الموضوع: صنى شكلها صايم ومش بتسحب بنزين زى الفاطرين الى عندنا :)

المشاركة الأصلية كتبت بواسطة eng.octooo

عاملين اية ؟؟؟ واحشيننى والله :)

ندخل فى الموضوع علطوووول

انا حاليا فى سوهااااااااااج علشان العيد والاجازة وكدة المهم ابن عمى بيشتغل فى الاردن ونزل بعربيتة صنى 2008 سوبر صالون زى الى عندنا بالظببببط اوتوماتيك مافيهاش اى تغيييييير غير الكاسيت وكام حاجة هبلة كدة

المهم كنت باتكلم معاة واقولة ان العربية بتعمل معايا بالتكييف جوة البلد 180 :190 بالصفيحة تقريبا ,, لقيتة بيقولى انها بتعمل معاة جوة البلد (عندهم هه) من 200 :220 بالتكييف والشد وسعات بتكون اكتر !!!!!!! قلتلة دة اكتر من الاستهلاك الطبيعى بدون تكييف وشد هنا وشكيت فى كلامة لحد ما قلنا نجرب

جبت البامبر بتاع حوض السمك (ها ها ها ) وفضينا التانك عندى وعندة لحد النص بالظبط ( لا بامانة انا التانك عندى كان على ال ثلث ف اخدت شوية من عندة ههه) المهم الاتنين التانك فى النص بالظببببط والاتنين كانوا ممونين من بنزينة واحدة

قلنا هانطلع مشوار لسوهاج المحافظة رايح جاى بالتكييف ومن غير شد وهانمشى ورا بعض بكل احترام علشان نشوف الفرق

المهم طلعنا واحنا الاتنين ماشيين نفس السرعة وبحد اقصى 100 :110 رايح جاي المسافة تقريبا 80 كم واحنا راجعين بيقولى كمل لحد نجع حمادى قلتلة طيب رايح جاى 70 كم تقريبا
يعنى 150 ك تقريبا دة بدون الشوارع الداخلية الى لفينا فيها والمسافة من البيت عندى لحد الطريق الرئيسى الى بنحسب المسافة علية حوالى 8 كم المهم لما وصلنا ورجعنا من مشوار الهبل دة اول ما نزلنا كل واحد طلع يجرى على عربية التانى يشوف الاستهلاك !!!!!!!!!!!!!!!!!!!!!!!!!!!!!!!!

عندى التانك سحب اكتر من ثلث التانك اقل من النص بشرطتين ولا حاجة يعنى كان فيها النص لقيت فاضل فيها بتاع شرطتين او اقل بشوية (هو دة العادى من بنك مصر)

عندة التنك سحب الربع تقريبا مع انة والله فى كام حتة كدة شد جامد بسبب النقل وكدة بس عادى مش دى الى هاتفرق

ايوووووووووة الارقام دى مظبوطة

اتجننت ومسكت عربيتة حتة حتة الفروق بينى وبينة

الجنط عندى 15 العادى - عندة 15 بس سبور من مومو (مش عارف يفرق ولا اية)

هو مغير فلتر الهواء بس والباقى كلة ستوك , الفلتر نوعة green filter دة اسم الشركة

ولما عملت سيرش دة السايت بتاعها green cotton air filters - home page

دخلت عملت بحث بنوع العربية ولقيت الصنى بس ليها حاجات كتييييييييييير مش عارفين هو اى واحد


المهم تفتكروا ان الفلتر ممكن يعمل كدة ؟؟؟ الى انا اعرفة ان الفلتر بيزود سحب العربية واستهلاك البنزين بيزيد :) بس دة العكس

السؤال الاخير والاجبارى : تفتكروا الجنط والفلتر هما السبب ؟؟ ( والضفيرة اكيد الى عندة اليابانى بس مش عارف )

لو دول يعملوا الفرق دة انا هاعمل كدة عندى بس اتأكد الاول

كل سنه وانت طيب بمناسبه العيد على الابواب

الفرق الاساسى فى ان اللى بيجمع العربيه فى مصر متاكد ان المصريين كده كده حيركبوها ( لانها ارخص من اى عربيه يابا نى فى نفس الفئه ) مهما كانت مشاكلها
وعليه فانهم لايهتمون بالخامات او مراقبه الجوده او مستوى التدريب للفنين والمهندسين فى المصنع او مراكز الصيانه

