الى خبراء الـ it استشار هامة جدا

**nomercy22** · 27-08-2011 04:55 PM

ليه 4 كورسات هما 3 بس
sql
ws1
ws2
ايه التالت ديه حاجه تاني حاجه هبعتلك الاسم علي الخاص علشان مايبقاش اعلان ثانيا والله مش علشان انا شغال هناك بس انا هديك الاسم وانت تتصل باوراكل ايجبت اسالهم مين افضل ناس وهما يقولولك وهتاخد الماتريال الاصليه هارد كوبي وهتاخد خصم علي الامتحانات وشهاده حضور من الاوراكل كل ده ب 4920 فقط لاغير بس المشكله ان انا اتوقع ان المنحه قربت تخلص فعليك انك تحجز بسرعه

**رزق** · 27-08-2011 05:01 PM

المشاركة الأصلية كتبت بواسطة nomercy22

ليه 4 كورسات هما 3 بس
sql
ws1
ws2
ايه التالت ديه حاجه تاني حاجه هبعتلك الاسم علي الخاص علشان مايبقاش اعلان ثانيا والله مش علشان انا شغال هناك بس انا هديك الاسم وانت تتصل باوراكل ايجبت اسالهم مين افضل ناس وهما يقولولك وهتاخد الماتريال الاصليه هارد كوبي وهتاخد خصم علي الامتحانات وشهاده حضور من الاوراكل كل ده ب 4920 فقط لاغير بس المشكله ان انا اتوقع ان المنحه قربت تخلص فعليك انك تحجز بسرعه

ألف شكر يا أستاذي أنا حاسأل وشوف وربنا يسهل

أنا مش فاكر ليه 4 ولا فاكر حتى كانوا إيه
أنا بس فاكر إني لما عرفت إنهم 4 وكل واحد ب 4 قفلت عالموضوع
وحتى كسلت اخدها self study عشان لو مامعكش شهادة ميفرقش مع صاحب الشغل

**nomercy22** · 27-08-2011 05:04 PM

لو self study ووقعت منك حاجه ابقي قولي وانا تحت امرك

**رزق** · 27-08-2011 05:06 PM

الله يخليك

**أحمد كمال** · 27-08-2011 05:07 PM

بص يا يوسف

اكبر غلط و انت لسه متخرج انك تدور عالفلوس

انت بتقول مش لاقي شغل بدون خبرة بمرتب محترم

مش هتلاقي

لازم تتمرمط و تتبهدل عشان تتعلم

و صدقني المنفعة متبادلة يعني اما تشتغل في مكان بمرتب بسيط و خبرتك بسيطة ....... المرتب ده نظير انك 25% من الوقت شغل و 75% من الوقت بتتعلم

و بتكتسب خبرة من اللي حواليك و دي اللي بتعلي سعرك ....... و على فكرة في اول اربع سنين السعر بيعلى بشكل تصاعدي أسي exponential

يعني لو بدات ب 2000 جنيه ممكن جدا في 4 سنين تضاعفهم مرتين و لو شاطر ممكن اكتر

بس اوعى تغلط الغلطة بتاعة كتير من حديثي التخرج دلوقتي و تدور عالفلوس قبل اي شئ

انا اول ما اتخرجت كنت اتمنى شغل ان شالله ب 300 و لا 500 ........ و ابويا قال لي لو لقيت حتى شغل ببلاش انزل و اديك مصروف مش عيب ....... و لو هتشتغل ب 200 و لا 300 اشتغل و انا اساعدك على مصاريفك ما يضرش

صدقني ....... الشغل احسن من قعدة البيت و لو ببلاش ..... و ما تقعدش تقول فلان اللي بياخد كذا مش احسن مني و ده استغلال و بتاع ........ من الناحية الاخرى انا كصاحب عمل او مدير اعين واحد فريش (صدقني انا اول ما اتخرجت كنت فاكر نفسي الواد الفت التت النت بس اكتشفت ان الخبرة الاكاديمية و المشاريع الاكاديمية حاجة و الخبرة العملية حاجة تانية) و اقعد اعلم فيه و اديله خبرة و اخد منه شغل 30% من الوقت بس بمبلغ كبير ليه؟

و الشغل بيجيب شغل و حتى لو شركة صغيرة مسيرك تنقل للاكبر ...... انا ابتديت في شركة في شقة في عمارة بمرتب على قده جدا و كان القبض بيتاخر كتير ...... دلوقتي ربنا كرمني ...... عشان ما اتنكتش عالشغل

