ياجماعة افيدونا بخصوص هبد ورزع عفشة الافيو

**wesamsoftware** · 26-08-2011 06:00 AM

السلام عليكم
كل عام وانتم بخير ورمضان كريم ويعوده علينا اعوام عديدة يارب

سؤال بجد عشان انا زهقت من هبد ورزع عفشة الافيو الامامية
قبل اى حاجة الكفرات اللي راكبه علي العربية مقاس 13 وداه بنسبة 90% في كل الافيو اللي فى السعودية مش عارف ليه مع انه علي الموقع بتاعها بيقول الكفر اللي نازل المفروض مقاس
185/60- 14

طيب انا اتخنقت من الهبد والرزع في العفشة علي اى مطب صغير ولا علي حتي البيض اللي بين الحارات

السؤال بقه لو غيرت الكفرات الي 185/60- 14 حيكون داه افضل ويختفي الهبد ؟؟؟ مع العلم غيرت المساعدين الاربعة بكوري اصلي (داه المفروض يعني ) من 3 اشهر يعني لسه جديدة

داه بسبب الهبد والرزع مرتين المرايا اللي في النص تقع من الزجاج الامامي !!!!!!!

سؤال اخير هل ينفع تغيير مساعدين الافيو الامامي بمساعدين الاوبترا ؟؟؟ وهل مساعدين الاوبترا ناعمين ؟؟ داه لو ينفع يركب

**wesamsoftware** · 26-08-2011 12:33 PM

ياعااااالم ياهوووو محدش عارف اى حاجة ؟؟؟؟؟؟؟

**alemam2005** · 27-08-2011 07:09 AM

عفشه الأفيو ناشفه وكل الهبد التخبيط ده طبيعي و لو غيرت الكاوتش ل 14 هتكون انشف اكتر

**wesamsoftware** · 27-08-2011 08:38 AM

المشاركة الأصلية كتبت بواسطة EmamAveo

عفشه الأفيو ناشفه وكل الهبد التخبيط ده طبيعي و لو غيرت الكاوتش ل 14 هتكون انشف اكتر

انت متأكد ياريس ؟؟؟ طيب بالنسبة للمساعدين بتوع الاوبترا ينفع يركبو عليها او مساعدين الافيو 2011 يكونو احسن ؟؟ عشان عاوز احسن ان الهبد اختفي

**memo823000** · 27-08-2011 06:01 PM

شوف من الاخر وعن تجربه سنتين ونصف مع الافيو بس هاتش باك
الافيو فيها 30% نشوفية عافشه ودا ممتاز عشان الثبات و 70% عشان الكوتش الكورى السىء جدا فى الهبد والرزع والطرق المكسره وكمان بياثر جدا على العفشه وبيخليك تحتاج تربط عفشه كتير
طب ياعم متقول الحل وخلصنى ايه الوكلوك الكتير دا
اوك
محتاج نعومة عالية جدا وثبات بنسبة 60% يبقى تركب كوتش طبعا بريدجستون يااااااباااااااااانى اصلى وهتدعيلى اقسم باللهوبرقاس اللى نازل فى الافيو 5 هاتشباك
185/55/15 وانشاء الله هتدعيلى
وبكرر تانى الكوتش تجيبه انضف حاجه واعلى مواصفه بريدجستون يابانى سرعات
وان شاء الله انسى مشكلة الهبد والرزع وتفكيك العفشه لحد متزهق من العربيه وتبعها وتجيب الاحسن ان شاء الله

**hpxp** · 27-08-2011 09:59 PM

انا ركبت فردتين بردجيستون قدام بس في اوبترا بقت احسن سحب احسن فرامل والعفشه فيه فرق بسيط علشان مركب قردتين بس لما اركب الاربعه هقوللك ايه الفرق
معلومه جايز تفديك التويو طري جدااااااااااااااااااااااا اااااااااا وبفكر اجيبه واحطه عندي الاوبترا ورا لكن كان فيه عضوا قال التويو طري بطريقه غريبه لدرجه انه ممكن يعوم العربيه علي السرعات