72 ساعه فى التكييف ومتصلحش
السلام عليكم ورحمة الله وبركاته،،
ازيكو يا ابلاويه ..
فى بدايه الموضوع وكا العاده لازم اكتب شكر خااااااااص لــ محمد طنانى لان بجد الراجل ده ساعدنى كتير اوى وبينجدنى فى مواقف ببقى هادخل نفسى فى سكك انا فى غني عنها بالمرة
:8_8_13:( منتحرمش منك يا كبير ) :8_8_13:
وان شاء الله لما ارجع من السفر بعد العيد هاكلمك و لازم اقابلك او يا ريت لو تعملو مقابله جماعيه بعد العيد فى القاهره
من ساعه بقى لما اشتريت طلمبه البنزين الى كانت مدوخانى لغايه دلوقتى مش عارف اركبها وكل لما اقول اخلص من التقيل الاقى الاتقل منو مش عارف المها منين ولا منين
روحت اول امبارح ورشه شريف للتكييف فى صقر قريش وهو عرفتو من طرف الكهربائى الى بتعامل معاه والمشكله الى عندى ان كان فى تسريب ،، بعد الكشف والازى منو اكتشف تسريب من الكومبروسر و شجره الخراطيم طبعاً انا مكنتش موجود مع العربيه لان سيبتهالو من الصبح على بعض الفطار لما رحتلو لاقيتو كبس الخراطيم و عمل طقم اصلاح للكومبروسر وبعد ضعط الهوا لاقينا تسريب من الخراطيم تانى الساعه 1.30 بليل مافيش حل غير روحنى شكراً :M_yes[1]:
طنانى عرف ان كسبت الخراطيم قالى ايه العك ده الكلمه دى بصراحه حسستنى بالزنب اوى :_Alshmokh11:
قولت لو الراجل عملها امرى لله خلاص لو معكنش لسه عملها يبقى فى فرصه والحمد لله لاقيتو لسه معملهاش روحت جرى جيبت شجره التكييف جديده صينى ب 275 بعد الواجب بصراحه وكان سعرها 325 بعد ما اشتريتها مافيش والله 10 دقائق لاقيت طنانى بيتصل بيا بيقولى ها عملت ايه والله حسيت من كلامو انو كان مقهور من الى انا كنت هاعملو فى موضوع كبس الخراطيم ده وقالى كمان على ضغط الهوا وهو بيجرب لازم يكون 250 و الفريون على 30 والله كنت اول مره اعرف المعلومه دى :S_thum1[1]:
ركب يا معلم واضغط هوا لاقيت الراجل بيضغط على 325 قولت تمام اوى جرب تمام ما فيش تسريب اشحن فريون لاقيتو على الشحن اوى وصل ل من 40 الى 50 والتبريد ضعيف فى العربيه وبعد محاولات من الصنايعى لاقيتو عمل مداخله بعدها صدمنى :dzey:
الفلتر لازم يتغير لان لما فك الكومبروسر طلع منو اتساخ كتير اوى وممكن يكون الفلتر مسدود و هانغير كنترول كومبروسر وممنوع منعاً باتا تشغيل التكيف بالنهار لان ممكن الكومبروسر يتحرق طب يا عم انا مسافر بكره بليل اتصرف امال انا جاى ليه قالى يبقى خليها بكره الصبح :_Alshmokh11:
سعر الفلتر 170 + الكنترول ب 120 ،، بالظبت حسيت نفس الاحساس ده:10_9_133:
ورايح بقى وعامل استعدادى لاول مره ارجع مشغل تكييف عربيتى ،، فاجأة كل الى حلمت بيه اتهد:rolleyes: اللهم لا اعتراض
كلمت طنانى تانى وحكيتلو الى حصل معايا اكد كلام الراجل اقتعت بصراحه ان كده الصناعى مش متوهنى
بكره بقى ان شاء الله اروح بعد الصلاه اكمل باقى المشاقه مع التكيف و اروح اركب الطلمبه وتيل الفارمل بقى الى بقالهم اسبوع دول :(
ممنوع الكتابة باللون الاحمر
اللون الاحمر مخصص للمداخلات الادارية والاشرافية
مشرف القسم
٩ب
