حق اللى عربيته اتسرقت على الدولة وغير كده يبقى نصب !

بسم الله الرحمن الرحيم

لو واحد عربيته اتسرقت ... ايه اللى بيحصل ؟؟

الحكومة بتشترى له عربية مكانها ؟

لا اصعب شوية

الحكومة بتخليه يشترى عربية من غير جمارك

لا اصعب شوية

الحكومة بتقوله ... البس يا معلم !

وطبعا ده ظلم ... ليه ؟ لانى انا دافع للحكومة نص تمن العربية جمارك بمعنى انا لما عربيتى تتسرق من حقى ان اشترى نفس العربية من بره مصر من غير ما ادفع لها رسوم جمركية !

ونفس الموضوع مع الحوادث اللى بتتدمر فيها العربية !

بدل ماتقعد تركب نص و3 تربع ليه مش من حقك تعدم العربية دى وبتمن المصاريف اللى هتصرفها تشترى اختها من غير جمارك ؟

ولا هو طحن وتكاليف على الخلق وخلاص

نبقى اعلى بلد فى الجمارك وكمان اللى بيخسر مبياخدش حقه

طيب ازاى واحد يدفع جمرك على عربية مسروقة ؟؟ هو مش المفروض ان الحكومة هيا اللى مسؤولة ؟ وطالما ان العربية المسروقة مش هتتحرك يبقى انا حقى انى امشى فى البلد بالفلوس اللى دفعتها جمارك !

وكذلك الناس اللى عربيتها اتحرقت فى الاحداث اللى فاتت او فى اى احداث شغب

المفروض ان الشخص ده دافع فلوس للدولة قصااااااااد خدمة وهى انه يتنقل بعربية نوعها .....

لحد امتى الحكومة هتستغفل فى الشعب وهتضحك عليه و .........

والحمد لله على كل حال

بقلم : أحمد بكر

هي فكره محترمه
لكن في مصر
الحكومه لو طايله تمشي الناس من غير هدوم
لن تتردد
المصريين الاوائل في دفع الدمغات والضرائب والتائمينات علي مستوي العالم
وبدون فايده او عائد

فى الخطه الخمسينيه الجايه ان شاء الله

ممكن الكلام ده يتحقق في 2015 هجرية

الكلام ده معقول جدا والمفروض يتطبق
زي ما رئيس الوزراء عصام شرف عايز يعفى القادمين من الخارج من الجمارك على متعلقاتهم الكهربيه وسياره خاصه
الاولى فعلا الناس الى عايشه فى مصر طول حياتها الى تحرقت او اتسرقت عربيته يعفى من الجمارك على عربيه زيها

هي الفكرة نظريا كويسة قوي و فيها جزء كبير من العدالة

لكن للاسف إحنا شعب فهلوي جدا , هاتعرف تثبت ازاي ان فلان ده عربيته اتسرقت منه فعلا و بالتالي يستحق واحده تانية من غير جمرك

هاتلاقي مئات من النصابين يدخلوا في الموضوع و في الاخر هايضيع صاحب الحق في الوسط

شوف اللي كان بيحصل في الإفراج بتاع عربيات المعاقين و انت تفهم قصدي كويس

اقتباس:

---

المشاركة الأصلية كتبت بواسطة a_h_m_a_d

هي الفكرة نظريا كويسة قوي و فيها جزء كبير من العدالة

لكن للاسف إحنا شعب فهلوي جدا , هاتعرف تثبت ازاي ان فلان ده عربيته اتسرقت منه فعلا و بالتالي يستحق واحده تانية من غير جمرك

هاتلاقي مئات من النصابين يدخلوا في الموضوع و في الاخر هايضيع صاحب الحق في الوسط

شوف اللي كان بيحصل في الإفراج بتاع عربيات المعاقين و انت تفهم قصدي كويس

---

هو الي عربيته تتسرق يبقى مثلا فيه مده زمنيه معينه بعدها يثبت حقه ان العربيه اتسرقت
يعني مثلا يعدي عليها سنه من تاريخ السرقه و العربيه ماظهرتش
اكيد يعني هيفضل مخبي العربيه سنه كامله

و بعدين اكيد يبقى فيه ضمانات و شروط زي ما كل حاجه مليانه شروط في مصر

المهم الفكره تتطبق و دا اقل العدل !!!!

اقتباس:

---

المشاركة الأصلية كتبت بواسطة sha2e

الكلام ده معقول جدا والمفروض يتطبق
زي ما رئيس الوزراء عصام شرف عايز يعفى القادمين من الخارج من الجمارك على متعلقاتهم الكهربيه وسياره خاصه
الاولى فعلا الناس الى عايشه فى مصر طول حياتها الى تحرقت او اتسرقت عربيته يعفى من الجمارك على عربيه زيها

---

يا ريت والله يعمل نص الكلام الي بيقوله !!
انا مش عارف لغايه دلوقتي ماعملش اي حاجه من الكلام دا ليه ؟؟

الجمارك قاعده بتزيد مش بتنقص
حتى الاوروبي الي المفروض الجمارك بتاعته نزلت 20% ماشوفناش حاجه رخصت
بالعكس العربيات بتغلى و التليفزيونات بتغلى و كل حاجه بتغلى !!!

كلام موزون و جميل

اقتباس:

---

المشاركة الأصلية كتبت بواسطة love7amada

كلام موزون و جميل

---

++++++11111111111111111

إذا كان عربيات ذوي الاحتياجات الخاصه تم التلاعب فيها يبقي دي مش هيلعبوا فيها

يا فندم احنا عندنا هنا في مصر ما شاء الله فئه سماسرة السيارات على مستوي احترافي في ...........