عاجل- صيانة ال25000

**alexman007** · 27-08-2011 12:38 PM

صباح الخير
حد يعرف يا جماعة ممكن اعمل صيانة ال25000 وانا العداد عامل 24500 مثلا ... لان فيه حاجات عاوز اكشف عليها وعاوز شيك كده قبل اما اسافر مطروح هل في التوكيل عادي لو اقل من 25000 يمشوها ولا هيدققوا؟؟؟
ملاحظاتي اللي مجنناني:
1- اما ابقى واقف بالعربية مثلا وادوس فرامل على الاخر واسيب وادوس واسيب بسمع صوت تزييقة للعربية كلها غريبة جدا ومجنناني كان فيه بوش في تيل الفرامل ... انا مش عارف صراحة تيك تيك تيك تيك .... كنت بسوق اوكتافيا بتاعت واحد صاحبي واما ادوس فرامل والعربية تقف على الاخر واسيب كنت بسمع نفس التكة

2- دواسة الدبرياج .. حد عنده بيسمع صوت وهو بيدوس الدبرياج من البدال من جوه ... قلت للتوكيل عليها 4 مرات وكل مرة يقولي هنزيته وبرضه يفضل الصوت وانا بدوس دبرياج هو من جوه الصالون

3- كل اما ناس تركب معايا العربية من ورا زيييق زيييييق ... هل ده تشحيم ولا ترييح هيكل العربية عادي؟؟

شكراااااااا ليكوا ومستني الردود

**Ahmed A Rahman** · 27-08-2011 12:52 PM

الصيانة ممكن تعملها 1000 كيلو اقل او اكتر يعني 24 الف ولحاد 26 الف

كل الاصوات الاخرى اصوات عفشة محتاجه تتزيت مش اكتر ولو استلمت حاجه بتزيق متخرجش بيها من التوكيل تطلب من المهندس بهدوء ان العربية تدخل تاني تتزيت وعادي بيدخلها على طول

**gebreel** · 27-08-2011 06:32 PM

انا كل صياناتي بعملها قبل ب 1000 لأني بمشي بالعربية قليل

**gebreel** · 27-08-2011 09:11 PM

الفرامل لما بتيجي تفرمل و العربية تقف خالص بتحس بصوت تزيقة من قدام؟

**asimo** · 28-08-2011 07:04 PM

انا نعاك فرامل اللوجان فيها خاجة غلط انا عمل 17000 ونفس المشكلة عندى اعتقد دى مشكلة سيرفو الفرامل او عيب فى صنع السارة

**walloo1978** · 31-08-2011 04:04 PM

بالبنسبه للصيانه مفيش مشكله انا عملت صيانه ال 25000 وكانت العربيه ماشيه 23500 بس علشان كان عندى مشكله تانيه وقلت اعملها الصيانه بالمره
بالنسبه للفرامل ياريت تحاول تضغط عليهم فى التوكيل علشان يحلولك المشكله دي دا علشان سلامتك
و عموما فرامل اللوجان كويسه جدا وقليل جدا اما حد يشتكى منها

وائل الشيشينى