جولف ولاا بولو ولاا يارس ؟؟؟؟

**mina_opel** · 26-08-2011 06:40 PM

انا لسة جديد فى عالم السيارات وقررت اشترى عربية بس محتار بين الثلاثة دول وخصوصا انى اول مرة اركب عربية بس انا بقالى شهرين بتعلم والحمد لله بدءت اسوق كويس
بس كل ما بسأل حد اجيب اية كل واحد بيفتيلى فقررت اعرض عليكم الاقتراحات الثلاثة دول اية رأيكم فيهم وبأنهى واحدة تنصحونى انا بصراحة نفسى اركب جولف قوىى بس فى اصدقاء لى بيقولولى لو جبت جول حتجبها 2001 علشان المبلغ اللى معايا حوالى 60 الف جنية بس ومعنديش استعداد اصرف اكثر من كدة فى العربية فبيقوللى الجولف حتبقى موديل قديم عربية بقالها عشر سنين شغالة حوال تيجب عربية موديل حديث اسحن بالسعر دة وفوكك من ماركة العربية
انتم ايه رأيكم فى الكلام دة ارجوا الافادة

**mina_opel** · 26-08-2011 07:05 PM

فى كمان opel victra 2002 اية رأيكم ساعدونى فى الاختيار بين هؤلاء العربيات

**blazer** · 26-08-2011 07:24 PM

الجولف ممتازه برده
بس انت برده حاول تحدد انت عاوز ايه؟
هاتشباك ولا سيدان
ايه اكتر عربيات انت ميال ليها
كدا يعنى
انت ممكن افى رنج ال60 الف تجيب حاجات كتير
نوبيرا2005
لانسر كرستاله
هوندا سيفيك 98

**mina_opel** · 26-08-2011 07:40 PM

موش فارقة قوى اذا كانت سيدان او هاتش باك بس انا عايز عربية اتزان تمام علشان السرعات العالية وفرامل قوية وكدة وتكون شبابية برضوا

**SYD** · 26-08-2011 08:15 PM

ليا تعليق صغير اوي علي كلام حضرتك وبعدها هرد عليك

ازاي في خلال شهرين بقيت بتسوق كويس اوي وكمان عايز عربية سرعات واتزان وفرامل ؟؟؟؟؟؟؟

انا بقالي 12 سنة بسوق ولحد دلوقتي مازلت بتعلم من اخطائي ولسة واخد درس قاسي جدا من السواقة بسرعة والأتزان

مازل المرء يتعلم ويتعلم فأن ظن انه علم فقد بدأ يجهل

اعذرني في كلامي لو ناشف بس اوعي تفكر انك بقيت معلم وعلي رأي المثل يموت المعلم ولا يتعلم

السواقة الصح انك توصل بأمان انت وال معاك

ربنا يستر طريقنا جميعا

بالنسبة للأختيارات انا ارشحلك فولكس جولف موديل 2000 عربية ثبات وسرعة واعتمادية وقطع غيار معمرة

كمان الهوندا سيفيك 96 لحد 98 ثبات وسرعة وفرامل

كمان ممكن تركب سيات توليدو 2002
وممكن تركب فولكس بورا 2002
وممكن فيكترا 2000
وممكن اوكتافيا 98
وممكن تركب بروتون بيرسونا او واجا 2008

رينج 60000 رينج كبير والأختيارات فيه متعددة والموديلات هتبقي عالية

والله المستعان
،
،