طبعاً ذي ما كل الأعضاء عارفين ,,, وتقريباً نص شعب مصر عارف أنا معايا هوندا شادو ....

كنت عايز أركب زينون بدل النور الأصفر الأمامي ,,, فياترا هل كده حيحمل علي البطاريه قوي ولا عادي ...
عشان أنا كل لما أجي أطلع أي مكان وتكون الإناره فيه ضعيفه بحس إن النور الأصفر ده ضعيف جداً جداً وملوش أي لزمه ,,, وخصوصاً في الطرق السريعه ,,,

فياريت اللي يعرف يدلني عشان أنا البطاريه عندي ماشيه ببركة دعاء الوالدين ,,, فهل تركيب الزينون حيقضي عليها خالص ولا لأ , مع العلم إني حركبه في العالي و الواطي أو الواطي بس ... وأيضاً أنا المكنه عندي أمريكاني يعني الواطي مولع علي طول صبح و ليل ...

وياريت حد يقولي نوع اللمبه إيه ورقمها كام في أرقام لمبات الزينون ,,, عشان أعرف من غير ما أفك الفانوس ...

وأرجو السرعه عشان عايز أركبه قبل العيد إن شاء الله ... وكل عام وأنتم بخير