رسالة الى الاستاذ yascro والاستاذ tamertamer

**Boyka** · 26-08-2011 09:37 PM

بسم الله الرحمن الرحيم
اولا انا برجو الافادة من الجميع بس انا على حد علمى معرفش فى الموقع حد فى الموقع تانى
برجو يا جماعة على وجة السرعة حد يفدنى لأنى خلاص هتوكل على الله وهجيب المكنة الـ 919 اللى قدامى وخلاص لأنى صرفت نظر على المكنة الـ 954 بسبب اللى فيها وانا موسوس بصراحة
انا هقول لحضرتكم امكانيات المكنة وانتوا تقولولى اذا كانت تستاهل ولا احاول انى انزل فى السعر شوية مع صاحبها.
الوصف بالتفصيل
919 فاير بليد
Model 1997
افراج جمركى
اللون ابيض فى اسود فى احمر
ماشية 7000 كيلو
الى جانب انها فعلا مكنة ممتازة كل شئ فيها اوريجينال بها ديفيل تعديل
الموتور لسه بيعرق فابريكة موتور وفيبر ممتازة جدا كل اللى فيها فردة قدام
حالتها 60% بس فقط لاغير باقى المكنة تحفة.
طالب فيها 30 الف جنيه ياترى تستاهل ولا احاول انزل المبلغ شوية ولو نزلته
يبقى لغاية كام كويس عليها.
ارجو الافادة على وجة السرعة لكى اتوكل على الله بمجرد انكم تفدونى
والف الف شكر ليكم جميعا

**yascro** · 26-08-2011 09:52 PM

توكل على الله بس خلى ميكانيكى كويس يفحصها
واى جنيه تقدر تنزله من سعلرها انت اولى بيه

**Boyka** · 26-08-2011 10:04 PM

الف شكر ليك يا استاذ yascro على افادتك ليه
وانا ان شاء الله هحاول انزل معاه فيها بس هل لو منزلتش كده سعرها كويس
بعد ما الميكانيكى يلاقى كل حاجة فيها تمام انا اسف ي باشا معلش انا موسوس شوية
خصوصا ان فى واحد بيقولى حلو عليها 25 الف بس من غير ما يشوفها انا بردة قولته
امكانياتها وهو قالى كده. انا مش عارف ياترى كلامه صح ولا غلط

**nktis** · 26-08-2011 10:08 PM

موفق ان شاء الله....

**bold** · 28-08-2011 03:29 AM

نصيحه انت بتشترى حاجه مش فاهم فيها واسف على التعبير
لازم تاخد معاك شخص محترف يفهم في الموتسكلات ميكانيكى ثقه مثلا وكله بحسابه
ممكن الميكايكى ياخد 200 جنيه وويكشف على البايك ويقولك متشتريش لانها متسواش 20 الف
او ممكن يقولك اشترى بالسعر الى يحدده ويفاصل مع البايع
فنصيحتى متوصفش حاله على المنتدى وتقول تمنوها لان الاعضاء مشفوش المكنه ولا ركبوها ولا سمعو صوت موتورها انت بتدفع مبلغ كبير فخذ بالاسباب والله الموفق

**Khaled Online** · 28-08-2011 01:25 PM

المشاركة الأصلية كتبت بواسطة bold

نصيحه انت بتشترى حاجه مش فاهم فيها واسف على التعبير
لازم تاخد معاك شخص محترف يفهم في الموتسكلات ميكانيكى ثقه مثلا وكله بحسابه
ممكن الميكايكى ياخد 200 جنيه وويكشف على البايك ويقولك

فعلا لازم تسأل لغاية ما توصل لميكانيكي شاطر وأمين
وتروح تاخده بعربيتك أو بتاكسي لغاية مكان الموتوسيكل
يشوفوا ويعرف مشاكله إن كان فيها مشاكل ويتمنهولك بينك وبينه على جمب
وبعديها خده تاني لورشته أو بيته في تاكسي
وآخره 100 جنيه حلو قوي

وربنا يوفقك