هل من شريك فى مجال الأستيراد ؟

السلام عليكم ...

أنا بعمل مع والدى فى مجال أستيراد الرخام والجرانيت وعندنا المعرض والمخزن الخاص بينا ...

وبصراحة أنا حابب انى اجيب شغل لحسابى ومن غير مساعدة من والدى . فا فكرت أعرض الفكرة عليكم هنا ...

الموضوع ببساطة هو أستيراد كونتينر جرانيت من الهند أو الصين ..

تكلفة البضاعة شاملة مصاريف السفر بتكون حوالى 110 ألف جنيه .

لو البضاعة اتباعت من بره بره زى ما بيقولوا .. متوسط الربح بيكون فى حدود 11000 .. ده بيكون فى خلال شهرين ... لأن بتسافر تفتش على البضاعة بعد 25 بوم من تأكيد الأوردر + 7 أيام للتفتيش والتحميل + 30 يوم شحن + 4 أيام للتخليص الجمركى .

لو أفترضنا ان البضاعة تتباع تجزئة فطبعا الربح هيكون أعلى بس أكيد المدة اللى البضاعة هتتباع فيها هتزيد . وحسب سعر السوق لو اتباعت تجزئة متوسط الربح المتوقع 20000 .

أنا عندى مكان البيع والتخزين و الشركة المصدرة والتخليص الجمركى ... لكن ينقصنى التمويل ..

فا عشان كده فكرت فى شريك .. وأكيد المبلغ اللى هيدفعه لازم يكون ضامن حقه فا هكتبله بيه شيك .. ومفيش مانع أعرفه مكان الشغل عشان يكون مطمئن على فلوسه ..

بعد البضاعة ما تتباع لو هو راضى عن الربح يبقى ممكن نجيب تانى وهكذا ...

يا ريت يا جماعة محدش يفتكر ان الموضوع نصب أو كلام فى الهوا .. انا بدور على حد يشاركنى طموحى مش أكتر وكان ممكن أخد قرض من البنك بس انا مش حابب أبدأ حياتى بالربا عشان ربنا يبارك .

وبس كده .

في حالة البيع بالتجزئة -تقريبا هي اللي احتمالها اكبر- حيكون العائد نقول بعد سنة تقريبا 20‰ لو قلنا ان حضرتك ليك النص يعني صاحب راس المال حيكسب بعد سنة 10‰ وده تقريبا قد وديعة البنك لنفس الفترة ، فللاسف محدش حيرضى
راس المال لازم يضمن ضعف او اكتر من لو حط فلوسه في البنك حتى ولو ملوش في البنوك ، انما هي دي القاعدة
ماينفعش راس المال يتضاعف بعد عشر سنين بحالهم كتير قوي ، هما بيفكروا كده

عيد دراسة الموضوع في ظل الفكر اللي بقولك عليه وظبط عرض تاني احسن

شكرا على رد حضرتك ...

بالنسبة للوديعة فى البنك لو حضرتك عملتها لمدة 5 سنوات .. الربح بيكون 9.25% .. يعنى ال 100 ألف بعد سنة تزيد 9250 جنيه وطبعا مينفعش تكسر الوديعة غير بعد سنه عشان البنك يديلك نسبة الربح دى + ان البنك هيخصم من المبلغ الأصلى عشان تكسر الوديعة لو حضرتك بتسحب الفوايد شهريا ... غير كده الفايدة هتكون 6 % ..

لو افترضنا فى خلال السنة أشترينا 3 كونتينرات بمعدل كونتينر كل 4 شهور وعلى فكرة دا كده قليل جدا ... يبقى كده صافى الربح 60000 .. يعنى نصيب الواحد 30000 ... يعنى 30%

أتمنى أكون قدرت أوضح الفكرة أكتر لحضرتك

احييك على دخولك بقلب جامد فى مجال الاستيراد وربنا يكرمك بشريك محترم وامين تعملوا احلى شغل سوا.

بس أنت كدا بتفترض بيع التجزئه في شهرين + شهرين الاجراءات
هل دا عمليا ممكن ولا ممكن يطول عن كدا؟

اقتباس:

---

احييك على دخولك بقلب جامد فى مجال الاستيراد وربنا يكرمك بشريك محترم وامين تعملوا احلى شغل سوا.

---

ربنا يستجيب منك ... اميين

اقتباس:

---

بس أنت كدا بتفترض بيع التجزئه في شهرين + شهرين الاجراءات
هل دا عمليا ممكن ولا ممكن يطول عن كدا؟

---

بالنسبة للأجراءات ممكن تكون أقل من كده لو مسافرتش أفتش على البضاعة بس أنا مش حابب كده عشان لازم أطمئن ايه اللى اتحمل فى الكونتينر قدام عينى ... وعلى حسب الأوردرات اللى المصدر ماتزم بيها .. يعنى مش شرط 25 يوم .. أحيانا بيقولك البضاعة حاضرة وأحيانا بعد أسبوعين وهكذا ولكن الحد الأقصى من 25 الى 30 يوم .. وبالنسبة للجمرك بيكون من 3 ايام الى 7 ايام وده مفيهوش مشاكل ولا غرامات لشركة الشحن عشان بجيب 14 يوم سماح ...

