياقة البدنية بعد استشارة الطبيب المعالج وتقليل الوزن

وتجنب العادات الخاطئة في الجلوس والمشي وغيره وعدم حمل اوازان ثقيلة وبطريقة خاطئة

الدكتور طلب فعلا جلسات علاج طبيعى و بدات فيها
الوزن انا وزنى اصلا 57 كجم يعنى مش هينفع يقل اكتر من كده
عمرى ما شيلت حاجات تقيله

**eska** · 26-08-2011 11:09 PM

علاج الغضاريف اما جراحي او دوائي ..... اذا كان الوجع محتمل تتبع العلاج الدوائي في صورة فيتامين ب و مضادات للاتهاب لفترة و طبعا تعديل نمط الحياة متشيلش حاجة تقيلة ابدا ومتحزقش ومعظم حالات الانزلاق الغضروفي بتتحسن مع الوقت هتعيش حياتك الطبيعية خالص وتتحرك عادي جدا لدرجة ان في بعض المقالات الطبية بتقول خد مسكن عشان تعرف تتحرك عادي لان مع حركة العمود الفقري الانزلاق الى حد ما بينكمش في معظم الحالات ....وهتنام عادي على مرتبة عادية وتوطي وتقوم عادي ولكن متشيلش حاجة تقيلة ابدا ومع الوقت هتحس ان الوجع قل عن الاول ان شاء الله
سببه حركة غلط سواء وانت بتشيل حاجة او حتى وانت بتتحرك وتقوم من عالارض وجسمك بيلف والعمود الفقري اتحرك غلط بتبقى نصيب بتحس بطقطقة ووجع في ضهرك واحيانا تنميل لو الانزلاق ماثر عالاعصاب

اذا كان الالم غير محتمل اويؤثرعلى حياتك فممكن تلجا للحل الجراحي

الموضوع: استشاره من دكتور عظام ؟؟؟؟

LinkBack

أدوات الموضوع

عرض

استشاره من دكتور عظام ؟؟؟؟ - انشر الموضوع فى :

-

-

-

-

-

-

المواضيع المتشابهه

استشاره من طبيب عظام

فى هنا دكتور عظام ركبة

دكتور عظام كويس(مهم جدا)

دكتور عظام

الكلمات الدلالية لهذا الموضوع

المفضلات

المفضلات

ضوابط المشاركة