عاوز اعمل شغل فى فرامل النوبيرا .. نصايحكم

سلام عليكم

عندي النوبيرا فراملها تكاد تكون متواضعه

رجة فى الدركسيون من الطنابير .. خرطها الرجة قلت بس لسه موجوده

جبت طنابير Sk الرجة زادت .. طنابير نوعها وحش جدا منصحش حد بيها

وكمان عندي مشوار البدال عشان العربية تقف كبير شوية تحس ان فيه هوا مع انى لسه مرجلش العجل الى ورا ومظبط الهاند والهاند بتشد وكل حاجه

دلوقتي انا معايا 1000 جنية ميزانية وقدامي حلين !

1-- اغير ماستر (ممكن يكون ضعف مع ان الزيت مش بينقص) واجيب طنابير وتيل فرامل اصلي .. والاداء هيبقا كويس والبدال مظبوط كدا والعربية تشد لورا ع سرعه ؟؟ .. واجيب طنابير نوعها ايه ومنين ؟

2-- ولا مغيرش الماستر واجيب طنابير و تيل فرامل جولد واعمل تعديل الفرامل الخلفية ؟؟؟ .. ممكن الحاجات بالظبط الى هحتاجها ايه لو هعمل التعديل ده وعنوان ميكانيكي كويس يعملي الكلام ده

ممكن نصايحكم اعمل ايه ؟؟

من وجه نظرى وخبرتى المتواضعة
انك متغيرش المساتر غير لو فعلا تعبانة وهتجيب طنابير وتيل نظاف او الاصلى .
وهتشوف ورا التيل كويس بردو ولا محتاج يتغير او يترجلش بس ويسحب الهوا وتظبت زيتك تمام وياسلام لو غيرتة بالمرة طالما عملت الشغلة دى كلها مش هتيجى على كام علبة زيت . (كدة انت معاك الفرامل مظبوطة ان شاء الله زى الفابريكة )

لو هتعدل ورا هيبقى نفس الكلام قدام هتعملة وورا هتشوف اية محتاجة للتعديل والاعضاء اللى عملوا التعديل هيفيدوك فالقطع الغيار اللى محتاجها والتكلفة .
وان شاء الله خيير

اول حاجة حتجيب تيل اصلى و طنابير نضيفة للفرامل الامامية... و يفضل تغير زيت الفرامل

لو فرامل ورا محتاجة تيل غيرة... اما لو محتاجة تغيير طنابير نتيجة تكون شفة فا حتلاقى تكلفة التيل و الطنابير مقاربة لتعديل الفرامل الى دسكات... احسبها كويس و بناء على التكلفة قرر حتغير ولا حتعدل

الماستر العمومى مشكلتة بتظهر فى شكل هروب للفرامل... يعنى لما تدوس تلاقى الدواسة مشيت كتير و العربية مش بتفرمل... لو دة بيحصل يبقى الماستر الله يرحمة

MMamdouh

لا هي الفرامل بدوس حبه كدا بسيطة وبعد كدا حبة تهدية وبعد كدا التوقيف الجامد

بس بحس ان الحبة الى ف الاول هوا زيادة شوية .. بس اما بدوس جامد العربية بتكلبش وبتقف

ده عادى ف الدايو .. ولا الماستر ابتدى يهرب ؟

بغض النظر عن تعديل الفرامل

انا جبت طنابير ممتازه من احمد محرم اللى فى عين شمس سعرها 200 جنيه
وتيل جولد ب 60 جنيه والرجه راحت والفرامل كويسه
وان شاء الله ناوى اغير طنابير وتيل خلفى(التيل غيرته مره) بس عمرى ما غيرت الطنابير الخلفيه
وفعلا العربيه نازله بحجات سيئه للغايه زى المساعدين والتيل والطنابير

هى ايه احسن طنابير موجودة فى السوق نوبيرا و لانوس ( بعد اذن صاحب الموضوع )

اقتباس:

---

المشاركة الأصلية كتبت بواسطة smalltoto10

لا هي الفرامل بدوس حبه كدا بسيطة وبعد كدا حبة تهدية وبعد كدا التوقيف الجامد

بس بحس ان الحبة الى ف الاول هوا زيادة شوية .. بس اما بدوس جامد العربية بتكلبش وبتقف

ده عادى ف الدايو .. ولا الماستر ابتدى يهرب ؟

---

كدة عادى

MMamdouh

طب بعد اذنكوا

عاوز اعرف احسن طنابير ايه .. ويا ريت يكون معاها ضمان او اى حاجه عشان الطنابير المضروبة الى جبتها قبل كدا متتكررش تاني ..!

ويا ريت المكان الى اجيبها منه ؟