بالنسبة لوقت البيع ... ممكن البضاعة تتباع فى أسبوعين لو نزلت فى سعر البيع ولو السوق مفهوش بضاعة وممكن توصل لشهرين ... مسألة الوقت مرتبطة بوضع السوق وسعر البيع ... ممكن تبيع بسعر أقل من المعارض اللى حواليك وبالتالى تجيب الناس تشترى من عندك

السلام عليكم
ياريت حضرتك كمعلومه خارجيه توضح الجرانيت اللي تقصده مستورد من الصين نوعه ايه ومواصفاته .. يعني الخامه بتيجي ترابيع ولا طاولات مثلا ومسطح كام متر ؟
وازاي بتقول ان حضرتك بتستورد جرانيت من الصين في حين اننا بنصدر الجرانيت وكل انواع الرخام وكمان للصين ؟؟؟

ياريت كمان حضرتك توضح ليه الواحد بدل ما يجيب كونتينر من الصين يجيب كام بلوك وينشرهم ويبيعهم لحسابه ؟؟ اعتقد 110 الف جنيه يعملوا مبلغ كويس من كده .
بص على الخبر ده
ط§ظ„ظ…ط²ظٹط¯ ظ…ظ† ط§ظ„ط£ط®ط¨ط§ط± ط¹ظ„ظ‰ ظ…طµط± ط§ظ„ظٹظˆظ…: - ظ†ظ‡ط§ظٹط© "ط§ظ„ط¥ط؛ط±ط§ظ‚ ط§ظ„طµظٹظ†ظ‰" ط¨ط¹ط¯ ظˆظ‚ظپ ط¥ط±ط³ط§ظ„ ط®ط·ط§ط¨ط§طھ ط§ظ„ط¶ظ…ط§ظ† ظ„ظ…طµط±

طاولات ملمعة وفى حدود 450-480 متر , النوع جرانيت أسود

الجرانيت والرخام المصرى أصلا ملهمش قيمة فى السوق وفعلا احنا بنصدر ليهم الجلالة والصنى وانواع تانيه ومش معنى اننا بنصدر لهم انهم معندهمش بس هما بيعملوا corners for imported materials from other countries including Egypt .. بس مفيش وجه مقارنة بين الجرانيت المصرى والمستورد ... الجرانيت المصرى كبيره المتر ب 300 جنية .. المستورد بيبدأ من 280 ل 3500 جنيه للمتر زى Azul bahia , verde lapponia , maccuba , mascarelo,etc

البلوكات زى البطيخة يا حمرا وربنا يباركلك ... يا قرعة وتلبسها بالشفا وربنا يعوض عليك ..

ومفيش حد فى مصر بيستورد بلوكات جرانيت .. الأستيراد بيكون للرخام زى الأمبرادور والكرارة والرخام التركى والأسبانى

concerning what is mentioned in el masry el yoom , this is because the payment terms is letter of credit .. but i donot deal with L/Cs ..
the payments terms are T/T ... 30% advance payments & 70% against B/L copy or 100% CAD

على فكره اغلب الرخام و الجرانيت المستورد من الصين خاماته من مصر
بص كده على الخبر ده من 2005 الى بيقول ان الصين محتكره انتاج المحاجر المصريه
ظ…طµط±ط³ : ظ…ط³طھط«ظ…ط±ظˆ ط§ظ„ط±ط®ط§ظ… ظˆط§ظ„ط¬ط±ط§ظ†ظٹطھ ظٹط.ط°ط±ظˆظ† ظ…ظ† "ظ…ط°ط¨ط.ط©" ظ„ط«ط±ظˆط§طھظ†ط§ ط§ظ„ط·ط¨ظٹط¹ظٹط©

L/C >>>> letter of credit خطاب الضمان

T/T >>> wire transfer تحويل الأموال

B/L >>> Bill of lading بوليصة الشحن

CAD >>> Cash againt ........s المال مقابل المستندات

حضرتك شغال ايه ؟

اقتباس:

---

المشاركة الأصلية كتبت بواسطة punisher

طاولات ملمعة وفى حدود 450-480 متر , النوع جرانيت أسود

المستورد بيبدأ من 280 ل 3500 جنيه للمتر زى azul bahia , verde lapponia , maccuba , mascarelo,etc

---

الانواع اللي حضرتك كاتبها دي صيني ؟؟؟

for this link ... Egypt export cotton to turkey then turkey export cloths to egypt .. the same the chinese apply with egypt , they import rough blocks from egypt then export polished slabs to egypt
but the material i am talking about its origin is china not egypt

the materials mentioned are italian and brazilian

انا بسال ليه مستثمرش 110 الف جنيه في شراء بلوكات رخام وجرانيت مصري من الماحاجر وانشرها في المصانع لحسابي ؟؟؟
و بعد اذنك عايزين نوحد اللغه فى الموضوع
يا اما عربى يا اما انجليزى عشان منعملش تشتيت للناس معانا

متابع

يا فندم البلوكات دى شغلها ليه ناسه .. ومش أى حد يقدر يشتغل فيه ويتحمل مخاطره ...

