عرض للطباعة
السلام عليكم
ازيكم يا جماعه , ايه اخباركم و كل سنه و انتم طيبين
انا من طنطا و معرفش اى حاجه فى القاهره للأسف و عايز اروح اجيب اللاب بتاعى من التوكيل
العنوان هو شارع وادى النيل - المهندسين , شركه اسمها مترا
انا رحت مع صاحبى اودى الجهاز الاسبوع اللى فات بس تهنا عشرين ساعه على وصلنا فمعرفتش الطريق
انا لو وصلت للشارع هعرف اوصل للشركه
بس انا معرفش غير انى اطلع من طنطا على الزراعى و اوصل القاهره ممكن بقى حد يكسب فيا ثواب و يشرحلى بالتفصيل ازاى اوصل لشارع وادى النيل ده
شكرا
هتوصل القاهرة عند شبرا الخيمه هتكمل لحد رمسيس من هناك هتاخد كوبرى اكتوبر تنزل نزله الدقى هتلاقى نفسك جنب المهندسين فين هناك بقى توكيل مترا مش عارف
زي مقالك دكتور ميدو انزل نزلة أكتوبر الدقي..إنت كده في البطل احمد
لف وارجع
خلص البطل احمد...
عند تقاطع البطل مع جامعة الدول .. وادي النيل حيكون الشارع اللي في وشك لأ اللي على شماله
http://i.imgur.com/p45it.jpg
شوف ببساطه اوصل شبرا الخميه ادخل من على الكورنيش اطلع كوبرى الزمالك وانزل ميدان لبنان ولف من تحت الكوبرى كانك راجع تانى بس من البطئ وفوق النفق ادخل يمين ثانى تقاطع يمين ادخل فيه وابتدى دور على ركنه واسال على شارع الحجاز