اما فى كوريا فالوضع مختلف ( الزبون هناك له احترام ) لو العربيه دى طلع فيها عيوب من اللى بتحصل عندانا مش حتتباع ولا بنكله علشان كده اهتموا بشويه النقاط
اللى ذكرتها فطلعت عربيه باساسيات يابانى مخترمه وخامات نضيفه وبدون عيوب تقفيل وبجوده عاليه فى كل صغيره وكبيره

الحل انك تبدل عربيتك بعربيته

تحياتى

المشاركة الأصلية كتبت بواسطة noon_eg

كل سنه وانت طيب بمناسبه العيد على الابواب

الفرق الاساسى فى ان اللى بيجمع العربيه فى مصر متاكد ان المصريين كده كده حيركبوها ( لانها ارخص من اى عربيه يابا نى فى نفس الفئه ) مهما كانت مشاكلها
وعليه فانهم لايهتمون بالخامات او مراقبه الجوده او مستوى التدريب للفنين والمهندسين فى المصنع او مراكز الصيانه

اما فى كوريا فالوضع مختلف ( الزبون هناك له احترام ) لو العربيه دى طلع فيها عيوب من اللى بتحصل عندانا مش حتتباع ولا بنكله علشان كده اهتموا بشويه النقاط
اللى ذكرتها فطلعت عربيه باساسيات يابانى مخترمه وخامات نضيفه وبدون عيوب تقفيل وبجوده عاليه فى كل صغيره وكبيره

الحل انك تبدل عربيتك بعربيته

تحياتى

وانت طيب :) امم بس مش حاسس ان موضوع الجودة دة لية تأثير لانة الموتور واحد تقريبا بس ممكن تفرق فى موضوع الضفيرة والحاجات دى يعنى العيوب الميكانيكة هيا الى ممكن تأثر عندنا (تقريبا )

المشاركة الأصلية كتبت بواسطة solh7

معتقدش الجنط هيفرق مادام ال 2 نفس المقاس و نفس الكلام الفلتر لو أثر مش هيبقى تأثير جامد اوى كده انما بنسبة كبيرة هى الضفيرة المصرى الرديئة الى عندنا.

شكرا لردك ,, الضفيرة دى لازم نشوف الى بيعملها ونوصلة بيها :)

المشاركة الأصلية كتبت بواسطة yoko

هسأل سؤال ومن غير ضرب ورد عليا وبعد كده هقولك إيه إنت كنت ماشي قدامة وهو وراك معظم الوقت؟

ماشى يا يوكو هههه ( حد يحضر العصاية هههه) اة معظم الطريق انا الى كنت ماشى قدامة

ها ها ها ها هههههههههههههههههها
لعيب يا yoko مقاومة الهواء لها دور طبعا زي في سباقات الدراجات بيبدلو مين اللي يكون في الاول علشان ميطلعش روحه واللي وراه مداريين فيه

المشاركة الأصلية كتبت بواسطة waelfarid

ها ها ها ها هههههههههههههههههها
لعيب يا yoko مقاومة الهواء لها دور طبعا زي في سباقات الدراجات بيبدلو مين اللي يكون في الاول علشان ميطلعش روحه واللي وراه مداريين فيه

تفتفكروا موضوع الايرودينامك دة هايفرق !!

المشاركة الأصلية كتبت بواسطة vet_hulk83

لو سمحتوا هو فيه نيسان الشكل بتاعنا2008 ماعتقدش لان الكوري من 2007 تقريبامممكن تكون مصري متصدره للأردن

حتى لو كانت مصرى (هو فية نيسان زى الى عندنا بيتصدر هناك؟) برضة فرق الاستهلاك دة عايزين نعرف سببة

المشاركة الأصلية كتبت بواسطة mohamedbook

انت تروح ياكتوا نفس المشوار بس هو يكون قدام وانت وراة ويعوض عليك ربنا في البنزين بتاع المشوار
عشان نعرف هل احتكاك الهواء مؤثر ولا لا
وسلميلي علي اهل سوهااااااااااااااااج ونت بتلف نفر نفر فرد فرد بيت بيت

الله يسلمك يا محمد ( مختفى بقالك فترة :) وانا كمان معلش والله) هههههههههه ان شاء الله هاشوف لو عرفت اقنعة تانى اننا نروح هاعمل نفس الموضوع وان شاء الله نوصل لحل