و يا ريت ما تزعلش مني و تاخدها نصيحة من اخ اكبر اتمرمط 8 سنين في سوق العمل

**youssefmustang** · 27-08-2011 05:22 PM

المشاركة الأصلية كتبت بواسطة أحمد كمال

بص يا يوسف

اكبر غلط و انت لسه متخرج انك تدور عالفلوس

انت بتقول مش لاقي شغل بدون خبرة بمرتب محترم

مش هتلاقي

لازم تتمرمط و تتبهدل عشان تتعلم

و صدقني المنفعة متبادلة يعني اما تشتغل في مكان بمرتب بسيط و خبرتك بسيطة ....... المرتب ده نظير انك 25% من الوقت شغل و 75% من الوقت بتتعلم

و بتكتسب خبرة من اللي حواليك و دي اللي بتعلي سعرك ....... و على فكرة في اول اربع سنين السعر بيعلى بشكل تصاعدي أسي exponential

يعني لو بدات ب 2000 جنيه ممكن جدا في 4 سنين تضاعفهم مرتين و لو شاطر ممكن اكتر

بس اوعى تغلط الغلطة بتاعة كتير من حديثي التخرج دلوقتي و تدور عالفلوس قبل اي شئ

انا اول ما اتخرجت كنت اتمنى شغل ان شالله ب 300 و لا 500 ........ و ابويا قال لي لو لقيت حتى شغل ببلاش انزل و اديك مصروف مش عيب ....... و لو هتشتغل ب 200 و لا 300 اشتغل و انا اساعدك على مصاريفك ما يضرش

صدقني ....... الشغل احسن من قعدة البيت و لو ببلاش ..... و ما تقعدش تقول فلان اللي بياخد كذا مش احسن مني و ده استغلال و بتاع ........ من الناحية الاخرى انا كصاحب عمل او مدير اعين واحد فريش (صدقني انا اول ما اتخرجت كنت فاكر نفسي الواد الفت التت النت بس اكتشفت ان الخبرة الاكاديمية و المشاريع الاكاديمية حاجة و الخبرة العملية حاجة تانية) و اقعد اعلم فيه و اديله خبرة و اخد منه شغل 30% من الوقت بس بمبلغ كبير ليه؟

و الشغل بيجيب شغل و حتى لو شركة صغيرة مسيرك تنقل للاكبر ...... انا ابتديت في شركة في شقة في عمارة بمرتب على قده جدا و كان القبض بيتاخر كتير ...... دلوقتي ربنا كرمني ...... عشان ما اتنكتش عالشغل

و يا ريت ما تزعلش مني و تاخدها نصيحة من اخ اكبر اتمرمط 8 سنين في سوق العمل

الله الله الله على كلامك الجميل تسلم يا غالى بأمانة كلام جميل جدا وموزون قوى
طب يا اخى الكريم هل لو نزلت شغل فى اى حته بمدة مثلا 3 سنين هل الشغل بعد ما اخلص تعامل معاه بيدينى شهادة خبرة بالمدة اللى اخدها ولا ايه بالظبط

**shaddadfalcon1** · 27-08-2011 05:29 PM

عايز تشتغل في مصر بمرتب حلو يبقي عليك وعلي اول 4 حاجات دوول هيشغلوك في احلي شركه
وال SharePoint لو اتعلمته بس هتتخطف خطف من الشركات الكبيره

المرتبات بالنسبه ليك من 1500 حتي 3000
25 دي لما تبقي خبره مش اقل من 10 ولا 15 سنه مثلا لكن ديفيلوبر هيتراوح من 1500 حتي 15 او 20 الف

خدلك لفه هنا وربنا يكرمك ان شاء الله

asp.net ده اي حاجه هتتكي عليها هتلاقي سلسلة فيديوهات عظيمه من الألف للياء ومقالات حلوه برده تقراها
شوف الأول web pages & web forms & mvc

Get Started with ASP.NET: The Official Microsoft ASP.NET Site

SharePoint

Home | SharePoint Developer Center | SDK, Training, Code| MSDN
Developer Roadmap, Tools | SharePoint 2010 Advanced Training | MSDN

**أحمد كمال** · 27-08-2011 05:33 PM

المشاركة الأصلية كتبت بواسطة youssefmustang

الله الله الله على كلامك الجميل تسلم يا غالى بأمانة كلام جميل جدا وموزون قوى
طب يا اخى الكريم هل لو نزلت شغل فى اى حته بمدة مثلا 3 سنين هل الشغل بعد ما اخلص تعامل معاه بيدينى شهادة خبرة بالمدة اللى اخدها ولا ايه بالظبط

أكيد لازم تاخد شهادة خبرة

**shaddadfalcon1** · 27-08-2011 06:38 PM

مش اي شغل وخلاص تشتغله
لازم الشغل يبقي بيديك خبره
يعني متروحش في شركه مش مجال ال IT بس فيها IT Department تعبانه وتروح تعمل شوية شغل تعبان وفلوس تعبانه او حتي كويسه هتلاقي نفسك بعد 3 سنين اسوا من الأول

حاول تشتغل في شركة برمجيات صغيره لان دي اكتر حاجه هتديك خبره في البرمجه