وزى ما قلت دى زى البطيخة مقفولة محدش يعرف اللى جواها مهما كانت خبرته ... ممكن يقولك البلوك ده كويس عشان مثلا مش شايف فيه اى ضمارات بس ممكن يكون الضمار فى نصف البلوك ومش باين ليه ..

انا مجربتش شغل البلوكات ومش ممكن أجرب ... عشان انا مش على استعداد انى اتحمل مخاطر حاجة انا مش فاهمها

اقتباس:

---

المشاركة الأصلية كتبت بواسطة punisher

for this link ... Egypt export cotton to turkey then turkey export cloths to egypt .. the same the chinese apply with egypt , they import rough blocks from egypt then export polished slabs to egypt
but the material i am talking about its origin is china not egypt

the materials mentioned are italian and brazilian

---

على فكره فيه فرق كبير بين انى اصدر قطن مصرى لتركيا و استورد منهم منتج تركى اتعمل بالقطن المصرى
و انى احتكر انتاج محاجر كامله و ابعته للصين و مفيش رملايه منه تدخل السوق المصرى, و ارجع اصدره لمصر و اكتب عليه
Egyptian marble made in china

مش قلنا نوحد اللغة ولا ايه ؟

أريح حضرتك ... انسى الصين دى تماما ... خليك فى الجرانيت الهندى ... ايه رأيك ؟

سؤالى بقى .. ازاى حضرتك بتقول مفيش رملاية تدخل السوق المصرى وفى نفس الوقت عايز تستثمر فى البلوكات ؟

يبقى معنى كده انه موجود فى السوق المصرى ... ولا ايه ّّّّ!!!

وعلى فكرة هوا موجود وممكن تنزل شق الثعبان وحتلاقيه مرطرط

انا اتكلمت على المحاجرالمصريه الى انتاجها ممتاز و الصين محتكراه و بتصدره كله للصين

بص حضرتك
دلوقتي انت بتتكلم على فكره مشروع
فلازم توضح المعلومات المتاحه
وانا بسالك بغرض المفاضله بين فكرتين كمعلومه مش اكتر
وطبعا كل سوق وليه ناسه زي ما حضرتك قلت
ونصيحه مني ليك ... اول ما تقرر تعمل خطوه زي دي يفضل انك تشارك الحاج والدك ... بعد كده تتوكل على الله وتشق طريقك لوحدك

منا فاهم حضرتك بتتكلم فى ايه ..

بس احنا كده دخلنا فى طريق تانى خالص " احتكار الصين للمنتج المصرى واعادة تصديره " وده ملوش أى علاقة بموضوعنا عشان أنا مش ساذج وهتعب نفسى عشان اشترى منتج مصرى مصنع فى الصين ... انا هشترى المنتج من بلده الأصلى .


نصيحة أخوية بلاش تشتغل فى البلوكات لو معندكش استعداد تتحمل خسائر ... طلعت ناس فوق وخسفت ب ناس الأرض .. كل واحد ورزقه

على فكرة نصيحتك غريبة ..

أولا : الأب لو هو أب فعلا مش هيشارك ابنه فى المكسب .
ثانيا : الأبن مطلبش مساعدة من الأب عشان وضحت فى الأول كده
ثالثا : قكرة المفاضلة مش موضوعنا عشان احنا بنتكلم فى موضوع محدد
رابعا : ممكن ابدء الموضوع ده بدون مشاركة بس وضحت انى مش حابب موضوع الربا والقروض .
خامسا : كل واحد بياخد رزقه اللى مكتوبله
سادسا : رجاء نتناقش فى الموضوع المعروض فقط

الحمد لله ربنا سهل الأمور .. وربنا بعتلى شريك محترم

وتم التعاقد مع شركة ومسافر يوم 20/10

وشكرا

ربنا يكرمك
متابع أخر الأخبار

هو حضرتك من أسكندريه ؟؟ وهل المخازن عندكوا ولا فى القاهره ولا ايه ؟؟

اقتباس:

---

ربنا يكرمك
متابع أخر الأخبار

---

ربنا يخليك .. أن شاء الله هبقى اعمل تقرير عن تفاصيل الرحلة بعد العودة

اقتباس:

---

هو حضرتك من أسكندريه ؟؟ وهل المخازن عندكوا ولا فى القاهره ولا ايه ؟؟

---

انا من اسكندرية وكل حاجة فى اسكندرية

اقتباس:

---

المشاركة الأصلية كتبت بواسطة punisher

ربنا يخليك .. أن شاء الله هبقى اعمل تقرير عن تفاصيل الرحلة بعد العودة

---

فى انتظار التفاصيل...قرأت الموضوع متأخرا