عرض للطباعة
ياجماعه لو سمحتو انا تعبت من اللف علي ميكانيكيه وللاسف كانت في مشكله حصلت في العربيه واضطريت اني اروح لميكانيكي اوبل وحلها الحمد لله بس ده ميمنعش انه مش متخصص في البي ام فكنت محتاج ميكانيكي يكون كويس واسعاره حلوه ومكان قطع غيار ( غير الحرفيين ) وانا موجود في شبرا
وشكرآ مقدمآ :)
يا باشا لو على الميكانيكى فى منصور بى ام دا فى جسر السويس فى حتة اسمها عزبة شنودة دة بجد فنان ملوووووووووووووشش حل بصراحة انا كمان لفيت كتير و فى الاخر رجعتلوا
أنا بقى عايز كهربائي محترم لأن الكهربائي بالنسبة لي أهم من الميكانيكي
في واحد اسمة عصام منصورة ده كهربائي شاطر ورا مجدي البيومي في الحرفيين ولو عايز حاجات استيراد روح لمجدي البيومي عن تجربة راجل ثقة جدا
هو منصور ملوش حل بس في مشكلة أنوا مبيخلكش تجيب قطع غيار استعمال خالص كل حاجة عنده جديد و لازم تبقي الماني .. هو في واحد في عين شمس كويس اسمه مصطفي بالنسبة للكهربائي في صابر ده برنس في الحرفيين بلوك 10
حد يعرف يوصف مكان منصور بالظبط لانى كنت بروح مع صاحبى ومش عارف اوصله ازاى انا اعرف جسر السويس بس ف انهى مكان بالظبط ياريت حد يشرحلى
لو انت جاى من ناحية روكسى خليك ماسك جسر السويس ولما تنزل من كوبرى التجنيد تسيب اول U Turn وتلف من تانى واحد..تدخل يمين فى تانى شارع على يمينك تمشى 100 متر تلاقيه فى ناصيه.اقتباس:
المشاركة الأصلية كتبت بواسطة samehelrewesh
بس نصيحه لوجه الله روح للشيخ طارق فى الكيلو 4 ونص تحت كوبرى الجيش..راجل وشه سمح وعنده ضمير قوى....انا كان الميه عندى بتنقص بمعدل بطىء .رحت لمنصور ..من غير مايفتح الكبوت قاللى الرادياتير عايز يتغير وده عيب معروف فى الموديل ده! بكام ياعم ؟ ب 2600..قلتلته حاضر هالم الفلوس واجيلك, طبعا ماروحتلوش تانى لانه ماكلفش خاطره يكشف ويشوف التسريب فين...اول امبارح رحت للشيخ طارق راح كبس الميه وراقب الضغط للقاه فعلا بيقل ببطء..فضل يبص على كل جزء ..لما مالقاش حاجه قال للصبى بتاعه يفك لوح صاج متركب فى اول الكبوت ومغطى سطح الرادياتير..اول ما فكه شفنا ماسوره رفيعه بتاعة الفايظ فيها شق رفيع من مخرج الرادياتير..راح مغيرهالى بماسوره معدن ف ربع ساعه وطلب 70 جنيه..رحت مديلله 100 ربنا يباركله يارب
شكرا يا باشا على ردك
طيب الشيخ طارق دا مكانه فيين بالظبط فى 4.5؟؟
وانا معايا m40 بيشتغل فيها عادى ولا اييه الكلام وهو تخصص امات بس ولا كله ؟
هو تحت كوبرى الجيش الجديد اللى عند الكيلو 4 ونص...لو انت جاى من مصر الجديده ماتطلعش الكوبرى..من تحته اعمل U tern وادخل اول يمين تلاقيه على طول...هو مشهور جدا هناك ومكانه نضيف وبيتعامل مع كل موديلات البى ام...وابقى احكيلنا
سلام عليكم
انا لسا مشترى عربيه 98 (525) ومحتاج ميكانيكى وعفشجى (أمين ومحترم) يلمولى الشغل اللى فيها من غير النصابين بتوع الايام دى
ف يا ريت افاده من ذوى الخيره فى الموضوع ده
شكرا جزيلا مقدما.