خرطوم خارج من التكييف ورايح للسربنتينة ضرب - أرجو المساعدة

السلام عليكم أخواني الكرام.
فيخ خرطوم خارج من التكيف ورايح للسربنتينه, وأنا واقف لقيت الخرطوم ده ضرب ونزل حاجة زي الزيت فا حد يعرف خرطوم أيه ده وكام مصنعية تصليح العطل ده. نوع السيارة: دايو نوبيرا 2
جزاكم الله خيرا مقدما

لو قصدك علي الخروطوم اللي فيه قاعده من تحت ووواصل بين الكومبيروسر واحاجه فوق كده وفيه قاعده من تحت ده كان بايظ عندي في اللانوس وجبته استيراد ب 140 وهو اصلا ب 150 وركبه وشحن ومخدش مصنعيه علي تركيبه

تقريبا ب150 عند بتوع التكيف والاصلى ب 230 استعمال الخارج ممكن تجيبه ب 40

خرطوم ايه ده ؟؟ وظيفته ايه

اقتباس:

---

المشاركة الأصلية كتبت بواسطة maka

خرطوم ايه ده ؟؟ وظيفته ايه

---

ده خرطوم الضغط العالي في دوره الفريون

شكرا لكم أخواني الكرام على ردكم وجزاكم الله خيرا.
الخرطوم ده خرطوم ال 8 بتاع الضغط العالي بتاع التكييف. تكلفة أصلاح العطل كانت كالأتي:
خرطوم أمريكاني (جود يير) وبتاع التكيفات هو الي بيعمله من عنده (قطع الخرطوم القديم ولحام الخرطوم الجديد) = 150 جنيه.
شحن الفريون وتعبئة قليل من الزيت للكباس=150 جنيه
يعني التكلفة الأجمالية = 300 جنيه.
طبعا أنا كنت عاوز أجيب الخرطوم الأصلي ورحت للمنير بتاع قطع الغيار في فيصل أسأل عليه قالي مش عندي ومتدورش عليه فتوكلت على الله وقلت أركب الأمريكاني الي عند بتاع التكيفات والحمد لله التكييف شغال تمام. شكرا لكم مرة أخرى.

يا راجل الخرطوم عند ابو الحسن
ومنه كتير عند بتوع الاستيراد

الخرطوم الجود ير الامريكانى دة ممتاز على فكرة و أن شاء الله حا تنساة

اقتباس:

---

المشاركة الأصلية كتبت بواسطة zaza_lanos

يا راجل الخرطوم عند ابو الحسن
ومنه كتير عند بتوع الاستيراد

---

وقتها كنا في رمضان ومكانش فيه وقت خالص أدور عليه فقلت أتوكل على الله وأركب الأمريكاني وخلاص. وشكرا لك أخي على الأفادة.