مشكلة احتار فيها كل الميكانيكية : ارتفاع في rpm فجأة ثم نتشة في باسات 2006

**abdobasha2004** · 27-08-2011 06:07 AM

السيارة : فولكس فاجن باسات 2006

توقيت حودوث المشكلة :
بعد حوالي نصف ساعة من المشي العادي ( ملحوظة اثناء هذه الفترة منذ بداية التشغيل الى حوالي نصف ساعة تكون السيارة عادية تماما ) وتتفاقم المشكلة عند محاولتي القرص على العربية زي مثلا عاوز اطلع من واحد او اعمل تسارع.

المشكلة تحديدا :
وقدمي ثابتة على دواسة البنزين اجد صوت الموتور علي مع زيادة rpm فجأة يصل الى 50 احيانا، ثم نتشة في السيارة، تتناسب هذه المشكلة مع كمية العزم او الشد اللي انا كنت بحاول اشده، يعني لو كنت عاوز اطلع من واحد بسرعة اوي او ادوس بنزين جامد بتبقى النتشة قوية وال rpm يعلى جامد

ملحوظات :
* احيانا اجد قفشة او فرملة عند النزول من الغيار الثالث الى الغيار الثاني
* ذهبت لمتخصصين باسات قالولي زيت الفتيس، غيرته، والنتشة برضو موجودة
* غيرت بوجيهات مرتين (منه لله واحد بتاع صيانة فولكس فامبابة سرق الجداد الاصليين اللي كنت جايبهم وحسبي الله ونعم الوكيل)
* قبل حدوث النتشة اشعر ان السيارة مخنوقة، وبعدها اشعر كان السيارة راقت ونضفت شوية...وتمشي شوية عادي وترجع تنتش مع زيادى rpm وهكذا......

رجاء اي ملاحظة او حلول
وجزاكم الله خيرا

**DONYO** · 28-08-2011 10:26 AM

اعتقد والله اعلم ان دة له علاقة بالايدول سينسور محتاج يتنضف او يتغير

**SAMEH_FOUAD** · 28-08-2011 02:51 PM

ياريت تعمل تنظيف شامل للبوابة وخصوصا بلف الايدل , لان واضح ان عندك صعوبة فى القرايات مابتخليش العربية تحسب كمية الهواء اللى عايزاها لاتمام عملية الاحتراق السليمة او التى تتناسب مع كمية البنزين

**fahd_628** · 29-08-2011 04:48 AM

حط منظف دورة البنزين لو عاوز مع انى اعتقد ان ملوش دعوة

المهم هل تلاحظ تلاعب فى ال rpm او فرقعة فى الشكمان او اى حاجة غير طبيعية ؟

هل تشم رائحة بنزين مثلا او اى حاجة !!

**NFS** · 29-08-2011 06:28 AM

المشاركة الأصلية كتبت بواسطة semsem kane

ياريت تعمل تنظيف شامل للبوابة وخصوصا بلف الايدل , لان واضح ان عندك صعوبة فى القرايات مابتخليش العربية تحسب كمية الهواء اللى عايزاها لاتمام عملية الاحتراق السليمة او التى تتناسب مع كمية البنزين

مش بلف الايدل مسؤل عن سريان الهواء للموتور فى حالة ان الثروتل مقفول, ازاى هيسبب له مشكلة و هو ماشى بالعربية؟ ياعنى انا قصدى ان المفروض ان مهمة الايدل بتنتهى بمجرد ان هو داس بنزين و رفع الار بى ام و مشى بالعربية خلاص؟

**SAMEH_FOUAD** · 29-08-2011 01:25 PM

المشاركة الأصلية كتبت بواسطة nfs

مش بلف الايدل مسؤل عن سريان الهواء للموتور فى حالة ان الثروتل مقفول, ازاى هيسبب له مشكلة و هو ماشى بالعربية؟ ياعنى انا قصدى ان المفروض ان مهمة الايدل بتنتهى بمجرد ان هو داس بنزين و رفع الار بى ام و مشى بالعربية خلاص؟

بلف الايدل دة اللى وظيفتة انة يظبط سلانسية العربية بدون تدخل منك + انة بيرفع نسبة الهواء اللى داخلة للمحرك اثناء وجود احمال علية زى التكييف مثلا

لو الايدل فية مشكلة هيعمل خنقة فى العربية

وطبعا دورة مش بينتهى بمجرد ان يدوس بنزين وخلاص لأ طبعا دة بلف شغال طول مانت دايس او واقف ولما بيكون نظيف وسليم بيخلى العربية تحفة

**raouf** · 29-08-2011 05:36 PM

طبعا كل اللى قاله الاخوة سابقا صحيح

انت مشكلتك حاجة تبع دورة البنزين
انا لما بانزل بالعربية مصر لشهر او 2 العرربية بتتلخبط كتر خير العربيات اللى فى مصر انها ماشية بالجاز ده اللى بيسموه بنزين

المهم اذا نظفت كل دورة البمزين وحساس الهواء والايديال كما قال الاخوة فيه حل كمان ممكن يكون برمجة الفتيس ودى 5 دقايق فى التوكيل يحدث ليك السوفت وير للفتيس لانه بيحدد استجابة ومدى نقل النقلات فى الفتيس

**bekatcho** · 29-08-2011 10:09 PM

يا باشا المنشكلة دى كانت معايا فى الافيو دى من فيشة الار بى ام تروح التوكيل تغيرها او تخلى اى حد يغيرها

-

الموضوع: مشكلة احتار فيها كل الميكانيكية : ارتفاع في rpm فجأة ثم نتشة في باسات 2006

LinkBack

أدوات الموضوع

عرض

-

-

-

المواضيع المتشابهه

فزورة احتار فيها الناس !!!الشاهين بتسخن في السريع بس و في الزحمة لا و عجبي؟؟؟؟

مشكله احتار فيها الحكماء

مشكلة كبيرة جدا بعد ارتفاع درجة الحرارة فجأة

شاهين 2006 عندي مشكلة فيها

شاهين 2006 عندي مشكلة فيها

الكلمات الدلالية لهذا الموضوع

المفضلات

المفضلات

ضوابط المشاركة